Ipinanganak si Marian Rivera-Dantes (ipinanganak bilang Marián
Gracia Rivera noong Agosto 12, 1984) sa Madrid, Espanya. Ang
kanyang mga magulang ay sina Fransisco Javier
Gracia Alonso, isang Kastila, at Amalia Rivera, isang
Pilipina mula sa Kabite. Matapos maghiwalay
ang kanyang mga magulang--dalawang taon
pagkatapos siyang isilang, iniuwi siya ng kanyang
ina sa Pilipinas kung saan siya lumaki. Subalit, ang
kanyang ina ay kailangang umalis upang
ipagpatuloy ang paghahanapbuhay sa ibang bansa--
naiwan si Marian sa kanyang lolang si Francisca
Rivera sa bayan ng Bacoor, Cavite . Nag-aral ng
Elementarya at Sekondarya si Rivera sa Saint
Francis of Assisi College System. Samantalang
tinapos naman niya ang kolehiyo sa De La Salle
University Dasmariñas sa ilalim ng programang
Batsilyer sa Sining sa Sikolohiya.
Si Marian Rivera-Dantes
ay isang Pilipinang modelo at
aktres, na nakilala sa pagganap niya sa mga
seryeng pantelebisyon na Marimar, Dyesebel , Darna ,
at Amaya. Bilang isang mang-aawit, inilabas ni
Rivera ang kanyang dalawang studio album: ang
platinum hits na Marian Rivera Dance Hits at
Retro Crazy. Gumanap din siya sa ilang mga
pelikulang pumalo sa takilya gaya ng: My
Bestfriend's Girlfriend, Tarot, You to Me Are
Everything, at Panday 2 . Samantalang ng
taong 2014 naman nang ipamalas ni Marian ang
kanyang taal na talento sa pagsayaw sa
pamamagitan ng Marian , isang dance program
tuwing Sabado.
Noong 2009, naabot ni Rivera ang ika-5 puwesto sa
"2009 Top Celebrity Endorsers" ng Manila Standard,
ika-3 puwesto sa "Top 10 Most In-demand
Celebrity Endorsers in 2010 at napasama din sa
Top 20 Endorsers ng 2011. Samantala, hinirang
naman siyang Sexiest Woman ng FHM noong 2008,
at muling naging Sexiest Woman ng FHM nang
magkasunod na taon mula 2010 hanggang 2014.
2013 naman nang umalagwa ang kanyang career na
umabot pa sa karatig bansa at ang kanyang kauna-
unahang International Nomination mula sa
prestihiyosong Asian TV Awards para sa
pagganap niya sa matagumpay na teleseryeng
Temptation of Wife .
Dahil sa malaking naiambag niya sa Industriya at
maging sa home network, si Marian ay binansagan
ng GMA bilang kanilang Primetime Queen.
