الفقر ممكن يكون حاجز لتحقيق الاحلام
وممكن يكون حاجز للراحه
وممكن يكون حاجز للحب
في الزمن هذا المال هو اللي يحدد هويتك
هو اللي يحقق كل شي يتمناه الفقير
الاغنياء يحسدون الفقراء على راحة البال
والفقراء يحسدون الاغنياء على نفس السبب
لكن الظروف يصنعها البشر بأفعالهم مو بالمواد اللي حولهم
تبغى تحب تقدر تحب حتى لو ماعندك الا حصير
لكن كريس ما اكتشف هالشي الا متأخر
طلع كريس من الحمام لاف الفوطه على خصره والشامبو باقي بشعره
"جيني .. جينيفر!!"
طلعت جنيفير من غرفتها
"شفيك تصارخ؟"
"المويه انقطعت من جديد "
تنهدت وهزت راسها
" كريس احنا مادفعنا اجار المويه عشان نسدد الكهرب واجار الشقه واقساط جامعتي"
تضايق ولف وجهه
"العيشه هاذي مستحيله احنا لازم ندور لنا حل "
"انا تركت شغلي وبروح لشغل ثاني دبرته لي لويزا بالبار اللي هي تشتغل فيه"
"وانا لازم اغير وظيفتي بمتجر اللحم الراتب قليل "
قربت جنيفير من كريس
"تعال في مويه بمغسلة المطبخ خلني اغسل شعرك"
لحقها وميل راسه وكبت عليه مويه لحد ما تأكدت ان الشامبو راح من شعره
رفع راسه وحركه بيده ورش المويه عليها
"كريسس لاااا انا غلطانه اساعدك"
ضحك عليها ولف يدينه على كتفها
"مافي اي غلط انك تساعديني انا اساعدك بالمذاكره وانتي تغسلين شعري شغلتك بالصالون كان لها نفع"
"انت اصلا ماتساعدني بالمذاكره دائما تنام وتخليني"
"طيب خلاص الحين بساعدك ببدل واجيك طيب؟"
ابتسمت
"طيب انتظرك ترا"
"لاتخافين بجي"
دخل كريس غرفته يبدل ودخلت جنيفير غرفتها تكمل مذاكرتها
باقيلها سنه وتتخرج من كلية التمريض لكن بالاوقات الاخيره المصاريف زادت عليهم
اغراض الكليه وكتبها واقساطها صعبت عليهم
كريس كان معها بنفس التخصص لانهم من كانو صغار وهم بالميتم كانو يحلمون انهم يصيرون دكاتره
أنت تقرأ
المستبد
Romanceالفقر ممكن يكون حاجز لأشياء كثيره الا الحب كريس هدفه يتخلص من حالته المادية الصعبه عشان يتفرغ للحب برأيه ان الفقر و الحب مايتفقون لكن السؤال هل استبداده و طمعه ضيع فرصة الحب الوحيده اللي كان ضامنها؟
