حموده: اوكي يلا
وخلاف سارن الحجره مالت العروووس وعقن عبيهن وظهرن الصاله مرة ثانيه بعدهاا كان ماحد هناك ياغير الحرمات والاولاد اليهال حموده ميوده الكيمرااا وتصوور : والله انكن طرررر حشاا كلكن حمر بس تبون الصدق وايد حلوووو
( كانن البنات (( ميمي وسلامه وروضة وسالي )) لابسات فساتين حمر ع لون الصاله وفاجات شعرهن مع تسريحه بسيطه وحاطات ورده حمراا ع ينب والميكب خفيف وايد وتقريبن كلهن نفس الطوول وميثه كانوا يبونهاا تي وياهن بس هي ماطاعت لانها تستحي اما حموده لابسة تركواز وبني ومسويه تسريحه شكلهااا حلو بعد )
حموده: رويييييييييض ليش ما يت ويااااااج ميثه وفطيم؟
روضه: لانهن يبن يتعدلن هناك فبوظبي وبييبهن خلاف سيف هن واميه
حموده: اهااا يعني انتي يايبنج ثاني صح؟
روضه ابتسمت: يس هو يايبنيه ما شفتي سيارته يوم حدرر اونج
حموده: لا والله ليش شو قالولج لاصقه ع الدريشة اطالع منو الي ياي ومنو الي ساير
روضه: هههههههههه انزين شفيج اسوولف وياج .... بس اووووف لو يشوفج ثاني الحين والله طالعه غرام حموده صدق احس حلو عليج هاللون لو فصلتي جذي فعرس فطيم
حموده: صدق وجان استحي
سلامه: اقووول انا وسالي بنسير الحجرة اوكي هزري اذن يلا
حموده: عقب شوي بني
روضه: اييييييييه منو هذااااااااااا الي داااااااااااااااااااااااااش خيبه ونحن بلا شيله فقته ياربيه
حموده: هيه والله بعد وياااااه زايد خيبه الحييين شقايل نشرررد يحظهن سلامه وسالي جنه الا حاسات وسارن الحجرة
مانع كان حادر ويا زايد عسب السي دي الي طالبنه هزاع عشان يحطونه الدي جي يوم يحدر وما كانوا يدرون ان حد بنات فالصاله عبالهم بس الحرمات بس مانع يوم حدر وشااف البنات امرة ظهر
حموده: زااااااااااااااااايد وعثثثثثثثثثثره تعال فقتك
روضه: اوووه والله وطالع طرررر يا زايد لالا الصراحه ما ارووم
زايد استحى: شو تبين انتي بعد؟
حموده: منو هاذااااااااا الي حادر جذا ونحن عاقات عبينا وشيلنااا
زايد: هاذا خووو هزاع المعرررررس ياييين نعطي الدي جي السي دي عشان الاغنيه الي يبغيها هزاع يوم يحدر
حموده: اانزييييييييين شو هاذاا استغفر الله خذنااااااا ااااااااااااااااثم وايد غير الشعر بعد فساتيناا استغفر الله
زايد: انزييييين خيبه متوحشه هو هب ياي يطالعكن شو يباكن وبعد ظهررر اتقفط من شافكن بلا شيل
روضه: فديتنااا حلوات انزين زايد شرايك منو احلى وحده فينااااااااا فذمتك؟
زايد: ههههه ولا وحده شو هاذاااا لابسااااات احمر عيد الحب هو
روضه: افااا جان ازعل انته شدراك هاذي حركه ع لون الصاله اونه انطقم لا بس امرررة كلنا هب حلوات ما يطيع زينك
زايد: الصراااااحه اممممم حموده
روضه: افاااااااااااا واتحرااااااااك بتقول اناا لا ترمسنيه خلاص ههههه
زايد: اوهوووو اقول الريم متى بتي؟
حموده: هزري العشااا بتي الين ما تخلص
زايد: اهاا عباليه يت الحييين
حموده: لالا ما بتي الحين خلاف
زايد: يلا يلا بسير اناااااا ويوم بتي دقووا عسب ايي قبل لا تدخل
حموده بخبث: شو بتسوووون اعترفوااا؟
زايد: ما يخصج انزيييييين بس دقي روووضه انتي دقي ادريبها هاذي حموده نذله ما بتتصل
روضه تاشر على عيونها: من عيووونيه ما طلبت
وخلاف سار
حموده: انتي شو مسويه فالصبي والله انج حركات شو تبينه مسكين استحى
روضه: هههههههههههه عادي دووم حركاااااااااات انااا وزايد شسوي ماحد ع قديه هههههههه
حموده: فقتج انزين هو صغير حليله شتبينه
روضه: الا جي نسوي حركات
سالي يايه : اييييييييييييييييييييييييييييه ما شفتن الموقف هاذاا الي حدررررر منووووووو
حموده: خيبه شفيج هاذا خو المعرررس
سالي: ما شفتنه شقاااااااايل يطالع سلامي والله ما يستحي
سلامه: عاده حراااااام عليج هو ماطالع
