من نسج الخياال

قسوة القدر

ما حدا بيعرف كيف بمر الوقت ، ممكن شعور الوحده او الخوف ، احساس غريب مشاعر متضاربه مع بعضها البعض .

بيوم من الايام قررت ابدا مشواري وطريقي ، لازم اصحى وشوف كيف هالعالم بيمشي وامشي معاها عكس التيار ، بدي اشتري بيت ، افتح شركه كبييره وصير حدا كبيير متل ما كنت شوف بخيالي.

نسيت عرفكم عن حالي انا عماد عمري 29 سنه
لا تستغربوا ،صحيح متأخر هااد الشعور بس لازم نوقع مشان نقوم ، المهم معروف عني بعدم المسوؤليه وقلت التركيز ومتسرع وعصبي بس قلبي حنون.

قصتي بدت معي وانا عمري 14 ، كنت بحب المغامرات وهاد شي طبيعي بعمري ، كان الفضول يدبحني لازم اعرف كلشي وبأي طريقه كانت لو فيها مخاطر وممكن توديني للموت .
امي: ياا عمااد قووم بكفيك نووم هلا بتتلأخر على مدرستك .
حاضر حاضر ، يا الله متى بدي اخلص منها المدرسه😒 لازم الاقي حل.
امي: لك وينك
هيني هيني هوون (طبعا كنت مهمل بدراستي ، ما بهمني غير اروح والعب بس ) ماما وين مصروفي محمد جاي ياخدني مشان نروح سوا ع المدرسه
امي: متى بدك تفهم يا أمي انه محمد مو منيح ورح يضيعك.
محمد وينك اوووف متى بدك تخلص من هاي الحركات ، صدقني ازا ابوك بشوفك غير يدبحك
محمد:حل عني يعني انا بخلص من البيت بتيجي انت .
لكاان امشي شد اجريك رح نتأخر ونتعاقب متل كل مره . بكفي اترك السم الهاري اللي بإيدك ل يشوفنا حدا

طبعا يوم دواام وعشره لا ،هيك حياتي ، ومحمد هاد صاحبي الوحيد اللي بعرفوا يمكن لاني انطوائي كتيير وما حب الخلطه مع الناس ، تعرفت ع محمد وانا رايح اشتري اغراض للبيت كوني الولد الكبير بين 3 بنات بدون ما تسألوا عن ابي . ابي كان دكتور كبير بهاد البلد بس للاسف الطمع احيانا ما بيجيب لصاحبه غير التعب ،كان دكتور جراحه بس بدون رحمه كان يخطف الولاد الصغار ليتأصل الاعضاء ويبيعهم ويدبر محاولات قتل حبس تعذيب لك حتى امي ما خلصت منه لما عرفت بالشي اللي بيعملوا حاولت تخبر الشرطه وتهربنا بس للاسف ابي كان الها بالمرصاد عذبها كتيير ، منع عنها الاكل والشرب حتى انه استأصل القرنيات تبعون عيونها وهي صاحيه بدون تخيدر بدون تعقيم الادوات لك حتى نحنا ولادوا ما خلنصنا منه كل واحد حامل بجسمه ندبه يمكن تشفى بس الجرح اللي بالقلب ما بيشفى ، مشان طمعه اخد من كل واحد فينا كليه مقابل يصرف علينا وما يئذينا ويداوي امي اللي سببه هي ما عاد تشوف .

لك متى بده يخلص هالعذاب والذل اللي نحنا فيه لازم الاقي حل يطلعنا من هالورطه بس كيف يا ربي شو اعمل
مرت ايام وسنين لحد ما وصلت مرحلة تحديد المصير متل مابيقولوا ، طبعا بني ادم لوح متلي مستهتر و ما بيحس ما كان هامني شي .
محمد: عمااد تعاال شوف شو جبت معي
بضاعه جديده تعاال.
لك شوو هاد من وين جايبوا شكلها رح تمشي بسرعه بالبلد ، والله انك مو سهل .
محمد: شو بدك ب من وين جبتها المهم اجت ، يلاا قوم معي ل نتفق وين اماكن البيع ومكان التجمع ، هيك حياتي صارت من شرب لتعاطي لخطف وطلب الفديه ، وصلت فيني اني اقتل مشان المصاري
مو بيقولوا فرخ البط عوام
يمكن احد اسبابي القويه اللي خلتني امشي هيك الظلم اللي عشت فيه ، ويمكن بسبب الضغوط ما بعرف بس بدي اهرب من الواقع اللي انا في .

امي: الله يرضى عليك يا ابني شو انك حنون علي وعلى خواتك ، منيح انك ما طلعت متل ابوك الله يبعد عنك ولاد الحرام .

كل يوم نفس الحكي ونفس الدعاوي بس للاسف بني ادم بدون مشاعر هههههههههه ما بتفرق المهم اجيب مصاري واسعد امي وخواتي .

ما بعرف صحيح الطريق غلط بس ما بهمني ، ماما وينك امي شووو ليكون طالعين واناا ما بعرف

طبعا ما كنت حسس امي اني ماشي بالغلط واحاول لما كون شربان ما قرب من البيت نهائيا ،
لك وينكم ، رغد وينها امي لي عم تبكي ( رغد هي اختي الصغيره ) ماما ..ماما

لك احكيلي مالها امي
رغد: نايمه مو راضيه تقووم 😭😭
ش..شوو ..كيف..كيف يعني ...
امي تعالي لا تتركيني . تقى ، هند وينكم تعاالووا
خير اخي في شي ليه عم تعيط
وينكم عن امي ليه تاركين رغد عندها شو عم تعملوا ردواا
تقى: ااا..خ.اخي عم نشتغل والله
شوو هااد اللي بإيدك ، من وين مين جابلك اياه ردي
مين اعطاك اياه ، والله الا ادبحك وخلص عليك
هند: والله يا اخي ماا الها ذنب هااا..هااد اناا اشتريتوا ل نتسلا فيه 😭😭😭 والله ما عاد عيداا

لك امك مو صاحيه متى اخر مره شفتوا طلباتها😠
اتصلوا بالاسعااف يلااا

بالمستشفى ....

الدكتور: هاد قضاء وقدر من عند رب العباد

شو يعني يا دكتور

الدكتور: يا ابني خليني كمل ، امك بزمانها عامله عمليه واللي عامللها اياها سببلها التهابات وجروح وما اخدت ادويه وتعالجت اله

شوو يعني امي راحت

الدكتور: يا ابني استهدي بالله امك بعدها عايشه
بس ..

شوو يا دكتور شو...ش...شو في

الدكتور: الست الوالده معاها كانسر بالمخ والعنين والمعده
بتعرف الدكتور اللي عملا العمليه

" اخ بس يا دكتوور لو تعرف مين والسبب ب هاي العمليه "
والحل يا دكتور

الدكتور: الست الوالده لازم تضل بالمستشفى ولازمها اجراء عمليه مستعجله

عماد اللي بعدوا باول العشيرينات ..مو متل اي شب همه الطلعات واللبس والمصروف لاا.. هوه حمل وتحمل وماشي بالغلط ليصلح شي صعب يصلح ..

يتبع ....