أه يا عذابي

27

رهف
انا من الخوف مافيني عاد اتحرك بس حسيت ان عنود وقفت قدامي وهي تصارخ : اقسم بالله ماتقدر تسوي شيء فيها
تركي بقوه وهو يدفها عن وجههه: ابعدي كلامي مو معك
على طول فيصل تدخل : خيرر جاي بمشاكلك
وش صار اللحين لهذا كله
تركي وهو مقهور : انا الللحين اعرفك وش صار يالكلب
عنود وهي خايفه لما شافته جاي ناحية فيصل : تركي فهمني
قلي وش فيه كذا معصب وليه
تركي بصرخه: عنود ابعدي عني احسن لك
وها يناظرر فيصل وانت يالزفت
فيصل يقاطعه: لا تسب لو سمحت
تركي وهو يعطيه بوقس على وجهههه خلى فيصل يطيح على
السياره
فيصل وهو يتألم : ااااه ومسك على خشمه اللي ينزف وبس مااعطاه فرصه رجع واعطاه الثاني
عنود وهي تستغل ضرب تركي لفيصل وصرخت على سماح : يازفته بسرعه دخلي رهف
وش هو له واقفين
بس هي قالت كذا وتركي انتبههه لنا وفك فيصل بسرعه واجااا يبي يمسكني
رهف
مدري وش يصيرر قدامي من الخوف مدري وش اسوي لا انا قادره اشرد ولا اتحرك بس
ماحسيت إلا بسماح تحسبني بقوه ودخلنا الغرفه وقفلنا
على انفسنا انا كان احس كنه حلم كل شيء بسرعه
بسرعه اجاااهو وابسرعه سحبتني سماح واللحين
مقفل علينا الغرفه يعني اماان ولا شلون ناظرت
سماح ابيها تتطمني وش راح يحصل سماح وهي
ماسكه على صدرها يمه بغى يوقف قلبي لما شفت
في عيونه الشر وناوي شكله علينا من نزلته من السياره
رهف بخوف وانا ارجف : يمه البنات برا الله يستر لا يضربهم
سماح : لا مستحيل بس هو معصب عليك
رهف وانا ارمي عليها المخده: زفته بدل ماتطمنيني تقولي معصب عليك وانا اقوم اتاكد من الباب اشوفه مقفل زين
يمه خايفه والله وبكيت ......
سماح وهي تمسك يدها : افااا تخافي وانا معك وبعدين تركي مايقدر يسوي شيء واللحين ابوي راح يجي لا تخافي
رهف وانا اناظرها: وينه عمي دقي عليه بسرعه
سماح : لا رهف لو اجااا وهو هنا اقسم بالله تصيررر مشاكل
مالها اول من تالي خلينا هنا حتى عنود تهديه ويصيررر خيررر
رهف هزيت راسي وانا خايفه قلبي احسه راح يوقف
يمممممه .... صوته قريب من الباب مسكت على طول في سماح
لما سمعت صوته : شفتي قلت لك دقي على عمي رفضتي
شوفي المجنون جالس يصارخ
سماح بخوف : شوي بس ويهدى
صرخنا كلنا بصوت واحددد اااااااااااااه لما ضرب الباب بيده
تركي وهو معصب على الآخر : افتحي ياسماح الباب ولا والله اكسره عليك وعليها بسرعه
سماح ورهف ماسكين في بعض وخايفين
عنود وهي تمسك كتفه : خلاص تركي وش راح تعمل فيهم هم كمان كفايه كسرت فيصل شوفه ماقدر يقوم
