أه يا عذابي

23

  امشي في عذاب ماله اول ولا تالي
امشي في دنيتي ماحد فيها رحمني
وصار الحبر يشكي بصفحات الليالي
عذابي اللي ماقواه خفوقي ولا حزني
وينك اللي اعز من الغاااالي
اذوق الموت باشكاله وماحد سعفني

اخذت الجوال من يده وفتحت عيوني على الآخر وش يقصد
برسالته اكيد برسالته ذي جالس يثبت لتركي اني كنت اكلمه قبل

تركي بصوت عالي وهو يمسك كتوفها ويهزها وبعصبيه : اقري وش كاتب
رهف بخوف وانا احاول افك نفسي منه : صدقني والله ماعمري كلمته ولا حتى
اعرف رقمه وهو جالس يفتري علي والله ولو انك مو مصدق روح اخذ شاحن وافتح
جوالي وشوف اذا شفت مني رساله او مكالمه له وهو كمان ماعمره دق عليه او ارسل
تركي بصرخه وهو يدفها على الارض وبصرخه مثل المجنون : ليه شايفاني خبل مستحيل
يقول يرسل كذا إلا هو واثق من حكيه وهو يدور مثل المجنون في الصاله
رهف
وانا ابعد لنهايه الصاله خايفه منه ومن عصبيته اول مره اشوفه بهذي العصبيه
الله يبهذلك يافيصل مثل مابهذلتني مع هالمجنون
ياربي وش يفهمه اللحين انه قصده يحرق دمه اخخخخخ ياربي
وش اسوي واقدر احمي نفسي منه اليوم جلست ابكي خايفه منه شكله مرعب
تركي بصوت عالي : عارفه وش قصده اني انا اجيت بعده يعني اخذت وحده مو متربيه
تبع مكالمات ورسايل محرمه اخخخخخخ يارهف ودي اللحين اقتلك والله
رهف
تذكرت وش كاتب ( كيفك عمووو مع فضلتي والله ان مكانك عالي انك تاخذ حاجه رماها ولد اخوك )
تركي وهو ينتفض من العصبيه وبصرخه وهو يرجع يمسكها من عند كتوفها : نفسي اعرف
ليه بس كلمتيه ليه نزلتي نفسك لاهالمستوى وبصرخه ليه ليه ودي افهم ليه تربية ابوي
ماثمرت فيك يازفته يا......... ...
رهف بخوف منه : تكفى تركي اهدى هو جالس يستفزك والله تكفى افهمني
الله يخليك وانا اضمه قلت يمكن باهاالحركه يهدى شوي بس هذا شيطان متلبسه
تركي وهو يدفها على بقوه وجلس يرفس فيها برجوله ويرجع
يمسكها بشعرها ويرميها ع الجدار
رهف وهو تسرخ : اااااه يمه ااااه ابي اموت تكفى تركي خلاص ابي اموت ......
