غيرة
* مراد
جنا كاعدين اني و الولد دننتظر البنات يخلصن وكل شوية متافافين منهم يا ربي البنات شكد يطولننن خرب واحنى دننتظر جان نسمع صوت حجيهم انداريت اول مجتي كبالي هي صدقة شلون طالعة هاي شلون راح تطلع من البيت خرببب والله اذا احد باوع عليها او حجة ويايها لا ادمي واني دا افكر جان عمر يحجي
عمر : هاي كل هل التأخير و طالعين هيج واني عبالي مينزلون ملكات جمال والله يا الله
غرام : والله كلمن يشوف الناس بعين طبعة اذا طبعك محلوين تشوف الكل هيج بس احنى نخبل بكل شي 😌😌
عمر و هو يلعب بشعرها : صدك والله لج السانج هذا حكصة
غرام : لااا شعري لك تعبت بي
اهووو هسة هذا شعدة يطخهاااا خربببب
مراد بعصبية : يلة تأخرنا لتبقون تلغون
يزن : اعصابك مودي شبيك عصبت
مراد : لا مو عصبي بس تأخرنا
* غرام
نزلنا و هذا عمر جان ديضوجني و تعاركنا عركت شقة شوية 😂😂😂 بس هذا مراد مدري شبي عَصّب وكام يعيط يلة شسويلة ما اريد اخرب اليوم محجيت و طلعنا بس عيون إدم شكلها راح تفضحه ابد مشال عينه عن ملاك وهي متبطل ابتسام بحيث انكشفوا 😂🌚
غرام : ادومتييي شبيها عيونك 😂😂
ادم : مبيها شي طلعي منها انتي 😒😒😒
غرام : اييي عيني اني اطلع الاخذت عقلك خلي هي تدخل 😉😉
ادم باوعت على ملاك صارت حمرة : تكستين لو اكفخج
غرام : اوييي عيني سكتنا سكتنا
* يزن
صعدنا بالسارات ورة عركة أدم وغرام ترتيبنا جان اني و امينة بسيارة و غرام ومراد وشمس بسيارة و عمر وملاك وآدم بسيارة
طول الطريق جان عيني على امينة كاعدة تباوع على السيارة و عينها بيها الف قصة وقصة هي شلون عيون صافية جنها سماء سودة بنص ليلة قمرية تسحر هففف يزن شبيك تخبلت من شوكت تنتبه لعيونها واحنى واكفين باشارة المرور شفتها شو هاي ضايجة ونزلت عينها من الجامة و مبين عليها العصبية باوعت الكة واحد ديباوع عليها ويغمز اني هنا مدري شصارلي متحملت انفتحت الإشارة جان اروح اطلع كدامة واطبك نزل يصيح
الولد : شبيك انت زمال متعرف تسوق
قبل ميكمل قاطعته
يزن : هم الك عين تحجي والله أدفنك اليوم شلون تجراء وتباوع عليها وجان انزل بي دك بوكسيات الولد جوي وراية لزموني
ادم : مخبل انت شجنت تسوي عوف الولد
يزن بعصبية : لك شعوف منه جان كاعد يغمز و يذب حجي الأمينة تريد اسكتله راكبه وية رجال لو خراعة خضرة
الشباب : هدي اعصابك وانت ولي منا
الولد : والله ما اعوف حقي
مراد لزمه من قميصة : تعرف اذا مرحت هسة اكتلك وادفنك بمكان الجن الازرك ميعرفلك مكان فهمت لو لا ولي منااااا
الولد خاف وانهزم
* امينة
جنت صافنة على الشباك ودا افكر امي شتريد تسوي ممرتاحه الها من لمة كال عمي الشركة المراد والله مراح تعديها واني دا افكر جان اشوف واحد ديغمز ويأكل خرة هسة هذا وكته وعمة كلش ضجت ودرت وجي بلكت يحس ويبطل ابد مبطل شوية وما اشوف اله يزن يسوق بسرعة وكسر علي لزمة دك كتل اني والبنات وكفنا صفح ونباوع عليهم شلون يتعارك وعصبي الشباب هددو ذاك الزبال جان يخاف ويروح اجة يزن يمي جرني من ايدي وصعدني السيارة وأشر للولد صعدو كلمن صعد بسيارته اني محجيت اباوع على ايدة بيها دم مدري منين يمكن من هو وذاك جانو يتضاربون شفت بايد ذاك شي يلمع رئسا جان اعيط
امينة : لككك يزن ايدك شبيها
يزن بعصبية : سكتي ما اسمع صوتج وايدي كلشي مابيها
امينة : اولا اني مئلي دخل شبيك عصبي علية ثانية جيب اعقملك ياها
يزن : شعدج كل هل مكياج و الشعر تخليني الولد يباعون عليج
امينة : ترة هم ادبسزية اني شلي دخل محاطة شي اوفر و حتى لبسي مبي شي واوكف عاد خلي اعقملك ايدك
يزن وكف السيارة صفح الولد وكفوا ورا
عمر : ها لك شو وكفت
يزن : أمشو قبلنا
عمر : وك يلة شباب ومشو
امينة دا انضف الجرح وجان يحجي
يزن : شعدج شايلة بلاستر و معقم و كلينكس وياج
امينة : لأرى توكع هواية من نطلع فاني اخذ وياية احتياطي
يزن : امممم
امينة : كملنا يلة
يزن : اسف لان عصبت عليج
امينة : عادي مصار شي
يزن : ليش تبينين انج انسانة مو زينة وانتي عكس هيج
امينة : ومنو كلك اني موهيج
يزن : احساسي
امينة : خلي نلحكهم لان تأخرنا
يزن : تمام راح أُعبر انج غلستي بمزاجي
امينة : ماشي نروح هسة
يزن : وك
* غرام
اني و شمس خبلنا مراد كل شوية مطلعين اغنية شكل وعالية ونغني وياها وهو يكول شهل الأصوات هاي كرهت الأغاني من و راكم بصراحة مدا اعرف هل الانسان ساعة يكون هادي وحباب و ساعة مخبل ويضحك و ساعة رزين ويستخدم عقلة و ساعة عصبي ومن يتعصب ميشوف كدامة شكد اني مزاجية هو بعد اكثر بس لازم اعترف انو هو كلش حلو وكلش شخصيته تنحب جنت صافنه بي الحد مكال
مراد : شو غرام سكتت لو جمالي سكتج
غرام : لتنغر بروحك
مراد اندار عليها وكال : دباعي بعيني وكولي محلو
قبل ما ارد صاحت شمس
شمس : مراددددد انتبههههه
___________________
ووووووااااااا كاتتتتتتتتتت اعرف البارت قصير بس والله مابيه حيل وتعبانة ونزلت علمود وحدة كيوت 😂😂 هذا البارت شنو رئيك بي باجر انزللكم بارت اطول واذا كدرت اسويهم بارتين بس على الاكثر يمكن ما اكدر انزل لان عندي شغل اطوني رئيكم وهل عجبكم اكمل لو لا 🌚🌚🌚
أنت تقرأ
حبيبي مغرور ......... حبيبتي مجنونة
Teen Fictionاحببت فتى مغرور و لا اعلم كيف احببته احببت فتاتا مجنونة و حبها قد كسر غروري و جعلني مجنونا مثلها قد نقع في شباك العشق دون ان نعلم لكن هذا الحب المفاجئ يعلن سلطانه على قلوبنا حقا كم الحب غريب هذه بداية قصتي لا تحكموا عليها من هذة الكلمات القليلة با...
