شلونكم حبايب قلبي ❤
مساء الخيررر ⛅
اليوم راح انزل بارت جديد
هذا البارت عباره عن قصه على شكل شعر
واهم شي انو تستمتعوا بيه 😜
.......................................
أكو واحد راح لبيت صديقة دك الباب طلعت أخت صديقة سألهة عن أخوهة كالتلة طلع هسة يجي بهاي اللحظة مطرت الدنية فقترحت علية أن يدخل للبيت بعد توقف المطر طلع من البيت فصادفة صديقة بباب البيت فظن بي ظن السوء قبل ما يتكلم جاوبة بقصيدة
يكول
أسكت ما خنت صدكني والعباس
أي و الكفل زينب ما أسويهة
لا ظن سوء بية وتعكس الموضوع
عاين للسمة و تعرف معانيهة
مطرت حكمة جانت ماهي مطرت خير
و ربك راد يمكن يختبر بيهة
من صفنت الدنية السمة تغير لون
أفتخر من شافني مدنك و أحاجيهة
سطرت أبليس من كلالي خالي البيت
كتلة أسكت ولك تدري أنة راعيهة
أخت أصويحبي معناهة أختي تصير
وأذا خونن أخيتي الغيرة عاميهة
شتعرفهة صفاتي ناكر المعروف
خاين بالملح والعشرة ناسيهة
صحبتي وياك صحبت تفكة والشاجور
وانة شاجورك وزر أنة سركيهة
أضغط عالزناد وشوف فعلي شلون
أذب الكلشي بية و روحي أفديهة
مني أبليس أيس لعب دورة وياك
ذباك علة حيلة و عرف تاليهة
ريض علة هونك و أفتح أذنك زين
و ترجية بذانك هاي خليهة
ما خنتك و لا خنت المشة وياي
بس كل ظني هاي أنت التسويهة
.......................
هاا شلونه هذا البارت حلوو
اني برئي حلوه لان يدل على الثقه
وعدم سؤ الضن 😒
أنت تقرأ
لك أكتب ❥
Poésieفي هذا الكتاب سوف اتناول الشعر بجميع انواعه فحالياً الشعر هو اكثر شيء شائع ومرغوب في هذا الوقت والسبب لكونه يعبر عن احاسيس ومشاعر الشخص ومنها مايؤثر بالشخص القارء . ارجو ان يعجبكم الكتاب . مع فائق الشكر لكلم .
