حبيبي مغرور ......... حبيبتي مجنونة

الشخصيات

غرام : هلوززز اني غرام عمري 18 سنة عايشة بغداد وية ماما وبابة عندي اخت وحدة اسمها ملاك واخ اسمة يزن اني اصغر شي والمدللة 😎😎 عندي هواية صديقات بس اقرب شي الي شمس ورندة شمس بت عمي اموت عليها و رندة صديقت طفولتنا بس مسافرة من الخامس التركيا صدككك مكتلكم اني سادس علمي ونجحت بمعدل عالي 🌚✌🏻 مدري ليش يكولون عليه لغوية رغم ما احجي هواية احم 🙄🙄 يلة بايييي ماما دتصيحني 😂😂

ملاك : اكيد غرام سطرتكم سطر هل بنية شكد تلغي خرب 🤦‍♀️🤦‍♀️ اني ملاك اخت غرام الوسطانية عمري 20 سنة احب الرسم من صغري ففتت فنون جميلة من الثالث وحاليا عند معرض مال رسم بابا ساعدني بفتحه اهووو يزن خبصني خلي هو يعرفكم عن روحه

يزن : يعني ملاك وغرام شكد يلغون عفية البنات بس حجي 😂😂 احم يلة اعرفكم علية اني يزن اكبر من ملاك عمري 22 سنة مخلص قانون و لزمت الشؤن القانونية بشركة بابا طبعا بابا عنده شركة مال استيراد وتصدير بضايع من تركيا عندي صديقين مقربين
مراد ابن عمي الي سافر من احنى صغار بسبب مشكلة تعرفوها بعدين و ابن عمي الثاني عمر بس الاكثر مراد يلة أطفر اني عندي طلعة باييي 🌚✌🏻

محمد ( والد غرام ) : اني محمد عمري 46 سنة عندي 3 اطفال يزن الجبير و ملاك الوسطانية وغرام الصغيرة المدللة الخابصة البيت خبص متزوج من راسيا حب حياتي من أصول تركيا تعبت الحد متزوجتها ولليوم اموت عليها

راسيا ( والدة غرام ) : اني راسيا عمري 44 سنة تعرفون عندي 3 أطفال اني من أصول تركيا ابوية تركي وامي عراقية حبها وتزوجها واني حبيت محمد بوحدة من الزيارات البغداد وبكل زيارة جانه نلتقي و بالاخير طلبني من بابا صح واجهنا مشاكل كومة بس حبنا انتصر لليوم محمد يحبني واني اموت علي ربطنا اطفالنا بحب وعلمناهم انو احنى اصدقائهم ميضمون عنه شي

مراد : اني مراد عمري 22 سنة جنت مسافر من اني صغير الفرنسا يم خالي بسبب حادث صار وياية بعدين تعرفوا المهم صارلي هواية مشايف اهلي من جان عمري 10 سنين واني بالخارج وأخيرا حرجع مشاق الضلعي واخوية يزن الوحيد الي احجيله والشموستي كلششش اختي المدللة خلي هي تحجيلكم عن روحها لان مشغول بعدين اكلكم ليش 😉😉

شمس : هلووزز يا قوممم
غرام : لج هاي ماتي 😒😒
شمس : مو وكت عركة طفري خلي اعرفهم عن نفسي
غرام : طفرنا عيني 😒😒
شمس : احممم احممم اني شمس اخت مراد الصغيرة و الوحيدة عمري 18 سنة اني و غرام و رندة صديقات من الصغر بس اني فتت ادبي لان حلمي جان قانون ورندة سافرت بس هي وغرام علمي همزين طلعت معدل وحفوت قانون يلة اروح اني لان غرام خبصتني دا اروح اساعدها صدك مكتلكم اني وغرام بنات عم وحاليا احنى ببيتهم يلة باي 😂😂

مازن ( والد مراد ) : اني مازن عمري 40 سنة اصغر اخوتي اخوية محمد الجبير وعدنا اخ اسمه ماهر الوسطاني متزوج من حب حياتي هدى وعندي منها ولد وبنية مالين حياتي ابني الجبير مراد سفرنا من هو وصغير الله يجازي الي حرموني منه وعندي بنتي شموسة مخبلة الكل هي وغرام شكد ميكبرن يبقن مخبلات ولا يُعقلَن 😂😂