تركي وهو يرفسها على ظهرها : تف عليك ي الخاينه وبصرخه اقسم بالله لا اشرب
من دمك ودمه الزفت وهو الكلب استغل اني بعيد عنه أخذ راحته اوك ي فيصل قريب وجاي
والله لاااخليك تندم انك فكرت تلعب معي وطلع برا الشقه
رهف
اااه احس بطعم الدم في فمي جلست ابكي احس جسمي يبي يتقطع من كثر مافي ألم
ااااه بطني سكاكين تذبحني من ضربه يارب ساعدني ابي اقوم اخخخخخخ حاولت وعجزت
رجعت طحت ع الارض واحس الدنيا تلف فيني الله ياخذك ياتركي وش سويت فيني
مافي قلبه رحمه اجرم فيني جلست ازحف لما وصلت للكنبه حاولت اتسند عليها
واقوم رفعت نفسي بالقوه ورميت حالي عليها جلست ابكي دم بدل الدموه
من قهري ومن الظلم اللي جالسه اتعرض له من تركي وابن اخوه الزفت
حسيت جسمي كله مكسر تكسيررر اول مره يضربني بهذا العنف
احيك يافيصل عرفت كيف تستفز تركي وانا اروح فيها
اااااه ياعذابي
نمت ماحسيت في حالي إلا على قفلت الباب بقوه انتفض جسمي كله
يارب رجع خفت لا يرجع يكمل علي من عنفه يارب ابعده عني يارب انك تنجيني منه
انا مالي احد سواك ارتحت لما سمعت صوت باب غرفة النوم يتقفل اكيد انه بينام
حاولت اقوم اروح اغسل فمي من طعم الدم وقفت بالعافيه حاولت أمشي بشويش
وانا متسنده على الجدار شفت نفسي في المرايا كان يفجع عيوني منفخه ودم مثل الخيط
ناشف على خدي ورقبتي ااااه وش سويت فيني غسلت وجهي اكثررر من مره
ورجعت اتسند على الجدار ورجعت نمت على الكنبه يالله قبل ساعات كنت مبسوطه
مع الجيران وبس يادوب ضحكت شوي وانبسطت إلا بعدها اخذت اكبر عقاب بدون ذنب
جلست ابكي على حظي النحس بعدها جلست اسغفررر

ناظرت الساعه وكان قريب الثنتين قمت اتوضى وابي اصلي الوتر
وبعدها نمت ماحسيت حالي إلا ع نور في الصاله من الدريشه
قمت دخلت الغرفته وكان مو موجود اكيد مداوم رحت فتحت الدولاب واخذت
بجامه ودخلت اخذت شور وغيرت ملابس حق الطلعه اللي امس
حتى النوم مانمت زين ماارتحت فيها وبعدها توضيت وصليت الفجر
جلست استغفر كيف اوقات الصلاه تروح علي وبعدها ذكرت اذكاري وقريت وردي
حسيت بجوع خفيف دخلت المطبخ واخذت شطايرر مع جبن وكوب نسكافه
يمكن يخف هالصداع اكلت شوي وانسدت نفسي لما ناظرت الساعه وشفت
ان ماباقي وقت ويجي اوف اكيد راح ينكد علي الللحين اوف يارب اصرف شره عني
شوي وسمعت صوت اذان الظهر قمت صليت ودخلت المطبخ اسوي غداء
مافيني عليه وعشان يمكن اتقي شره سمعت صوت المفتاح في الباب حسيت
برجولي نملت من الخوف يارب مايجي المطبخ يارب ناظرته وانا في المطبخ بس هو واصل لغرفته
وقفل الباب بقوه اخخخخخ قفلت على اذوني من قوة الضربه ياربي فضحنا
هذا عند الجيران اكيد انهم يسمعوووا صوت الابواب وهو طاخ طيخ
جلست محتاره يعني وش مايبي أكل احسن ماتستاهل والله
قفلت ع الغداء وطلعت الصاله انتظر متى يقولي ابي أكل
جلست انتظر وانتظر لما صوت اذان العشاء
عرفت انه ماله نيه حتى يقوم مالت والله مسوي نفسه زعلانه
اجل انا وش اسوي انا اللي انضربت وانا الللي انذليت وانظلمت
يجعلك طول عمرك زعلان بس فكنا من مقابلة خشتك