تركي بصرخه : انكتمي كله من تحت راسك خليتي رهف تركب مع الزفت فيصل هااااا ه وهي الحماره ماصدقت خبررر على طول ركبت اكيد فرصه ماتتعوض
عنود وتحاول تفهمه بس هو معصب مايبي يسمع: تركي افهم علي والله رهف كان رافضه تركب معه بس
ابوي كان مشغول وماقدر يجي
تركي بصرخه : وليه مادقيتي علي هاااا انطقي
عنود : انت تدري ان رهف مستحيل تركب معك
وكمان ابوي اللي دق عليه حنا مالنا دخل فجأه قال فيصل برا واطلعوووا وش نعمل يعني
تركي بقهر: مستحيل تركب معي بس مع هالصايع عادي
عنود : اهدى ياتركي وبعدين عيب تقول عنه كذا
تركي بصرخه: اسكتي انتي ماتدري بشي
رهف
قلبي يتقطع من كلامه عليه اخخخ ياقهري وش اسوي
سماح وهي تضمني وبهدوء: ماعليك في كلامه هو بس مقهور لانك ركبتي مع فيصل وهو مايدري وفكر انا لما قلنا له مع ابوي توقع حنا كذبنا عليه مايدري انها اجت صدفه وان شاء الله عنود تفهمه عاد
رهف وانا ماسكه في سماح : ايوه بس اخوك وش يفهمه وتكفين سماح لاتفتحي الباب اوك والله راح يقتلني اسمعي كيف صوته معصب
سماح وهي تتطمنها : لا لا مستحيل افتح الباب وكذا حالته
تركي بصرخه اعلى خلى اللي داخل ينقزن : والنهايه يعني
وبسرعه ناظر عنود هاتي نسخه لللباب هذا عشان افتحه
عنود : ماعندي اي نسخه
تركي بقهر: كذابه من يومك
بسرعه تحركي هاتي نسخه
رهف بخوف: يمه لا يكون عنود تبي تجيب له نسخه
سماح : اسكتي بس لا يسمع صوتك عنود مستحيل تجيب نسخه
اهدي خليني انا اقوم اكلمه بهدوء
رهف وانا امسك فيها بقوه : لا لا سماح تكفين خلينا كذا وهو شوي ويتعب قد صار معي قبل كذا موقف وجلس فتره وانسحب من حاله
سماح : حياتي يارهف الللحين فعلاً حسيت بمعاناتك مع اخوي
تركي بصرخه : سماح افتحي الباب
سماح وهي توقف قريب من الباب : اذا فتحته وش بتعمل
تركي : ولا شيء بس ابي اتفاهم مع رهف وبوقاحه
كيف تركب مع فيصل يعني وحشها لهالدرجه ولا شلون
وهي تدري اني محذرها منه
عنود وهي مقهوره منه حكيه عن زوجته كذا: عيب عليك ياتركي تتكلم عن زوجتك وولد اخوك كذا
تركي بعصبيه وبقهر: نسيتي انه خطيبها كان كيف تركب معه
رهف بقهر ماقدرت تمسك نفسها : غصب عني والله وأسأل البنات
تركي بقهر : غصب عنك يازفته ولا فرحانه كمان
رهف بقهر من اتهامه لها : انا اشرف منك ومن ولد اخوك هذا اللي طفشتني فيها وهي منهاره وتجلس في الارض الله ياخذكم كلكم افتحي الباب ياسماح يمكن يموتني وارتاح انا ليه خايفه على نفسي وبصرخه افتحي الباب خليه يسوي اللي يبي مافيني حيل عاد ومن العصبيه والضغط اللي عليها حست الدنيا تدور عليها واغمى عليها .......................
