Nagising na lang ako ng may maingay sa may bintana ng kwarto ko. Wala ang pamilya ko, nagbakasyon sa New York. Hindi ko pinansin kung ano iyon.
I continued sleeping, it was probably Andrew again, 'yong pusa ng kapitbahay namin.
Hindi na ako makatulog dahil sa lakas ng ingay sa bintana hanggang sa naisipan kong tingnan na lang 'yon.
Umupo muna ako sa kama dahil wala pa ako sa wisyong tumayo.
Tumingin ako sa labas, sumisilip na ang araw. I noticed someone standing outside my room from where the noises are coming. Kinabahan ako.
Dahan dahan kong kinuha ang bote ng wine sa lamesa, handa akong gamitin 'yon sa kanya kahit may laman pa.
"Who's that?" Sigaw ko.
May naririnig akong ingay bukod sa kalabog na ginagawa niya sa bintana. Hindi ko maintindihan. Tila ungol, tila murmur, hindi ko alam.
Unti unti akong nilalamon ng kaba. Halos manginig na'ko sa lakas ng tibok ng puso ko.
Bigla kong nakita si Andrew na lumabas mula sa banyo. Where did he come from?
"Andito ka pala aa."
Binuhat ko siya. Naisip kong si Mr. Cruz lang ang nasa labas. Siguro balak niyang kunin si Andrew ngunit bakit hindi na lang siya kumatok?
Binitawan ko ang wine at nagderederetsyo na papunta sa bintana.
Unti unti ko nang binubuksan ang kurtina. Sa baba ako nakatingin. Naririnig kong lumalakas ang ingay na nagmumula sa tao sa labas.
Binuksan ko na ang bintana.
Nagulat na lang ako at napatakbo palayo sa bintana.
Si Mr. Cruz nga ngunit iba na siya. Namumutla na ang kanyang balat. Halos lumabas na ang mga ugat sa mukha niya. Halos hindi na siya makilala. Puro dugo na ang bibig niya at ang mata niya, nakakatakot. Namumuti na ang iris niya at sobrang pula na ng buong mata niya.
Hindi ko maipaliwanag. Lumapit ako sa may bintana muli. Kinausap ko siya.
"Mr. Cruz, what happened?" Tanong ko sa kanya.
Nakakapandiri ang itsura niya.
Hindi niya ako sinagot, umungol lamang siya.
Naisipan kong buksan ang bintana upang mas malinaw niyang marinig ang sinasabi ko.
Handa na akong buksan nang may matanaw ako mula sa labas ng gate.
May isang babae ang kakaibang maglakad. Parang wala siya sa kanyang sarili. Halos katulad niya na ng itsura si Mr. Cruz. Ang dumi ng damit niya at kung hindi ako nagkakamali, puro dugo iyon. Kinukutuban na ako.
Nakita ko na lang na hinabol ng babae ang isang pulis na sumasaway sa kanya at kinagat ito sa leeg hanggang sa mamatay ito. Hindi niya tinigilan ang pulis. Sinimulan niyang ibuka ang tiyan nito, gamit lamang ang kanyang mga kamay, at kinain ang lamang loob nito.
Halos masuka ako sa nakita ko. Napahawak ako sa bibig ko. This is not normal. Lumayo ako sa bintana. Alam kong muntik na akong mamatay.
Binitawan ko si Andrew. Mabilis pa rin ang tibok ng dibdib ko. What should I do? Nagmadali na akong kumuha ng gamit. Inilagay ko iyong lahat sa kotse ko.
Where would I go? There is no safer place than here?
Hindi ko pa rin alam kung gaano kalala ang mga nangyayari.
Pinagpatuloy ko ang paglalagay ng gamit sa kotse. Hindi ko pa nakukuha ang driver's license ko.
Sinubukan ko buhayin ang ilaw ngunit wala pa lang kuryente. Kinalma ko ang sarili ko dahil alam kong walang mangyayari kung pangungunahan ako ng takot.
Pumasok sa isip ko sina Mom and Dad. Are they alive?
Kinuha ko ang phone ko at tumaas sa third floor ng bahay namin upang tingnan kung anong nangyayari.
Hindi pa nalolowbat ang phone ko.
Nagdahan dahan ako papunta sa terrace. Wala na si Mr. Cruz sa tapat ng bintana ng kwarto ko ngunit ang daming tao sa labas na katulad niya. Halos hindi ko na mabilang. Tila hindi nila ako nakikita kahit ang iba ay nakatingin na sa akin. Patuloy pa rin sila sa paglalakad. Napaatras ako nang makita ko ang kaklase ko na si Angel na kasama nila. Sa hindi inaasahan ay naapakan ko ang mga bakal na nakalagay sa terrace namin at nakagawa ako ng maingay na tunog na nagsilbing sinyales sa kanila. Nakuha ko ang atensyon nila.
Nagsimula silang mangalambag ng gate.
Anong gagawin ko?
Nagmadali akong pumasok.
Ano bang nangyayari?
Tiningnan ko ang phone ko, nakita kong ang dami na palang call ng mom ko. Tinawagan ko rin siya ngunit hindi niya sinasagot.