والله اللين الللحين وانا احس بنغزات في بطني من رفسه لي
اما ظهري سالفته سالفه من عمايل امه واللحين هالزفت كمل عليه
يارب وش اعمل انا صعبه اجلس كذا في الصاله قدامه
والغرفه الفاضيه حتى مفرش مافيها جلست افكر وافكر
ايوووووه حصلتها اروح انام في مجلس الرجال وكمان ع كذا مااشوفه
لا هو رايح ولا جاي فكه
دخلت المجلس واجيت اجرب كيف النومه عليه قمت ع طول اوف وش ذا
يكسرررر تكسيررر وانا مو ناقصه الم زود في ظهري رجعت الصاله وانا خايبه

:
:
وبعد اسبوعين
لااااا هووو يتكلم علي ولا انا هووو مطنش على الاخررر
والحمدلله انفكيت من شره ياليت ع طول كذا حتى الاكل ماياكل هنا
يارب على طول كذا جلست افكر رمضان باقي منه يومين يجي
يعني حنا جلستنا هنا حول اسبوعين بس لانها تنهي دورته نص رمضان
ياهوو فرحه واناااابي ارجع للبنات بدل عيشتي هنا مع هالمريض النفسي
رفعت عيوني اشوف الساعه كان ثمنيه العشاء يازين عيشتي كذا
وهو بعيد عني ومايتكلم علي جلست اتذكر كيف قبل رمضان في بيت عمي
كان كل في السوق نأخذ اغراض رمضان الله كيف هذي السنه مرت علي
كلها نكد من بدايتها حتى الللحين وانا اعاني بس يالله الله يعطيني
على قد صبري يارب
ناظرته وهو يدخل من باب الشقه
تركي وهو يناظرها ورمى حاله قريب منها على الكنبه وبغموض : كيف انتقم منك
وهو يضرب على قلبه ومن هذا كيف قولي
رهف حسيت بخوف من كلامه وش يقصد حاولت اقوم من عنده بس هو مسك يدي وضغط
عليها بقوه تركي بقهرررر : ليه ليه يارهف
رهف ياربي هذا مجنون وش هو إلا ليه ياربي مرتاحه منه لي فتره وش ذكره فيني اللحين
قلت وانا افك يدي منه : فك يدي واتركني في حالي ترى اللي اجاني منك مو قليل
تركي بمسرخه : هه وانا اللي اجاني منك وش هو قولي يكفي ان زوجتي إلا انا عايش
معاها خاينه وكان تكلم وياليت اللي تكلمه مااعرفه إلا ولد اخوي شفتي اكثررر من كذا قهرر
رهف بقهر منه ليه مايفهم : اقسم بالله ماارح اسامحك ولا اسامحه على اللي يصيرلي منكم
تركي : وانا مو منتظررر سماحك لاني عارف انك غلطانه ولا انا ظالمك
رهف بصدق : بيجي يوم وتتطلب هالسماح يا تركي وماراح تحصله وقول رهف ماقالت
تركي بسخريه :ههههههههه اوك اذا طلبته هذاك الوقت لا تسامحي واذا طلبت هااا حطيها بين قوسين
رهف : اوك الزمن بينا والله هالفشخره كلها انااالي بكسرها ياتركي
تركي وهو يلف يدها وبعصبيه : ومين انتي عشان تكسري تركي هاااا قولي وحده خاينه قذره ماتسوى شي
رهف وهي تتتالم : فك يدي وقلت لك ابعد عني خلاص
تركي وهو يدف يده بقوه : تصدقي ودي هالاسبوعين تعدي بسرعه عشان اعرف اربي الكلب
واربيك معه واكيدددد هو عنده رسايل لك وهذا ك الوقت موانا ي رهف بس اللي راح
يشرب من دمك حتى ابوي مستحيل يرضى وشفتيه كيف بغى يموتك يوم سالفتنا
وانتي مظلومه فيها وفكري اللحين وانتي الظالمه فيها وش تتتوقعي يسوي فيك
رهف جيت اقوم من عنده بس هو رجع مسك يدي صرخت بقوه : وش تبي فكني
تركي وهو يضمها بقوه على صدره ونزل راسه على راسها وبصوت واطي : ودي انتقم منك بس مدري كيف ...........