فتحت عيوني بعد السواد اللي كنت احس فيه شفت عنود نايمه عندي وقريبه من حيل حاولت ارفع نفسي حسيت راسي ثقيل بقوه
تذكرت احداث البارح وش صار ايوه تذكرت كنت اقول افتحي الباب وماحسيت بنفسي الدنيا صارت سودة في نظري
عنود حست عليها وهي تتحرك: فديتك صحيتي
اه والله خفنا عليك كثيررر
ناظرتها وحركت يدي شفت فيها مغذي : وين انا
عنود بفرحه: حبيبتي حنا في المستشفى بس لانك كنتي ماتاكلي زين وكنتي خايفه شوي من تركي وهذا سببب لك تعب شوي بس
رهف وانا اناظر الغرفه اكره المستشفيات : خلاص مدام اني مافيني شيء دقي على عمي خليه يجي يوديني البيت
عنود : اوك اللحين
رهف : الساعه كم اللحين اشوف النور من الدريشه
عنود بهدوء : الساعه سبعه الصبح
رهف :متى اجينا هنا ومين جابني المستشفى
عنود بهدوء : تركي والله يارهف لو شفتيه كيف بغى ينهبل عليك
ماعرف يسوق حتى والله بعض مرات اشفق عليه احسه مايعرف بس يتصرف إلا هو من داخل حنون
رهف وانا اسكر اذوني والف وجهي للجههه الثانيه ماابي اسمع عنه شي: تكفين عنود اسكتي ماابي حتى اسمع سيرته فكيني منه
بالله
عنود بسرعه: خلاص حبيبتي واللحين ادق على ابوي
سحبت الجوال ودقت : هلا يبه
ايوه تعال ايوه الدكتوره قالت اذا كملت المغذي تقدروا تاخذوها ايوه كملت لا هي تمام اللحين بس الفقر الدم مسوي فيها كذا خلاص يبه مو قت هاللحكي اللحين الله يطول في عمرك
رهف شفتها وهي تسكر وقلت بتعب : وش كان يقول عمي وانتي قلتي مو وقته
عنود وهي تطمنها : ولا شيء بس معصب يبي يعرف وش فيك
وايش جاب تركي في هذاك الوقت لأن حنا كذبنا عليه وقلنا لما شفناك تعبانه دقينا على تركي يجي يسعفك لانك انت مشغول يابوي وهو مو مصدق حكينا
لا تزعلي منا يارهف بس حنا مانبي مشاكل ولا تنسي ودنا امي ترجع بسرعه كمان
رهف هزيت راسي بهدوء وقلت في نفسي
يالله يارهف جالسين يكذبون خايفين على اخوهم وعلى امهم
وانا طيب مين يخاف عليه ويفكررر في مصلحتي
يالله خلينا نسكت احسن شي
عنود وهي تمسك يدها : رهف تكفين ابوي جاي في الطريق واكيد يبي يسالك عشان يتاكد وكمان قبل شوي احمد دق عليه ويقول سكت فيصل وهدده مايقول لااابوي لكن وعد خلي امي ترجع وانا اخذ لك حقك منه
رهف بهدوء : لا تاخذي حقي ولا شيء وانا مستحيل اقول لعمي لا تخافي وان شاء الله امك ترجع بكره
عنود : اذا كان العيد بكره يمكن بعده
رهف :هانت كلها يوم يعني وش فرقت
عنود : والله تفرق يارهف كثيررر مشتاقين لها والله
رهف بحزن : طيب وانا وش اقول عاد ماراح اشوفها بالمره
عنود وهي تمسك يدها : فديتك انك امك مو من زمان قلت لك كذا
رهف : اوك ياماما خلي هالممرضه تجي تفك هذي من يدي
عنود : اوك اللحين
بعدهاااااجااا عمي وكلنا طلعنا
في السياره
ابو فيصل : الحمدلله على سلامتك ياقلبي
رهف بهدوء: الله يسلمك
ابو فيصل : والله كان ودي تجلسي اليوم في المستشفى عشان نطمن عليك زين
رهف : والله ياعم اني بخيررر مافيني شيء بس شوية دوخه لاني مااكل زين الله يسلمك لا تشغل بالك فيني
عنود وهي مبسوطه من رهف عشان مافضحت اخوها وخايفه من ابوها لا يجلس يحققق زياده ويعرف: رهف بس تتدلع تشوف غلاتها
ابو فيصل : فديتها والله والله اني اغليها اكثرر من روحي
رهف ودموعي تنزل من كلام عمي: تسلم لي روحك يالغالي
ياريحة ابوي وهلي كلهم
عنود وبتريقه: يبه والله انا هالمره اللي ابي اغيررر من رهف مو بهذيك المجنونه جوري
رهف ضحكت مجامله : هههه موتوا حره صح عمووو