سالي: هيه صح سكتي اوكي والله العظيم كان يطالع حتى يوم شافنا بلا شيل ولا عباه ما شل عيوونه تم يطالع ياليت بعد يطالعنا ثنتيناتنااا ههههه بس سلامي مسرررررررع اعجب فيهاااا
سلامه: لالا بس يمكن يعرررف انيه اخت العروووس
سالي: فقتج شقايل يعرفج اعترفي الا جان شافج من قبل عنبووووه والله ماشل عيوونه عنج
سلامه: مادري خلاص انزيييييين رادتنااا من الحجره عسب تقولين هالشي
سالي: هههههههههههههههه خبر عاااااااااجل شسوي مارووم اخليه يتم فخاطريه ما بصلي اكيد زين لين ما اقوله
حموده: ههههههه ماحد قالج طحتي فلسانهاا والله ما بتفجج يا سلامي لين ما تخبرينهاا
سلامه: شو اخبرهااا خلاص هو اصلن صغير هب عوود
روضه: هيه صح هب عوود حبووووبه هاذا شكله عود بلحيته وهب عوود عندج شقايل لو عوود
سلامه: اوووووووووف منج الا توه مخلص الثانويه انا بسير اصلي
سالي: يودتج تعالي تعالي شدرااج ماشااء الله تعرفين عنه كل شي شسمه قولي قووولي
سلامه: لازم بعررررررررف لانه اخووو ريل الريم يعني ما بعرف اكيد الريم بتخبرنيه
سالي: انزييييين عيل شعنه طالعج جي شو بينج وبينه قولي قووولي تعالي فديتج والله احبج خبرينيه
سلامه: لا حووووول والله ما بينيه وبينه شي اسمه مانع بن عبدالله ال ....ي وعادي بس يمكن كم مرة شفته فبيتهم حشااااا ما يسوا عليه
سالي: ايواااااااااااا انا قلت شايفنج من قبل اوووه اووووه عندج معجبييييييييين هب انا
سلامه: امحق اي معجبيييييين شفيج حوووه انتي اصلن الريال من شافنااا ظهررررررر تقفط
سالي: وييييييين ظهر تقصييين على عمرج انتي اصلن يوم شافج ما تفجج الا حدر ولا عليه بس يوم شاف قوم حموده ظهررر
سلامه: انزين خلاص هو تحقيق يلا خلينا نصلي وبلا هذربان
وعقب المغررررب
تقريبن يووو الحرمات الي يعرفووونهم بس وشغلوا اغاني وصدق كان ربشة من الخاطر وجريب العشاااا يت الريم مع ابوووهااا وفطامي سعيد يابهااا
الريم دقت حق حموده عسب اتي الحجرة عندهااا
حموده خبرت شواخي وسارن الحجره عند الريم
حموده : ماشاااااااااااااااااااااااااااااااء الله علييييييييييييييييج يالريم والله فذمتيه ذمه انج غراااااااااااااام الله يعينه المعرررررررس من يشوووفج يوم انا بنيه الصراحه بهتت فيج شقايل هو
الريم تحاول تبتسم لو انها متحفزة: فديتج والله حتى انتي طالعه قمر
حموده: لو سمحتي قمر صناعي الطبيعي هب حلو ههههههه
شواخي: هاا الريم فدييييييييتج اشوفج متروعه
الريم: هيه والله يا شواخي وايد فطامي ما يت بعدهاااا؟
حموده: يلا انزين خلينا نلبسج الفستان لين ما تي
الريم: اووكي لانه الباقه عندهااااا والطقم بعد
شواخي: يلا يلا حموده سيري ساعديهاا ع الفستاان بتريااكن هني اقوول بقفل الباب اخااف ايي حد ما نبا حد يشووفج لين خلاف
عقب حموده ساعدت الريم تلبس فستانهاااا ( وكان كت وشكله حلووو لووونه ابيض لو ان الريم كانت تبغي بيج بس لان شعرها اسود كلهم قالولها الابيض احلى وصدق كانت طالعه طر مسويه تسريحه ومنزله قصتهاا ع صوووب والميكب حلوو وبسيط لونه وردي و الاي شدو دخاني مع وردي شوي )
فطامي دقت الباب
حموده: منووو ؟
الريم: هاذي فطامي فجي الباب عنهااا
فطامي : وااااااااااااااااااااااااااااااااااااااااااااااااو الصراحه طر شوي عليج ما ينلام يوم متخبل عليج هزاعوووه
الريم وتحاول تخفي خوفها: هههههههههه
شواخي: شفيييييييييج الريم جنج بتصيحيييييين هاذا عرسج لازم تضحكيييييييين
فطامي: دخيييييييلج لا تصيحيييييييييييين ماحد الحرمه هني عسب تعدل الميكب ما شفتنهاااا والله كل مررررة تصيح والحرمه تعدل الميكب حليلهاا والله تعبت ههههههه
الريم دمعت: والله ماقدرررررر اخااااااااااااااااااف
