وصلت لمكناس كنقلب على اقرب بزناز , خديت روجة "مغرابي" بيريمي , او كوجاك "يوبي ", كاس جوتابل , مشيت لسطح دارنا لقديمة ليفيها غير السفلية , طلعت لسطحها من واحد الكرمة لاسقة فيها , كنت كنمشي مع السكايرية كيف كال "م_فيكس " لدوي خاوي حسبوه كانبو , هظرة سكايري ماشي خاوية عارف اش تيقول ولكن باغي ليسمعلوا, انا مابغي حد يسمعلي مين نسكر حيت عارف راسي غالت عارف راسي الى مت هكا غدي نتبعت او كاس شراب فلساني تيكوليك الشراب تيرد الكبدة مشمعة مكرهتش تولي حجر , بديت كنشرب او كنتفكر بلي مكنتش كنقد حتى على قهوة نورمال دبا روج خانز كنشربو , ماشي لخاطري راني كنبغيها كنكب او كشرب على التيقة ليعمرها تولي او ليعمرني نتيق فشي وحدة حيت كوكاكنو تيقة كون دارهم الله ملائكة , كنكب او كنشرب على هرمون الأوكسيتوسين ليخلاني نبغيها من اول شوفة .
ربعة ديال ليل ذماغي ولى بحال الموري دساعة كيضور وانا نقلب كلشي تقيت العالم مكرهتش دوك المشاعر ديال التب يكونو ماكلة فقلبي ندير غير يدي فمو يخرجوا , تقيت حسيت بالنعاس او البرد , نعست فالسطح حتى للصباح مين فيقني ميساج من عندها كاتبلي سمحلي عافاك مشي لخاطري راهم بزو عليا نتمنا ليك حياة جديدة او شي وحدة تقدر تحبك , خخخخخخخ ديلاش هاد سمحلي ؟؟ مبقيتش باغي نسبها مقادش حتى نهظر وخا فالول كنت باغي نولي رتشارد عزوز فبلاست منسب لماليك نسبها هيا وقفت جبت لكارط من التيلي او هرستها حتى تيليفون شفت فيه مزيان او ضربتو كيف ضربوا صحاب الذيب علي زاوة حتى بانولو جوج شميشات . كنخاف من الموت , كنخاف من الخوف تربا فيا او انا صغير , الخوف ديالي دبا هي الريحة ليفمي ليمشي يشوفها شي حد او ليعيق بيا شي حد كنحس بالشقيقة , دزت الحانوت قسيت مزيان او طلبتليه الما نغسل بيه وجه . اومشيت لدار نكمل نعاسي , اه اخويا هدشي بزاف خصني كتر من صطل باش نخوي ربع شهور او شيحاجة ماشي عاد حيت كانت قود من سمية ديسك ديال ميمون الوجدي (صدمة كبيرة) .