ابو فيصل وهو يضحك : ايوه ياروح عمك
وبعد وصلنا البيت
عمي دخل غرفته وانا وعنود دخلنا الغرفه على طول لما البنات حسوا فينا
جوري وهي تبعد المفرش عن جسمها بسرعه وتنط تضم رهف:رهف والله خفت عليك
رهف وانا اضمها هذي هي جوري اللي اعرفها بس سويت نفسي ثقيله شوي وكمان عتبانه عليها والله : مافيني شيء شوفيني قدامك
جوري وهي تبكي وترجع تضمها : ادري فيك زعلانه مني بس انتي تدري كيف انا احب امي وتركي كثيررر واحبك انتي كمان
وهي منحرجه بس والله غصب عني تكفين لا تزعلي
رهف بهدوء: مستحيل ازعل منك وانا امسكها من عند كتوفها واناظرها تدرين انتي وش مكانتك عندي وكملت بغصه بس كلامك يوجع حيل ياجوري
جوري وهي تبكي : أسفه والله توبه مستحيل ازعلك ثاني
بس انتي كوني بخيررر
رهف وانا اجلس على السرير: اوك حبيبتي خلاص مو زعلانه
وانا ارفع خشمي وبتريقه: بس اخدميني هاليومين وانا تعبانه
جوري بقهررروهي تدفها من كتفها : روحي زين وكملت تبي تقهرها تاخذ حقها تبيني انصحك ارجعي لتركي وخليه هو يخدمك اااه لو شفتيه كيف وهو يضمك لصدره امس فضحنا قلنا الللحين يبكي الرجال وهي تقلد صوته وهو ينادي رهف رهف
رهف بسخريه: يالله الحمدلله وهو مامات بس اقولي ياليتك زعلانه مني والله اني مرتاحه منك
عنود وهي مبسوطه من جوري : هههههه الحمدلله وانتم رجعتووا مثل قبل
رهف بشوفة نفس: لسى افكر ترى مين قالك اني رضيت عنها
جوري وهي تغمز لها : يالله مو لازم ترضين علي انا ارضي على تروك اهم شيء والله اني كل مااذكر البارح مومصدقه ان هذا تركي قدامي
وكملت وهي تضحك وتضرب في كتف عنود اااه ياعنود تذكري كيف كفخ فيصل والله اني حزينه عليه حتى تهاني اتصلت وانتم في المستشفى تقول تركي زودها صراحه وحتى احمد زعلان منه
عنود وهي مقهوره من جوري مو قت كلامها اللحين : خلاص جوري والله انك صادقه يارهف كان وهي زعلانه مرتاحين منها
جوري : انقلعوووا يحصلكم انتم
عنود بطفش: اللهم اني صايمه بس يالله نوم لان ورانا فطور وكمان احتمال بكره العيد يعني كرف
رهف
على طول تمددت على السرير وانا افكر بكلام جوري يعني تركي كفخ فيصل والله انه يستاهل خليه يكفخه وياليت كمان احمد يكفخ تركي هههه يكون كذا الاثنين كلهم تكفخوووا الله ياخذهم كان روحي تبي تطلع امس كل مااتذكر وش صار علي والخوف اللي عشته احس برجفه في جسمي وبعدين وش هالحكي تقوله عنود واللحين جوري هه قال ايش خاف عليك والله هذا مافي قلبه رحمه عشان يخاف عليه كله تمثيل عشان البنات
الله يخلي لي عمي يارب بدونه مدري كيف اعيش في هالبيت
إلا كله مشاكل من ولده ناظرت جوري وهي نايمه صح زعلت
منها ولسى كل مااتذكر كلمتها اني غيرانه تقطع قلبي بس يالله والله جوري مقدر ازعل منها وكمان يمكن ردة فعل بس اللي صار منها وهي كمان خبله ادري فيها دايم تعصب على اتفهه شيء حسيت اني فيني نشاط شكله من المغذي صراحه مافيني نوم
قعدت افكرررمعقول جوري هي دقت على تركي واجى في هذيك اللحظه ولا وش جابه كذا فجاة ماابي اظلم جوري بس ودي اعرف وش يدريه يالله اوف متى اتطلق وارتاح منه ولا يكون له سلطه علي ياربي وياخوفي مشاكلي تزيد بعد الطلاق وكيف اعيش معاهم
هل ياترى البنات يتغيرن علي مثل جوري يوم سوت مشكله عشانه وعشان امه اوف وش فيني افكرر في شيء تافههه عادي اللي يبي يتغيررر يتغيرر اهم شيء الطلاق من هالمريض النفسي وبس بعدها نمت ................
