حموده: لا تخبرييييييييين يالرييييييييييييم
الريم: شوووووووووووووو؟
حموده: تدريييييين ان ثاني سمعني مرررة اقولج احبه
الريم ابتسمت: هيه ادري لانيه شفته وانا اغير الموضووع ونتي تزيدين وانا ما حبيت اقولج عسب ما تحسين باحراج
حموده: صددددددق خيبه عشان جي يقووول تحبيني والله قفطت
الريم: انزييييين شو استوااا بعد؟
حموده: اممم قال بيخطبنيه مرة ثانيه واذا ما وافقت خلاص بينتهي كل شي ولا بشووفه
الريم: انزييييين ونتي شو رديتي؟
حموده: ما رديت عليه ماعرف شقووووووووول
الريم: حموده انتي تحبينه بعدج شو بتوافقييييين والا لا؟
حموده: ماعرف
الريم: حمووووووووده شو ما تعرفييييين انتي تحبينه وهو شكله بعد يحبج
حموده: تصدقييييين ما قال يحبنيه ولا شي
الريم: يكفي ان يبغيييييج يا حموده وهذا يبين انه يحبج
حموده: هو قال بس انا معحب فيج وفاسلوبج
الريم: انزييييييييين وهذا اهم شي حموده فكري زيييين وتراه صدق صدق ثاني تغير وايد ونتي تشوفين يعني الحين مستحيل يذل عمررررره شرااات قبل والله يا حموده صدق تغير هب جنه ثاني الي قبل
حموده: ادري كنت اسمعه وهب مصدقه انه ثاني الي يرمسني
الريم: حموووده فكري وانتي تحبينه من زماااااااان يعني لا تكابرين والله تراه بتخسرين
حموده: شرات رمسته تدرين الريم نا صدق احبه وخلاص بوافق عليه
الريم: بس فكري زييييين
فبوظبي
عند البحر
سعيد : هااااااا شووو باجر بتملج؟
هزاع: آآآآآآآآآآآآآآه والله اخيرن حشاااااااااا صبرررررت وايد كم شهر اخير
سعيد: بيسوون حفله صح لان فطامي قالت ليه
هزاع: هيه بس حق البناااااااااات بيسوووون وانا غصب بحدررررر هب ع كفيهم
سعيد: صدق وبتخليك حرمتك احيد فطامي يوم كنت بحدر ما خلتنيه
هزاع: ياخي انته غير وانا غير انا يوم ابا الشي بسوييييييييه ماعليه من حد لو احدر الا جذاااا
سعيد: ههههههههههههههه لا والله احلف انته بتعفد من بين الحرمات شو وين تبااا
هزاع: والله بطرش حد يقولهن انا بحدر وبحدر ولا عليه لا بشاورهاا ولا شي بعد هذا الي قاصر اشااور الحرمات اذا بحدر والا لا
سعيد: والله انك ما تنراااااااااااام
هزاع: جيييييه انا بمشي ع شووورها ما تبغي تخلينيه اشوفها لين العررس بعده العرس باجي عليه اسبوعين
سعيد: انزين اسبوعين شوووي اصبررر كل هالشهور الي صبرتهن ما بتصبر الحين
هزاع: قبل صبرت لانه ماليه حق اشوفها بس الحين بتكون حرمتيه من حقي اشوفهاااا والا شرايك
سعيد: صددددق بس اقولك ما بتشوفها وعلى هاللحيه
هزاع: لا تحدانيه اوكي الي يتحدانيه يا ويييييييييله
سعيد: اوك اتحداك تحدر ع الحرمااااااااااات
هزاع: والله ياحدر ماعليه اناا اوكي وبتشوووف
فالعين
فبيت حمد بن هناد
يوم المجله
كانوا عازمين بس الاهل والجريبين منهم وييرانهم الي حذالهم بس يعني هب حفله عوده وايد
والريم كانت صدق طالعه غرااااااااام والله لو يشوفها هزاع ما بيصبر لين العرس هع
كانت لابسة فستان بنفسجي ووردي كت هاي نك ونازل منه سلاسل ومخليه شعرهاا طلق وعاده شعرها يتعداا ركبهااا واسود وحاطه ورده ورديه ع ينب وقصتهاا مدرجه والميكب كان خفيف والوانه ووردي وبنفسجي بس طبعن كانت هب متحنيه لانه عرسهااا ماباقي عليه الا اسبوعين ^^
وفطامي وشواخي وحموده كانن وياهااا بعدين حدرت ويلست وتموا حاطين الاغاني ويرقصن صدق كان ربشة من الخااااااااطر وعقب حدر زاايد الي كان كاااااشخ ولابس عقال هع
زايد: اقوووووووول ترا المعرررررس بيحدر واونه ماعليه من حد يعني تغشن والا دخلن داخل
الريم: شوووو
فطامي: والله خووووووويه مينووون
شواخي: شقايل بيحدر زايد قوله ما شي ممنوووع
زايد: امررررة هب طايع ياخي عنيد من الصبح ابويه يقوله غير رايك قال والله بحدر يبا يشووف الريم اونه ههههه
الريم: شو هذااااااا خوج فطامي والله ما يشوفنيه لين العرس هب ع كيفه
فطامي: اقووولج ادريبه اخوويه بيحدر ولا عليه يعني شرايج نسير فوووق مستحيل ايي بعد
الريم: اوكي يلا انا اصلن ما بغيه يشوفنيه لين العرررس