رهف وهي ترفع وجههها وناظرته : كثيرررر تظلمني ياتركي
تركي وهو يناظر في عيونها : تصدقي اصعب شيء تعيش مع زوحتك وانت مو واثق فيها
وكمل بقهر حيل يوجع ودفها على الكنب وقام دخل غرفته
رهف
جلست ابكي ياناس قهر ان تعيشي مظلومه وماعندك احد يساعدك او يخفف عنك احس فعلاً
انا وحيده بدون أهلي
اليوم الثاني
كنت جالسه اذكر كيف ليلة رمضان في بيت عمي الله ياجوري والله لك وحشه
اذكر انا وهي كل وحده تبي تروح مع عمي السوق لدرجة كنا نخاف ننام هالليله عشان
عمي مايروح ويخلينا واليوم مرت علي وحيده ماعندي احد عندي زوح مريض نفسي
والله اشك في عقله بعض مرات سمعت صوت المفتاح في الباب سويت نفسي نايمه
ماابي احتك فيه أبد..تركي وهو يقرب وجهه منها : كذابه مو نايمه وقومي بلى دلع
لاني ميت جوع
رهف اوف اوف ياربي هذا وش يفكني منه : طيب ابعد شوي وابي اقوم
تركي وهو يضربها على راسها بقوه : كم مره قلت لك اذا قربت منك ماتقولي ابعد لازم
تفهمي بالضرب يعني
رهف وانا ماسكه على راسي بقهررر : ليه اللحين تضربني
تركي بطفش : لانك حيوانه ماتفهمي بسرعه وماينفع معك إلا كذا وبعدين مزاج وقت
مااابي اضربك اضربك وش عندك
رهف وهي دموعها وبضعف : ماعندي شيء بس عندي رب ياخذ حقي كله منك ان شاءالله
تركي بطفش وبصرخه : اوف ليه تسوي من كل شيء سالفه الللحين وش قلنا قومي
حضري غداي وكمان جايب معي جاهز وعليها تتدلعي
رهف
قمت اخذت الاكياس من على الطاوله ودخلت المطبخ وحضرت الاكل له واخذت
سفره وفرشتها في الصاله وحضرت عليها الاكل وجلست على الكنبه بدون صوت وهو على
طول قام يأكل تركي وهو يأخذ الملعقه : تعالي كلي
رهف مطنشه. ......................
تركي بحده وهو مسكره على سنونه : رهف قومي كلي احسن لك
رهف بطفش منه وش يبي ذا من اليوم : مااابي غصب هووو خلاص ياخي كل وفكنا من حنتك
تركي وهو يرمي الملعقه بقوه على الجدار وبعصبيه : اقسم بالله لو ماتقومي اقوم اخلص عليك وشوفيني انا ماسك
نفسي غصب يارهف عليك
رهف وانا خايفه من عصبيته ذي اللي تطلع فجأة : خلاص قايمه
تركي : قبل ماتجلسي هاتي ملعقه ثانيه
رهف هزيت راسي بهدوء رحت اخذت له وجلست أكل وانا ساكته كنت فعلاً جيعانه
حتى اكلت اكثررر منه وهو شكله مايفضل اكل المطاعم كثيررر لاني مااشوفه ياكل
مثل لما اطبخ له بعدها لميت السفره وجلست في المطبخ على البلاط في الارض
ماابي اقابله تركي وهو يشوفها جالسه وبتريقه : ينشفق على حالك والله
رهف بقهر : كويس وفي قلبك شفقه لاني كنت اشك
تركي : طيب ليه جالسه كذا الللحين
رهف بطفش : وش فيها يعني كفرنا لاسمح الله
تركي : لا بس غريبه جلستك ذي كنك شحاته
رهف معي قهر من سخافته : عادي وش فيهم الشحاتين على الاقل مايظلموووا احد تركي وهو ينزل لمستواها ولخبط شعرها
وقال قومي من هنا
شكلك غلط والله
رهف وهي تدف يده من شعرها وبقهر : وجع خربت شعري من جد دفش
وش هالحركه
تركي : ههههههههه
المهم ان رايح انام ساعه ولما يأذن صحيني عشان العصررر نروح نتمشى شوي ونأخذ
اغراض لان بكره رمضان لو انك ناسيه