بعد الفطور
عنود رهف حبيبتي روحي ارتاحي حنا نشتغل
لا تنسى امس كنتي طايحه علينا
رهف وانا الم السفره: والله مااحس بشي بخيررر مافيني إلا العافيه والله التعب هذاك اللي حسيته فيه كله راح مدري ايش اعطوني في المغذي
سماح وهي تغسل الصحون : الحمدلله بس وجهك احسه شوي مصفرر وباهت
عنود : عادي من التعب
رهف : الحمدلله مافيني شيء اقولكم
وين جوري مااشوفها
سماح :الخبله هذيك جالسه على التي في تقول هي تبي تشوف اول مايقولووو بكره العيدد مثل لاطفال والله خبله من جد
رهف : ايش توقعكم بكره عيد
عنود : مااتوقع حاسه انه لا
جوري وهي داخله عليهم المطبخ وتناول رهف الجوال : خذي تركي يبيك
رهف ياربي هالبنت ماتفهم ولا جالسه تستهبل
اشرت لعنود تتفاهم مع اختها لاني ماودي اتكلم وتركي يسمعني
عنود وهي تكلم جوري :قولي له تعبانه ومافيهاا تتكلم
جوري وهي تناولها وتاشر لها انها خايفه تقوله
عنود وهي تسحب الجوال من يدها وبخوف لا يعصب :هلا تركي
ايوه بس تعبانه وماتقدر تكلمك خلا ص تركي رافضه وش اسوي طيب طيب لا تعصب اوك اخليه اسبيكرر وهي تسمعك تكلم اللحين
جوري وهي تتكلم بصوت واطي والله ندمان وده يكلمك
تكفين لا تفشلي اخوي
رهف طنشتهم وابي اطلع من المطبخ بس جوري مسكتني غصب اسمعي طيب وش يقولك
عنود : يالله هي تسمعك
تركي بهدوء: رهف
يعني ايش ماتبي تتكلمي وبصرخه عساك ان شاءالله
انا استاهل اتصل عليك لكن صدق مافيك خيرر وكمان بس عشان ابوي اتصلت مو عشانك لانك عندي ماتسوي شيء صدق الحثاله حثاله على طول عنود سكرت الجوال في وجهههه
جوري وهي تناظر رهف وهي متفشله : الله يفشلك ياتركي وانا اقولك لا تفشلي اخوي والله هو اللي فشلنا
رهف رفعت راسي لهم وانا ابتسم ماعليكم منه هذا حكيه دايم مستحيل يتغيرر
سماح وهي تبررر : لا بس عصب لانك مارديتي عليه
عنود وهي ترمي الجوال على جوري : خذي جوالك الله لايبارك فيك ولا في اخوك المتهور روحي ارجعي تابعي احسن
جوري : وش سويت انا اللحين تدعي عليه
عنود بقهر: فارقي بس ترى لا اعصب عليك
جوري وهي تتلحلطم : ايوه ماتقدرن في تركي تحطووو حرتكم فيني انا الضعيفه
سماح بسخريه: مره ضعيفه اقول اقلبي وجهك ساكته
رهف
وانا اشوفهم يالله البنات مو فاهمين ايش قصده من كلمة حثالة انا عارفه قصده بهالكلمه ليه رحت مع فيصل يالله لاجديد في تركي إلا انه احقر واوقح من قبل قال ايش خايف عليه