part 19
#ramdan
فضلنا قاعدين شويه انا و هى ساكتين .. كل واحد بيفكر طبعا فى اللى هيحصل
#writter
رمضان .. رمضان كان فرحان جدا اول حاجه عشان الاء سامحته و انها اتخلصت من عقده عاصم هو كان محتاج كده من زمان كان محتاج حب يغير حياته عمره م آمن بالحب .. بس اهو حب .. الحب حاجه حلوه جدا بس اللى يحب الشخص الصح و لازم الشخص الصح يجى فى الوقت الصح عشات يستمر الحب ده للابد
انما بقى الاء اللى كان دماغها فيها مشاكل كتييير .. بس كل المشاكل ديه تهون و هى جمب رمضان و هو واخدها فى حضنه و هو ساندها و هو واقف فى ضهرها و سندها فى الدنيا هى مطمنه و هى معاه .. لما شافت عاصم حست انها خلاص فضت كل مشاعرها فى ثانيه فى الصريخ اللى صوتته فى وشه هى كده استريحت
عاصم .. اللى مشاعره غضب وممزوج بندم .. ندمان انه عمل كده ف صاحبه عمره اللى كانت مآمناله و هو خانها و بالطريقه ديه .. و غضب عشان شاف رمضان خدها من ايدها و هى استسلمت ليه و راحت معاه مضايق عشان تخطته بالطريقه ديه و نسيت عشره عمر .. طب م هو كمان نسيها بس هو كان على امل انها تسامحه بس محصلش هو بس ندمان
#alaa
انا و رمضان جينا البيت اللى انا قعدت فيه الاسبوع ده
رمضان : ممكن اقلك حاجه؟
انا : اتفضل
رمضان : م تسمعى عاصم!
انا : انت بتهزر !! اسمع منه بعد اللى عمله فيا بعد الكآبه و التعب اللى كنت فيه ده كله و انت عايزنى اسمعه ايه يا رمضان ناسى لما كنت بعيط كل يوم بسببه !! طب ناسى انى رحت المستشفى بسببه لا لا يا رمضان مش عايزه .. مش عايزه اكلمه مش عايزه اشوفه
و قعدت عالكرسى و حسيت بالدموع على خدى
رمضام جيه قعد قدامى و مسح دموعى بأيديه
رمضان؛ مش عايز اشوف دموعك ابدا يا الاء طول منا عايش مش عايز اشوف دموعك
انا : حاضر
.
.
عملت العشا و قعدنا ناكل
انا : ممكن تخليك معايا النهارده؟
رمضان : انا اصلا كنت قاعد معاكى 😂
انا : جزمه
#ramdan
خلصنا العشا و انا و الاء لمينا مع بعض الاكل و هى غسلت الاطباق و انا بحطها مكنها و بعد كده طلعنا بره شغلنا فيلم و هى عملت فشار .. لثوانى حسيت اننا اتنين متجوزين
قريب انشاءالله ❤
.
.
.
صحينا تانى يوم احنا لسه عالكنبه نمنا و احنا بنتفرج عالفيلم امبارح .. ببص عل الاء لسه نايمه
يارب نفضل كده على طول
قعدت تتقلب كتير
انا :اصحى يا ماما انتى مش عالسرير يت قلبر انتى نايمه عليا
الاء بصتلى و هى نايمه .. شكلها نعسان بس مش فارقه معايا هصحيها برده
الاء بصوت نايم : يا رمضان عايزه انام
انا : مفيش نوم يلا يبت قومى اعمليلى فطار
الاء : فطار !! .. و انا اللى قلت هصحى الاقيك عملى فطار و مظبطنى
انا : اعملك فطار ؟؟ .. يخربيت التمسليات الترك اللى لحست دماغك يا الاء .. احنا عندنا الستات بتاكل لما الرجاله بتموت
الا ء : و ده فى قانون مين انشاءالله
انا : قانونى ..يلا عايز فطار
الاء: يوووو .. فطار ايه بسس انت كمان مش قادره
انا ؛ امال لما نتجوز هتقوليلى مش قادره
الاء : لما بقى
قالتها و قامت تجرى
#alaa
فطرنا و لبسنا رمضان مصمم ننزل نتمشى
دخلت لبست و جهزت و نزلنا
.
.
.
رمضان دخل يجبلنا ايس كريم من محل و انا واقفه مستنياه بره
لقيت حد بيحط ايده على كتفى ببص لقيته عاصم
ياارب 💔
انا : عايز ايه منى تانى محرمتش .. عايز تتهزق تانى
عاصم : يا الاء اسمعينى مينفعش تمسحى صداقتنا كده فى ثانيه
انا :لا انا مسحتها فى سنتين يا عاصم .. سنتين و انت حتى مقدرتش ولا اهتميت انت جرحتنى و متفكرش تكلمنى تانى
عاصم : لا يا الااء لا .. مش هسيبك فى حالك هتفضلى معايا و مش هتعملى فيا كده لا
جيت امشى هو مسكنى من ايدى و لفنى و مسكنى من كتفى
عاصم : انا بحبكك .. و انت كنت عميه لدرجه انك مشفتيش ده ... مش هسيبك يا الاء
اناا : سبنى
و قعدت ازقه لحد م فكيت من ايده و رجعت لورا جامد
#ramdan
جبت الايس كريم و انا خارج سمعت صوت صويت .. طلعت بره بشوف ف ايه
لقيت جماعه متلمين كده دخلت مبينهم عشان اشوف ف ايه
لقيت .. لقيت الاء واقعه فى الارض و متغرقه دم💔
~~~~~~
ها ايه رأيكم .. ناقص شابتر واحد 💔
تتوقعوا النهايه ايه؟؟
