امير روحت البيت وانا بجرى ع امى ولقيتها تعبانة جدا والممرضة قالت ننقلها المستشفى وبالفعل نقلناها
الدكتور:احنا عملنا الى علينا والباقى ع ربنا
امير:يعنى اية
الدكتور:ياريت تفضل جنبها هى حاليا مش محتاجة حد غيرك
امير:تقبلت كلامة وانا شبة مصدوم ومش مصدق ان امى هتسيبنى خلاص
سميرة:امير تعالى ياحبيبى خليك جنبى
امير:انا جنبك ياقلبى مش هسيبك ابدا
سميرة:متعيطش ياامير انا بحبك وراضية عنك ربنا يهديك ويصلح حالك ..امير لو بتحبنى اتقى الله ف نفسك بعد مااموت فرحنى بيك واادعيلى وخد بالك ع نفسك
امير:ربنا يخليكى ليا وتفضلى جنبى وتفرحى بيا
وبعد لحظات سمعت صوت الجهاز بيزن ولقيت الدكتور جرى عليا وانا مش فاهم حاجة وبتمنى مايقول الى ف بالى
الدكتور:البقاء لله ياامير ..ربنا يتولاها برحمتة
امير:لالالا متقولش كدة انا امى مماتتش انا امى عايشة ..عايشة عشانى مش هتسبنى
ماما قومى متسيبينش لوحدى انا مليش حد غيرك هعيش مع مين وهاكل مع مين وهجرى ع حضن مين لما اتعب
قومى ياماما عشان خاطرى قومى
الدكتور:اميرمتعملش ف نفسك كدة دة قضاء ربنا وقدرة قول انا لله وانا الية راجعون وادعيلها
مرت ايام بعد دفن امى وانا تقريبا شبه ميت
مافيش حد جنبى حتى رامز اتخلى عنى ..مش طايق اروح الكلية ولا اذاكر ولا اى حاجة انا ماليش نفس للحياة
........................................
رقية:اية يابنتى عملتى اية ف الامتحان
سلمى:الحمدلله ربنا يعدى السنة ع خير
رقية:امين
سلمى:اية دة بصى بصى مش دة امير
هوا مالة شكلة كدة لية
رقية:شكلة مهموم وبعدين احنا مالنا ملناش دعوة
سلمى:مش انتى بتقولى مامتة كانت تعبانة تكونش ماتت
رقية:الله اعلم بقى
امير:كل الى فكرت اعملة انى احاول اتكيف مع حياتى بس فاقد للشهية ف الحياة وانى اعيشها بروح كليتى اجهز حضورى وبحاول احل حاجة ف امتحاناتى وربنا اعلم بحالى وفجاة وانا ماشى بجيب محاضراتى شفت رقية
رقية :لو سمحت مفيش كتاب سنة تالتة
صاحب المكتبة :لا خلص
ومعرفش هيجى تانى امتة منه
رقية:لقيت امير كان معاه الكتاب بس طبعة السنة الى فاتتت وادهولى من غير كلام ومشى
رقية:استنى لو سمحت يابشمهندس
اية دة
امير:دة كتابى ذاكرى منه مادام بتاعكو هيتاخر
رقية:لا شكرا انا هشترية لما يجى
امير:خلية معاكى ولما تشترى الجديد ادية لاى حد ولا سيبيه ف الامانات وانا هروح اخدة
ومشى من قبل ماالحق ارد علية
امير :ع فكرة انا اسف انى غلطت فيكى ويوم مافكرت اردلك القلم ..اخدت انا قلم اقوى منه
سلمى:مالك وقفة كدة
رقية:مشفتيش امير عمل اية
سلمى:لا ..تعالى قوليلى
تمر الايام وقررت انى افرح امى زى ماقالت قعدت احاسب نفسى وحسيت ان ربنا مش راضى عنى اعمل طاعة ووراها ذنب لحد ماعبت من نفسى بس قررت افضل وراها
بقيت احفظ قران وادعى لامى واتصدق كتير عشانها
ورحت دار ايتام قلت اجرب اعمل حاجة خير تشرف امى
سلام عليكم ..لو سمحتى انا حابب اتطوع هنا
رقية:وعليكم السلام ..............
امير:رقية ..ازىك
رقية:الحمدلله يابشمهندس ...خير
امير:انا كنت حابب اتطوع هنا واجى يوم او اتنين ف الاسبوع
رقية:طيب اتفضل املا الاستمارة دى
رقية :ياه ياامير انا متصورتش هتنكسر كدة بسبب تعب مامتك ربنا يصلح حالك
استاذ محمد مشرف الدار :تعالو ياولاد احب اعرفكم بعمو امير هيكون معانا هنا تعالو بقى اتعرفو علية
نور:انا اثمى نور وعندى 5 ثنين
امير:كنت مبسوط اوى مع انى متعاملتش مع اطفال قبل كدة بس حاولت اكون صاحبهم
كل يوم بقرب منهم فية بشوف اد اية هما حلوين اوى من جوة
لحد ما فيوم
امير:كدة بردو توقعى الاكل ع هدومك فى بنت تعمل كدة
نور:انا اثفة ياابية .
جريت تعيط ع اوضتها ومعرفش ازاى جالى قلب ازعقلها
رقية:ازاى تزعق فيها كدة مش حرام
امير:انا مقصدتش
رقية:دة مبرر يعنى اهى زعلت حرام عليك دول ايتام لازم نحسسهم بالحنان مش نزعق فيهم ...لية القسوة دى
امير:قسوة انا قاسى ......رقية جريت تشوف نور وانا لقيت نفسى نزلت من الدار ومعرفش رجلى موديانى فين
نكمل
أنت تقرأ
~الوغد الحنون~
Romanceحدوتة جديدة بين شاب بيحب الصحوبية والتسلية وبنوتة عفيفة حييه ياترى الى هيحصل بينهم .....تابعو القصة وانتو تعرفوا (للميس ممدوح)
