~الوغد الحنون~

1

تبدا قصتنا من شاب يعيش مع امة يعشقها عشق جنونى

لا يرتاح الا لراحتها ولا يشقى الا لشقائها

بسمتها منبع بسمته لا يتعب من خدمتها ولا يرتاح الا ف حضنها

ذاك الشاب هوا _______امير __________

رغم انه يتيم الاب الا ان امه عوضته الامان والحنان

كان يتمتع بجمال وحنية الا انه ليس بكائن مثالى

كان يجد متعته ف معاكسة البنات او مصاحبتهم

يعنى من الاخر بيسلى نفسة

يعاكس دى ويصاحب دى وبما انه فتى الكلية الوسيم بنات كتير تحب تتكلم معاه

...........................

سميرة :امير يالا ياحبيبى قوم عشان تلحق كليتك

امير:صباح الفل ياست الكل

سميرة:صباح الخير ياقلب ماما يالا ياحبيبى قوم عشان تلحق كليتك يالا هانت فضلك سنة وتخلص بقى وافرح بيك مهندس اد الدنيا

امير:يارب ..والله هفرحك انت غالية عندى ومقدرش ارفضلك طلب ..نفسك ف ايى كمان

سميرة:نفسى افرح بيك عريس جميل واشيل ولادك

امير: ولو انى مش بفكر ف الجواز دلوقتى بس ان شاء الله وهتكونى احلى جدة

سميرة:يارب ياحبيبى ربنا يكتبلك الخير ويهديك

امير:امين

.ونزل الكلية امير لتستقبلة شلتة العظيمة

رامز:اهلا بالكوتش اية يابنى اتاخرت ليه فاضل ع المحاضرة 5 دقايق

امير:طيب يالا عشان نحضر

بيبو :لا روحو انتو يادحيحة انا هحضر السكشن ماليش ف جو المحاضرات

رامز:انت حر

رامز:الا يبنى انا مستغرب انت ازاى فلاتى وبتاع بنات كدة ماشاء الله دحيح ف مذاكرتك

امير:انا بذاكر وانجح عشان خاطر امى نفسها تفرح بيا ومن يوم ماابويا مات وانا عيل واخدت وعد انى افرحها

اما البنات بقى فدة كدة هبل ف هبل يعنى ولا حب ولا نيلة اهو بس بنروق من جو المحاضرات

رامز:هههههههه ع رايك لا ياواد بجد كوتش عارف تدير اللعبة صح

امير:طيب يالا يافالح اتاخرنا ع المحاضرة

_________ومن الناحية التانية __________

رقية ..رقية..

رقية:ياصباح الخير ازيك ياسلمى

سلمى:الحمدلله كويسة ازيك يابشمهندس

رقية:انا بخير انتى عاملة اية ..اتاخرتى ع المحاضرة الصبح

سلمى:معلش فضلت اذاكر وراحت عليا نومة ووقفت معايا حاجات