Ayaw ug Enter kay mag sungo imo ilong (HUMANA)

Bitoon Na Di Ko Makab-ot

Gahangad sa langit

Akong bitoon asa ka?

Nagmalaomon kung gibati

Gipangita ko ikaw

Karon dili na sakit

Nabation na wala na ka

Murag naanad na

Pero bisan unsaon

Mahinumdoman gihapon

Na kaniadto makab-ot pa

Na kaniadto magkaistoryaay pa

Nganong mibiya ka?

Nagtoo ko na nagkasinabtanay na ta

Na dili na ta magaway ug maglalis

Abi ko imo ko napasaylo

Gi sayonsayon raman diay ko nimo

Sa pagbiya

Na mura ba ug

Di ta dugayng magkaila

Wala na may pulos na bation ko

Kay nakita ko na malipayon na ka sa uban

Ang ngisi sa imo mga mata

Ang pag tawag nimo sako ngalan

Na karon kutob nalang sa hunahuna

Di na gyud matinuod

Ang atong mga saad ug mga pangandoy

Nidoko ko ug nagool

Kay hangtod ron

Ikaw pa gihapon ang gidomdom ko

Ang mga awit ug litrato

Nagibilin mo

Ako ng gisunog ug gilubong

Dili nalang gyud ko maghandom na mobalik pa ka

Ako na ning librehan ang kasingkasing ko

Na sa kamatoorang wala na ka

Ikaw ang usa ka bitoon na di ko makab-ot

Makakita lang ko nimo

Di ko malikayan na akoy maguol

Kay diri nalangman taman ang tanan

Kabahin sa istorya nato

Maayo pay matulog

Kay sa mag maoy na way kahumanan

Maayong gabii sa tanan