Luha'y pumatak na parang ulan
Umagos patungo sa dalisay na damuhan
Walang patid, walang putol sa pag uunahan
Sa wari'y dinidilig yaring halamanan
Nagiging luntian bawat madaanan
Binibigyang buhay tuyot na kagubatan
Ngunit di mapalitan yaring kapighatian
Dulot nito'y biglaang paglisan
Itinuring kang isang kaibigan
Bawat problema ika'y tinutulungan
Subalit di hiniling na ganto ang kalabasan
Ito ba ang gusto mong gawing kabayaran?
Tila nauubos na aking pasensya
Kaya isang pasya ang ikinasa
Di na babawiin pagkat tama na
Pag titiis na ito'y kahangalan na...