رهف : روح انت مااابي اروح مكان وكملت بتريقه ولا اتصل على امك هي دايم تقولك وش تاخذ
تركي : لا بتروحي غصب
رهف : روح زين
تركي بصرخه : رهففف انا وش قلت
رهف : طيب مااابي اروح
تركي : شوفي انا رايح انام ولو ماصحيتيني لما يأذن والله ياويلك مني وانصحك لا تعاندي معي
رهف
اوف من هالحاله اللي انا فيها كل شيء غصب ياشيخ مااابي اروح معك
وبعدين من زين الطلعه معك يكفي سياقته في السياره تخوففف ومع شوارعهم هذي
بعدها جلست اتفرج على التي في واقلب بطفش ناظرة الساعه كان باقي ربع ساعه
على آذان العصررر اوف مالي نفس ادخل غرفته واصحيه شوي كذا إلا اذان جلست
اردد وراه وقمت اسحب رجولي سحب عشان ادخل اصحيه اوف اخذت نفس قوي وسميت بالله
وفتحت الباب كان الغرفه بارده حيل والجووو مو حاره مره يعني دافي مفروض مايشغل
التكيف اخذت الريموت وسكرت التكيف وقلت : خلاص قوم أذن
اوف شكله ماسمع حاولت ارفع صوتي شوي يمكن يسمع : تركي خلاص قوم
وشفته ماتحرك حتى كان نايم على بطنه جيت ابي اطنش واطلع اهم شيء اني صحيته
وهو ماصحي بس تذكرت تهديده ويمكن يكذبني اني ماصحيته مديت يدي وبخفيف هزيت كتفه : تركي حسيت فيه صاحي
اااااه من جد سخيف
رهف وانا ارفع نفسي عنه: يعني صاحي مانمت
تركي : ايوه
رهف بقهر: وليه من اول اكلمك ماترد
تركي : ابي اشوف ايش اخر شيء تسوي
رهف
طلعت من الغرفه وبعدها هو طلع لابس ثوب وعطره سابقه
وكلمني وهو عند الباب تركي : اجي وانتي جاهزه اوك
رهف هزيت راسي بهدوء
وبعدها توضيت وصليت العصر ولبست عباتي وجلست انتظر
وبعدها بدقائق اجى ونزلنا بس هذي مو شفت قدامي اميره
ياربي هذي حتى ماتعرف تلبس العباي زين خبله شوفي كيف تشرد وراء اخوها
اميره وهي تنتبهه على رهف : رهف حبيبتي وهي تضمها وحشتيني
رهف : هههه الله يفشلك حنا في الشارع
وطي صوتك
اميره وهي تضربها ع كتفها : غيرانه على زوجك لا ينفتن في صوتي العذب
رهف : لا وع صوتك انتي عذب
نفجعنا كلنا من صوت البوري ودعتها وانا اجري اركب السياره
اوف اوف شكله معصب والله
تركي بعصبيه : وش هالسخافه بالله
كذا تسلموووا على بعض قدام اللي جاي واللي رايح
وبعدها كلنا التفتنا على صرخة اميره وهي تجري وتقول لا علبة التوت لا تنكسرررر
تركي وهو يقفل الدريشه : من جد هالبنت خبله ولا ماتستحي
رهف : لا هي كذا مرجوجه شوي
تركي : يالله ماعلينا ولا يكون هذي اللي نزلتي عندهم هذاك اليوم
رهف : لا نزلت عند جارتهم الثانيه وهي كان موجوده
تركي : مدام تجلسي مع هالاشكال الله يخلف علينا
رهف بعصبيه : وش فيك على البنت والله انها عسل
تركي : هونك هونك ماقلنا شيء وبالطقاق انتي وهي
بعدها جلسنا نحاوط
بس بعدين ركبنا جبل مرتفع صراحه خفت وصرخت بقوه : يمه وش ذا يخوف تركي
تكفى لا تكمل مااابي اطلع فوق
تركي : هههههههههه بالعكس السوده تجننننن
رهف بصرخه: تجنننن لك مو لي تكفى رجعني البيت
تركي وهو منزعج من صوتها: خلاص انطمي ورجعه مافي وانا كذا في راسي اني اروح
اتمشى الللحين السوده
