الوقت والشوق والعتاب
للحبايب والصحاب
اللي داق ف الحب حب
واللي عاني من الغياب
واللي كان ماسك متبت
واللي وقت الجد ساب
هما قالوا..
ب"الايمان"والصبر يابني
يتفتحلك الف باب
يترسملك الف حلم
يمحي كل طريق سراب
..وقت شوقك للي فات
اطفي نور الذكريات
اقطع اي خيوط لماضي
كان وجع وجروح اهات
..بس هو مكنش سامع
كان يجاوبهم موافق
بس من جواه ممانع
اشتيااقه للي ساكن جوا قلبه
خلاه يشوفه ف كل شارع
ف اعذروه ع الاشتياق
كل ليلة يطفي نور اوضته الحزين
ومزيكا هاديه مع الحنين
ويروح هناك
عند اللي كانوا يفرحوه
ويزيد ف قلبه الارتباك
ويبتدي حلم الخيال
يشتاق لروحه وللي كان
للضحكه والايام وليكي
يشتاق لنظرة من عنيكي
-تنهيده بعد الذكريات-
وسكوت بيشرح كل حاجه
واللمعة بانت جوه عينه
وهوبرضو الله يعينه
اصل اللي داق طعم الفراق
اعذروه ع الاشتياق
أنت تقرأ
تخآريف
Romanceكلما حاولت ان اهرب من تلك الالسنة التي لا يخرج منها الا ما يقلقنا اتجهت الي قلمي لاكتب بعض التخاريف .. او ما يسمونها تخاريف
