مريم بقهر \يومه تكفين ابى اشوفها ..
ام عادل \مريم ارحميني ..قلتلك تعبانة قالت تبي تظل لحالها ..
منى \ ماصدقنا ترجع البيت اشتقنا لها ..والله .
ام هادي \خلاص لما ترتاح ادخلوا عندها ..روقونا تراكم ازعجتونا
هند\ الله يعين شكل نفسياتها زفت ..
ام عادل مطمنة من كلام عادل \ الحمدلله راح تتعلاج وتصيراحسن
مريم \نور وش رايك ؟؟
نور تناظرها \ هاه .. مدري
منى \والله شكلك مو معنا ..قلنا عبير ماتبي احد وش رايك تدخلين انتي عندها ..؟
نور ومقدرة حالت عبير\ اللي يريحها ..عن اذنكم ..بااروح انام ..
ام عادل بحنية \ نور بدري يومه ..ماقد تعشيتي ..
نور \ الحمدلله ماابي ..تصبحون على خير ..
مريم تكلم منى \ اختك مو طبيعية ..كل يوم تنام الساعة 8 وتصحى الساعة 2 الظهر وش سالفتها ؟؟
منى \ كل ماكلمتها ..قالتلي مافيها شيء وتعصب علي وانا اخرج متفشلة ..
هند \ احمدوا الله انها تكلمنا .. فيه ناس ماعاد كلمتهم صارلها شهر .. هند تقصد ..ناصر ..
.......................
سهام \يعني وبعدين وش بتسوي ؟؟
نور بقهر \ والله مدري يا سهام .. نفسي اروح لها واضمها ..وابكي عندها .. احس بقهر بخوف ..
سهام \ نور وش مضايقك .. غير عبير ..؟
نور بخوف \ سهام ..ناصر تدرين صارلي شهر ماشفته ..
سهام \بسيطة روحي له البيت وشوفيه .
نور \اااه ياليت ..بس خايفة ..
سهام \وش مخوفك انا متاكدة انه صاير شيء بينكم بس انتي ماتعلميني ..قولي وش صار ؟؟
نور بكذب \ماصار شيء .. ابى انام تصبحين على خير ..
سهام \ مصيرك تتكلمين .. تلاقين الخير ..
...............
فهد بعصبية \الحين كل ماقلتلك نروح عند عمي ناصر قلت لا ..وكل ماقلت لناصر تعال ماجد معي قال لا .. انتوا وش بينكم ؟
ماجد بحزم \فهد تراك ازعجتني مابينا شيء خلاص سكر الموضوع تراه مايخصك
فهد \ وبعدين يعني تراكم مصختوها ..كاني اهبل موفاهم شيء
ماجد فهمني ..وش فيكم ..ادري انكم تختلفون كثير ..بس مايطول خصامكم ثاني يوم وانتوا ناسين الموضوع ...
ماجد يسحب بريك قوي ويناظر فهد بعصبية \ وش تبيني اقولك ..ان اخوك خاين .. ومايعرف يصون هله وناسه .. ادري اني اخطيت وخطاي كبير بعد بس بس من خوفي وقهري سويت اللي سويته ..
<< تذكر قهره لما شاف نور لحالها مع السواق والدنيا ليل ولا احد راح يدري عنها اذا صار لها شيء .. الحمارة ماكفاها اللي صار وهي بزر لازم تتعلم وتخاف من السواق ومن غيره ... كان يبي يفتن عليها ويقولها لا تروح مع السواق لحالها ..بس مايدري كيف طلعت منه الكلمة ..مخاوية السواق .. الله ياخذ العمال واللي جابهم .. وبدون تفكير اضربها ذاك الكف اللي ميل وجها .. بس والله من خوفي لاني تذكرت وش صار معها وهي صغيرة ..كله من العمال الله ياااخذهم ..<<
فهد \ تراك تشرق وتغرب با الكلام وانا بديت اشك في اشياء كثيرة.. ماجد طمني الله يطمنك ترى ...........
سكت فهد ورد على جواله \ هلا والله ... لا مازعلت سلامة راسك ...... طيب فهمت انت متضارب مع ماجد انا وش دخلني هاه ....... لا ماابى اجيك تعال معي باامرك ............ ايوه ماجد معي قصدي انا معه في سيارته ............. على راحتك مثل ماتحب ............... لا ابد على راسي والله فمان الله ..
ناظر ماجد ورفع كتوفه \ مارضى وانت موجود ...
ماجد نفخ بقوة \يااارب الحين وش السواة ..
فهد مل \تستاهل ..انت تتحمل نتيجت خطاك ..
ماجد فتن \انت ماتدري وش السالفة عشان كذا خلك ساكت ابركلك ...