هدى ( والدة مراد ) : اني هدى عمري 32 سنة متزوجة من حب حياتي اني ماعندي لا اهل بس اخ وأحد عايش بفرنسا اهلي ماتوا واحنى صغار بحادث وخالي ربانا من اجة مازن يتقدملي صارت كومة مشاكل واهلة مقبلو بس امه جانت تحبّني وخلتهم يقبلون والحمدلله عشنا زين وجبنا ولد وبنية الله يحفضهم ويرجع ابني 😔😔

ماهر ( العم الوسطاني ) : اني ماهر عمري 48 سنة متزوج من سارة بنت خالتي جانت حبابة وكلش تحب امي وزوجات اخوية بس ورة الزواج تغيرت كلش ما اكدر اعوفها لان احبها بس الله يهديها عندي ولدين وبنتين احب اخوتي و اطفالهم و من الصغر ربيناهم سوة بس بعدين تعرفون الباقي

سارة ( زوجة ماهر ) : اني سارة عمري 34 سنة متزوجة من ماهر ابن خالتي جنت احبه قبل الزواج وبعدني احبه بس من تزوجت شفت خالتي تحب زوجات اولادها اكثر منا حزت بنفسي وكرهتهم ليش تحبهم وتحب جهالهم اكثر من عدنا شكد حاولت اخلي ماهر ينتبه بس ميقبل احد يحجي على اخوته المهم عندي ولدين وبنتين علاقتي بالولد ضعيفة بس بنتي الوسطانية اقرب الي متسوي شي بدون علمي خلي هم يحجون عن نفسهم

ادم : مرحبا اني ادم عمري 28 سنة الابن الاكبر انسان هادء وما اتعصب بسهولة ما اسمح لاحد يستفزني بصورة ادق بارد بس وية غرام اختلف تخليني احجي واضحك احسها اختي الصغيرة تفهمني وكلشي احجيلها رغم سنها صغير وتبين مخبلة بس الوحيدة الي تفهمني اخت مجابتها امي اني مستقل عن امي لان اكره طريقة تفكيرها و كرها العُمامي بس شسوي الله يهديها اختي الوسطانية طالعة عليها بهل شي المهم اني مخلص قانون واشتغل وية ابوية بشركته ابوية وعمي مشتركين سوة بشركة استيراد وتصدير بس لان اني شاطر كلش بالحسابات عفت شهادتي واشتغلت وياهم بحسابات الشركة يلة عندي شغل خلي عمر يحجيلكم عن روحة

عمر : هلو اني عمر الوسطاني عمري 20 سنة مرحلة ثانية صيدلة من نوع اهتم بدراستي بس بنفس الوكت احب اتسله هسة تكولون شلون تتسله اني اكلكم يعني احب اتسله وية البنات هسة تكولون ملعب لا مو هيج المحترمة روحها ما اجي يمها بس الذابة روحها هي تريد تتسلة من النوع الي معليه بأهلي نادر ميشوفوني عندي صديق مقرب واحد وهو يزن ابن عمي الجبير وهسة عندي طلعة خلي امينة المسمومة تحجيلكم عنها

امينة : اني مو مسمومة وعيب هيج تكول
عمر : لا مسمومة ومئلي خلك اتعارك وياج يلة باي
امينة : هففف عوفكم منه اني مو مسمومة بس محد يسمع كلام ماما وهي تنقهر اني اعرف صح هي تكرهم بس بداخلها انسانه طيبة اني ما اكره وحدة من بنات عمي بس لازم اسوي هيج علمود امي مراح تفهمون هسة بعدين تفهمون روحو اللارى تعرفوا عليها

لأرى : هلاا وغلااا اني لأرى عمري 11 سنة الي يشوفني يكول طفلة ومدري شنو بس اني اعتبر استخبارات البيت اعرف كل شي يصير اول باول لان طفلة بنظرهم فمحد يهتم اذا سمعت او شفت بس اني احب غرام كلش و الوحيدة الي ما افتن عليها بس افتن على الكل حتى بيوت عمامي 😂😂😂😂 هسة تكولون فتانه ايي فتانه ادري 🌚🌚🌚

__________
ووووااااا كاتتتتتتتت هاي بارت الشخصيات اول شي حنزلة وحنزل ويا بارت تشويقي وعندي رواية ثانية منزلتها حوقفها حاليا اخلص هاي وراها اكمل ذيج اريد تشجيعكم 🌚✌🏻