رجع كريس البيت ركض لغرفة جنيفير
لما دخل لقاها فاضيه
رن جواله وشاف رقم غريب
رد عليه
"نعم؟"
"معاك سيد بولدرا اتصلت اخبرك اننا نستغني عن خدماتك وراتبك الشهر هذا بتاخذه كامل"
مايمدي يرد كريس الا سكر الخط
حس بضيقه واختنق
دق على جنيفير
ردت بعد ثاني رنه
"جيني..."
"هاي كريس انا مع لويز..."
قطعها بشهقة بكي
"تعالي البيت احتاجك"
لاشعوريا طلعت جنيفير من البيت بدون ماتعتذر وتركت كونور اللي تٲلم لما سمع اسم كريس وتٲلم اكثر لما شافها تركض له .
#كريس
سمعت صوت فتح الباب كنت متأكد انها جيني
انا ضايع معاد اعرف ايش اسوي
واحس ضغط ومسؤوليه
مدري اوهام او ان اللي انا عايش فيه عذاب
"كريس شفيك شصار؟"
قعدت جنبي ولفت يدينها حولي
ودي اوخرها وبنفس الوقت مابيها تروح
صراع!
اللي انا عايش فيه صراع نفسي.
"كل شي جيني كل شي صار"
"فهمني بشويش"
اخذت نفس وحاولت اجمع افكاري
"انا... انطردت من الوظيفه"
حسيت ايدها تشد علي
"طيب بدال الوظيفه مليون لاتسوي بنفسك كذا "
"لا بسوي وبسوي اكثر بعد.. احنا لازم نعيش.. الفقر اللي احنا فيه حارمنا من كل شي.. حارمني من كل شي اتمناه.. قوليلي مين اللي بيدفع الاجار بعد شهرين.. تضمنين القى وظيفه تكفي؟ .. طيب وانا متى اعيش حياتي بدون ما اقلق على الاجار والمصاريف واذا ناقصك شي ولا لا!!.. انا عندي احلام ابي احققها ابي ارتاح ابي ارتاح لكن حتى الراحه بهالزمن بفلوس قوليلي من وين من وين؟ "
انفجرت عليها بدون احساس وهي تهديني مدري كيف تحافظ على هدوئها
دايم تحسسني اني انا الضعيف او انا دايم احس بالضعف معها
وفوق هم العيشه هم قلبي
حتى هي انحرمت منها
وانا غبي لاني اسمح لمشاعري تتحكم فيني
انا لازم اقبل بعرضه
مع انه غلط
بس اول شي لازم اسويه
أنت تقرأ
المستبد
Romanceالفقر ممكن يكون حاجز لأشياء كثيره الا الحب كريس هدفه يتخلص من حالته المادية الصعبه عشان يتفرغ للحب برأيه ان الفقر و الحب مايتفقون لكن السؤال هل استبداده و طمعه ضيع فرصة الحب الوحيده اللي كان ضامنها؟
