السلام عليكم ايها القوم ✋
ابشركم الاسبوع الجاي اجازه👏💃 ايوه ايوه ولد ولد ..
المهم اليوم الاثنين كان علينا 7 حصص اليوم بس اخذنا3 حصص
والباقي كله جالسين مزهريه ما اخذنا شي ...
نص الابلات غايبين واحنا بس نغيب تنسونا اسمنا وتهزءونا😤
المهم بدؤا الحلوات المعلمات يغيبوا عشان قربت الاجازه او بسبب ظروف
ما ادري لهم ايش هذه الظروف الي تغيب15 معلمه 😬...
اففففففف عليهم😤....
المهم اهدي يا اسراء خذي شهيق😤 زفير😧....
اخذنا اليوم من المادات(حديث،E،اللغه العربيه)....
المهم كمان ابغى اقولكم اليوم الموقف الي حصل مع( لمى )الي هي معانا
بالفصل جديده يا جماعه اكرهها استغفر الله والله انكم تكرهوا اليوم الي
تجلسوا فيه جنبها ...
تخيلوا يكون جنبكم احد مفهي والمعلم او المعلمه يقولوا اكتبوا جاوبوا
اقرأوا ويقومه المعلم او المعلمه عشان يجاوب وهو يضربك برجوله عشان
تغششه الجواب ايش هي رده فعلك؟!....
عن نفسي انا ما قولتلها الجواب خليتها تتفشل احسن😈😈😂😂😂
وكمان في موقف خطيييير جدا والله محرججج واتفشلت اليوم بسبب هذا
الموقف وهو اناوصحباتي في الحصه الي كنا فاضييين فيها كانت المعلمه
تشوف كتب سادس الابتدائي المهم هذه الابله كانت علينا احتياط عشان
معلمتنا كانت غايبه😒👊..
المهم خلصت المعلمه من الكتب واختارتني انا ووحده من صحباتي اسمها
(رنيم) قالت لنا اعطوا هذه الكتب لصف سادس ابتدائي المهم رحنا ودخلنا
من دون ما نلاحظ انه فيه مديره القسم الابتدائي ومساعدتها احسهم كانوا
متخبئين المهم دخلنا والابله تشرح حطينا الكتب قدام طاوله وحده من بنات
سادس المهم قلت وبصوت عالي كتبكم وبعدين اكتشفت انو المديره
ومساعدتها موجودين ويطالعوا بإستغراب لي 😒 المهم انا هنا انفجعت😫
فجأه وخرجت من الفصل وقفلت الباب وصرت اجري واقول والله تفشلنا
انا وصحبتي واضحك😂 وشوي اصلا كذا وابكي😢 ...
المهم رحت الفصل وانا اضحك والمعلمه تقولي ايش في ؟
قولتلها والله يا ابله اتفشلنا قالت الابله ليش ؟
المهم حكيتلها الموقف والى الان ماني راضيه عن نفسي بذا الموقف😂
