Minlərlə səs vardır- çox gözəl, zövqlərə xitab edən, dünyanın ən məşhuru ola biləcək-ölüdür;
Bilirsiniz, səs eşitdim bu gün. Necə gözəl idi. Eşitsəniz həmin səsə heyran olardınız. Saatlarla söhbət etmək, o səsdən ən gözəl nəğmələri dinləmək istərdiniz. Amma o səsin sahibi çox çarəsiz və layiq olmadığı bir yerdə idi. Titrəyirdi soyuqdan əlləri, səs telləri əsirdi danışarkən, bir damla suya möhtac idi. Özü də, səsi də ölmüşü...
Minlərlə qabiliyyət vardır- nadir tapılan bir şeydir istedad halbuki - ölüdür;
İnsan vardır kimsənin düşünmədiyini düşünən, hər kəsdən fərqli olan, yeniliklər yaradan, lakin necədə yaddır öz istedadına, kimlərəsə qurban etmişdir ömrünü , ən dəyərlisi qalmamışdır həyatda.
Minlərlə xəyal vardır- reallaşsa bəlkə də ən böyük kəşflərdən olacaq - ölüdür;
Xəyalları sadəcə xəyal olaraq qalanlar vardır, danışsa bəlkədə inana bilməzsiniz düşüncə tərzinə. Ümidini üzmüşdür həyatdan, məhv olmaqdadır o xəyallar.
Minlərlə sevgi vardır- qəlblərdə yatır, oyansa sülhə səsləyər cahanı - ölüdür;
Sevməyə belə qorxar bəzi qəlblər, sevsə necə gözəl gülər gözləri, gülümsədər ona baxanları. Ətrafına nəşə yayar ən saf duyğularla.
Minlərlə kəlimə vardır- deyilsə qəlblər qırılmaz, ayrılıqlar olmaz - ölüdür.
Demədikləridir insandan hesab tələb edən, demədikləridir ən son anında belə ən böyük peşmanlıqları yaşadan. Kəlimələrdir insanı yaralayan, yaraları sağaldan.
**************************************
yaşayırsan, həyatda varsan, bir zamanlar sənin kimi yaşayanların əksinə indi sən nəfəs alırsan Yaşamağa çalış, ən azından çalış çünki həgigətən yaşamırsan...
YOU ARE READING
DolunAy
Non-FictionHər kəsdən biraz var yazdıqlarımda. Oxumaq lazımdır bəzən. Sadəcə oxumaq... Özümüzü tapmaq üçün, sevmək üçün , bağışlamaq üçün, aldanmamaq üçün. Hər oxuduğumuz hekayə də biz varıq. Bizdən parçalar var. Nə qədər çox oxusaq bütünləşməyimiz o qədər asa...
