Perfect Illusion

..............

"Love can sometimes be magic. But magic can sometimes... just be an illusion."

-Javan

..............

Akala ko noon ay masayang umibig. Akala ko noon ay kailangan ko ng taong mamahalin ako ng totoo. Akala ko ay magiging masaya ako sa pag-ibig pero hindi pala. Lahat ng inakala ko noon ay mali. Hindi pala puro saya lang ang pagmamahal.

Hindi ka naman masasaktan kung hindi ka nagmahal ng totoo diba?

Pero natutunan ko na lahat pala ng nangyari ay may katumbas na dahilan. Lahat pala ng naranasan ko ay nakatakda para mapunta ako doon sa karapat-dapat na tao.

Hayaan niyong isalaysay ko kung gaano kapait at kasaya ang naranasan ko sa pag-ibig na yan.

...........

Lagi akong malamig pag pasko, new year at lalong-lalo na kapag valentines ay mag-isa lang ako.

Nakakabitter diba? Hahahah pero siyempre ganun naman talaga. I'm gay but I don't act like a usual gay. Tahimik lang ako, mapagmasid at mabait ako.

Ako si Jigs... Inaamin ko, hindi naman sa pagyayabang pero may hitsura din naman ako. Malakas daw ang sex appeal ko at ang pagiging mysterious type ko ang nagugustuhan ng iba.

Kayo na ang bahalang mag-imagine ng hitsura ko because for me, it doesn't matter. Lalake akong kumilos dahil ayokong majudge ng mga tao lalo na yung makikitid ang utak.

I was in second year college nung una kong naranasan ang umibig.

Mayroon akong kaibigan... Si kuya Sean. Gwapo si kuya Sean, maputi, mabait siya at bading na bading siyang kumilos. Masaya siyang kasama.

Nakilala ko si kuya Sean nung dinala siya ng pinsan ko na si Mark sa bahay.

Nakikitira lang kasi ako sa bahay ng tita ko at kasama ko ang asawa niya na si tito Van at ang pinsan ko na si kuya Mark. Mabait sila... Minsan siguro hahahahah.

May project silang ginawa ni kuya Mark at dahil nga maligalig si kuya Sean ay nakipagkilala siya nun sa akin.

Masaya siyang kasama at hindi nakakabored makipag-usap sa kanya.

Naging magkaibigan kami nun ni kuya Sean at para siyang ewan nung nalaman niya na gay ako.

Nandito ako ngayon sa birthday ni kuya Sean sa bahay nila at hindi ko inaasahang gwapo pala ang mga bisita niya.

Nahiya tuloy ako bigla. Nakita ako ni kuya Sean kaya nilapitan niya kaagad ako. Wala rin naman kasi akong ibang kilala bukod sa kanya at hindi ako sinamahan ni kuya Mark kasi hindi daw sila close. Suplado kasi ang pinsan kong yun.

"Uy Jigs buti nakapunta ka. Halika ipapakilala kita sa mga friends ko." Nakangiting sabi ni kuya Sean.

"Hhmm... Nakakahiya naman kuya."

"Hindi yan ano ka ba? Dali na halika."

Dinala ako ni kuya Sean sa loob at hinarap niya ako sa mga kaibigan niya.