رهف : حرام عليك تركي شوف الناس نازلين الجووو شكله مايساعد وفعلاً كل ماقربنا
كان يزيد المطرررر
تركي : طيب ممكن تنطمي وتخلنا نستانس
رهف : وش وناسته ياخبل شوف الجوووو كيف مايساعد
تركي بفخررر : معك سواق لا تخافي
رهف بقهر :والله البلى في سياقتك
تركي : هههههههههههه هههههههه جبانه
رهف بخوف لما نزل ثلج : يمه تركي تكفى لا تطلع اكثررر
تركي : من جد الجووو مايساعد لان المطررر زاد
اوك الللحين ننزل
رهف
جلست مقفله عيوني خايفه افتحها مصدقت حنا ننننزل
سمعت جوال تركي يرن
تركي وهو يسحب الجوال ويشوف الرقم بفرحه: هلا والله
: والله انك انت اكثررر ياغسان
اخبارك واخبار الاهل والله وحشتني الرياض وجلسة الاستراحة
: هههههههه من جد والله انك تكذب لاني كل ماسالت عنك طلال
قالي مهيص مع الشباب
: جد بالله ولسى ماقدرتوووا تمسكووو شيء عليهم
: ايوه ايش صار في اخر مداهمه ياشيخ روح والله لواني موجود
كان مسكته على طول انتم خرفان وش هالحكي
: ياعمي روح والله اجد احكي
: اوك انا راجع بعد اسبوع او اسبوعين وانا عندكم ان شاءالله
: هههههههه يالله بحفظ الله ورعايته
رهف
تذكرت على طول لما قال غسان هذا ثقيل الدم اللي خطب عنود مرتين
تركي وهو يرمي الجوال بقهر : اخخخخخ ياعنود غبيه رفضت واحد ينشرا بالذهب والله
رهف
كان ودي اقوله والله مدام خويك انه من طينتك مالت بس عليكم الاثنين
تركي : حاولي فيها يارهف مره ثانيه يمكن تسمعك
رهف متفاجاة من طلبه : ايش لا انا وش دخلني وبعدين خلاص مفروض هووو مايرجع ويخطبها
تركي : مارجع هووو بس انا ودي كذا افرحه واقوله تعالي الطريق مفتوحه له
رهف بتريقه : لا والله معليش لسى مسكره
تركي بصرخه: رهف إلا غسان لا تتتريقي فيه اقسم بالله أحبه اكثررر من اخوي احمد حتى
رهف
وجع ان شاءالله لك وصاحبك انت وهالصوت
تركي : يالله ننزل نصلي المغرب هنا وبعدها نروح نشوف مطعم حلووو وننزل
نتعشى فيه لاني مااااكلت زين
رهف
اخس اخس وش هالحركات كان ودي اقوله من متى هالكرم ادري فيك بخيلللل
اليوم تكلني في مطعم وشوي نبي نروح السوق صراحه في شيء اليوم مو طبيعي
نزلنا صلينا وبعدها رحنا مطعم كشخه مرررره
وشكله غالي مره كويس خليني ادبسسسه واطلب كل شيء ههههه
تركي : خذي اختاري لنا عشى حلوو ووو
رهف هزيت راسي بقوه وانا متحمسه : اخترت اشياء اول مره راح اذوقها
المهم اخسره في الفاتوره
وهو غبي على طول قال الللحين دقايق ويجي الطلب
تركي جلس يناظرها : مين قدك اليوم في مطعم وطلعتي من الشقه
رهف بقهر منه : جالس تمن عليه وبعدين لا تنسى اني غصب طلعت معك
تركي : لا غصب والله انك ميته من الفرح
رهف بستهبال مديت يدي وانا مغمضه عيوني : يالله بسرعه جيب الهديه
تركي وهو يضرب يدها بقوه : هههههههههههه هيي اصحي عايشه الدور انتي
رهف وانا ماسكه يدي احسها تعورني من ضربته : لا بس قلت اليوم استغل مدام
انت اليوم كريم لانك دايم بخيلللل الله وكيلك تموت في الريال
تركي وهو فاتح عيونه : انااا بخيللل وش هالصفه مطلعتها فيني
رهف : بالله اسكت تاريخك معي يشهد
