#ramdan
عاصم قعد قدامى و قاعد باصص ليا كتير
عاصم : هو انت عملتلها ايه؟
انا : هيفرق معاك؟
عاصم : يمكن
انا : ضربتها
عاصم : ضربتها !! انت مجنون ضربتها ليه؟
انا : بحبها و اول مره اجرب الحب و هى حاكتلى عن اللى انت عملته .. و بعد كده فى واحد بيحبها هنا عملها فيديو فيك .. مقدرتش امسك نفسى
كنت بقول كل كلمه و انا بتقطع
(انا بتقطع من جوايا و نسيت طعم الفرح😂😂💃🏻)
عاصم : ههه .. مبقتش تفرق بس انا بقلك مستحيل تشوفها تانى .. مش بعيد تكون سابت البلد و راحت حتى تانيه مهى من صغرها بتخاف تواجه مشاكلها دايما تتهرب منها
كنت لسه هتكلم لقيت موبيلى بيرن .. بشوفه الاء !!! .. ازاى .. رديت و خرجت بره الاوضه
انا : ايوه
الاء : رمضان .. ممكن تقابلنى النهارده فى الكافيه اللى جمب الجامعه؟
انا : بجد !! اقصد طبعا طبعا
قفلت معاها و كنت طاير من الفرحه ربنا اكيد حس بيا .. يارب كل حاجه تتحل .. بس هتتحل ازاى و عاصم ظهر !!
دخلت الاوضه لبست و كنت نازل لقيت عاصم نازل هو كمان ..
ممكن تكون كلمته مثلا او هى كمان عايزه تقابله .. و عرفت انه هنا ازاى
انا : انت رايح فين؟
عاصم : جاى معاك
هو قالها و انا متهيقلى ان وشى جاب 100 لون
عاصم : ايه ايه مالك وشك قلي كده .. بهزر على فكره انا ناول اتمشى
انا : هزارك بايخ
سبته و نزلت .. يمكن لو مكنش هو سبب اكتئاب الاء كده كان ممكن نبقى صحاب
نزلت و رحت عالكافيه لقيتها قاعده ياا اسبوع واحشتنى جدا
رحتلها هى بصتلى .. نظره عاديه من غير حب او كره او ندم او غضب
قعدت قدامها
انا : انا يا الاء اسف والله اسف عارف انك مش طيقانى بس بجد اسف
الاء : انا مش جايه عشان تعتذر سما شايفه انى اسمع منك انت عملت كده بس
انا : سما ؟؟ و انتى مش عايزه تعرفى
الاء بنظره جافه : ميهمنيش
انا : طيب فين بقى سما عشان تسمع انتى جايه ليه؟؟
عصبتنى الصراحه و استفزتنى؟؟
الاء : والله مش فاضيه لتفهتك انها تسيب اللى وراها و تيجى تكلمك
و بصت على بقيت الكافيه .. بتعصبنى اكتر و انا بكره الاء البارده ديه !!
انا : والله طب كلمتينى ليه بقى هاا .. طلا--
لقيتها قامت بسرعه و جت قعدت جمبى و مسكت ايدى جاامد و قعدت تضغط عليها و بصت عليا عينها كانت حمره شكلها هتعيط .. هى عندها انفصام؟؟
انا :انتى عن---
الاء بهمس: عاصم
ببص حوليا ملقتوش !! هى بتتوهم !!
الاء بنفس النبره : فى الترابيزا اللى وراك
عشان انا غبى .. بصيت ورايا لقيته فعلا قاعد هو شافنى .. احييه
لقيته قام
عاصم : و انا اقول مشيت بسرعه ليه و اتارى انت معا---
بص على الاء
...الاء بقت ببترعش .. و بتضغط اكتر على ايدى
عاصم : الاء !!
الاء : ان- انت .. بتعمل .. ايه هنا
عاصم : الاء .. انا .. انا اسف
الاء : قامت و خرجت بره الكافيه احناا خرجنا وراها .. مش عارف ليه انا ساطت بس متهيقلى عشان عاصم قال انهل من صغرها بتهرب من مشاكلها و هى لازم تواجه مشاكلها اللى هى اولها عاصم
عاصم : اسف والله اسف
الاء قعدت تضرب فيه جامد
الاء بصريخ : اسففف .. اسفف ديه تقلها لما تكذسر حاجه .. لما تتأخر على معاد مع حد .. اسف لما تغلط ..
و بعدت عنه و كملت بصوت اوطى
الاء : بس انت كنت قاصد .. انت سبتنى مع صحابك كده !! و انا بصرخ و بنادى عليك .. و انت ..انت ابعد عنى مش عايزه اشوفك جيت ليه
عاصم : الاء اسمعينى عارف انك مش طيقانى و لا عمرك هطقينى .. بس اتكلمى معايا عشان خاطرى
الاء جريت عليه و ضربته بالقلم !! اوو جامد اوى ده متوقعتهاش كده
الاء : ده اللى عندى ليك ..
و سابته و مشيت انا بصتله و جريت وراها
لقيتها قاعده عالرصيف و باصه عالشارع
قعدت جمبها
الاء : شكرا
انا : على ايه؟
الاء : ممسكتوش و مختنيش و مشينا كنت محتاجه اعمل كده من زمان
انا : استريحتى؟؟
الاء : جداا
و نامت على كتفى كده اتأكدت انها سامحتنى ...❤
~~~~~~
اتأخرت عارفه
القصه ناقصلها 2 شابتر و تخلص