وقطع علينا صوت الجرسون وينادي بالطلب
وبعدها اكلنا ورحنا السوق واخذنا بعض اغراض قليله بس لاااسبوعين تكفي
وصلنا البيت ع الساعه 12
انا كنت جالسه ارتب االاغراض في الدولاب دخل تركي علي
المطبخ
وهو ياشر بالجوال استغربت وش قصده طلعت وراه الصاله شفته جالس على
الكنبه وياشر لي اجلس بجنبه جيت جلست تركي وهو يناولها الجوال : خذي كلمي
رهف : مين
تركي : مفاجاة
رهف : الو
عنود : هلا حياتي
رهف بصرخه عنودددد قلبي مو مصدقه اسمع صوتك
عنود : حياتي والله دايم ادق عليك بس الزفت تركي يصرفني يقول ايش انتي تلعبي بمخ زوجتي
رهف بقهر : سخيف من جد
تركي وهو يحط يده على كتوفها ويقربها منه : لا يكون قصدك مني
رهف طنشته : عنود وش اخباركم مره وحشتوني ودي الللحين اطيرر عندكم والله
عنود : حبيتي قال لنا تركي قريب وتجووووا حياتي هانت
تركي بلقافه : وانتي مصدقه حالك انك بتشوفيهااا كل ساع
عنود :هذا وش دخله اللللحين بالله
رهف : ماعليك منه اعطيني بالله جوري اسمع صوتها وحشتني الزفته
عنود : ههههه اوك حتى هي تبيك
جوري بصرخه : رهف وينك وليه ماتردي ع جوال بس مقفل واسال عنك دايم
والله وهم يصرفويني حتى ماما تقول لا نزعجك انتي وهالدلخ
معك
رهف : ههههه وحشتني ياعمررري عرفت قيمتك الللحين
جوري بغرور : شفتي كيف انا مهمه في حياتك بالله قولي لي ليه قافله جوالك
رهف : اخوك بخيل رفض يأخذ لي شاحن لللجوال وكمان شكله خايف من لو اطلبه بطاقات شحن
جوري : ايوه عارفه حياتي في بخله تخيلي مره طلبته بطاقة سوا بعشره بس
مسكين جلس اسبوع كامل مايتكلم وحتى الاكل ماياكل
وبعدها ع طول رحت ورجعتها لك جلس يبوسني ساعه مسكين فرح برجعتها
رهف : ايوه عارفه تخبرني في اخوك
تركي : انتم وش تحشوووو فيني فكي اسبيكرررر
وبعدين وش هالشايعه اني بخيل
رهف طنشته وهو سحب على طول الجوال وفتحه اسبيكرر : وش تقولي عني ياجوري هااا
جوري : هلا هلا في اخوي حبيبي وماقلت شيء جالسه اوصي رهف عليك ياقلبي
تركي : من جد
جوري : من عم كمان لو تبي
رهف : جوري اعطيني البارده ليه ماااسمع لها حس
جوري : يقال مستحيه انخطبت البنت
رهف وانا فاتحه عيوني :جد وليه ماخبرتوني وكمان ميت خطبها
جوري : البارد ولد خالتي اخو دلال
رهف : لا وع وش تبي فيهم هذولا
تركي بصرخه : بنت انتي وهي بس وبعدين الرجال مافي منه
وانتي وش كلمة يع ذي
جوري بخوف من صرخة تركي : خذي سماح تبي تكلمك
رهف : هاتيها
سماح : هلا رهوفه اخبارك
رهف : هلا والله الحمدلله تما وحركات والله صرنا مخطوبين مين قدك
سماح بخجل : ايوه
تركي وهو يسحب الجوال : خلاص يالله باي يكفي اليوم لكم
عنود بسرعه: لا تركي تكفى اعطني رهف
تركي : انتي بذات لا تكلميها وبعدين خلاص يكفى
رهف وانا امسك يده :تكفى بس شوي اكلم عنود
تركي وهو يدف يدها : لا وسكر ورمى الجوال
رهف بقهر وهي تبكي : ليه رفضت اكلم عنود لا تحب تبعدني عنها
ليه ليه قولي
تركي بحقاره : والله ودي ابعد خواتي عنك كلهم
رهف : ليه طيب
تركي : لانك وحده حثاله .........
انتهى البارت