💔طفولتي قتلها الجاهلون💔

الاخير

على لسان انفال.....

آنه الوالدة وجور الوكت ذبني
وأحس الروح راحت من رحت يبني
‏*** ‏
أنصبت وسط القلب مهدك يضي العين
وأضلوعي تحرسك من مرام البين
وإعلى هز المهد يبني أسهرت سنتين
وأشباح السهر جانن يبارني
‏*** ‏
تكبر والأمل يبني كبر وياك
لدارك من تطبها بلهفة أتلكاك ‏
تصد عيني إعلى طولك والكبد يرعاك
ماأدري تروح وتنفقد مني
‏*** ‏
وين سنين عمري الجانت تباريك
وين السهر يبني اللي سهرته إعليك
بسرعة تروح مني ماجنت أدريك
فقدك وأنقطع منك بعد ظني‏
‏*** ‏
تنوح الوالدة الغاب الولد عنها
اشلون اللي أبنها ينفقد منها
مايبطل بجاها ولايخف ونها
وأنا خلافك يفت صم الصخر وني
‏*** ‏
عشت ويا النباب وبقلبي ربيتك
مني تنفقد وتروح مدريتك
آنه لو أدري بسواد عيوني ضميتك
لامن بعدك أحمل هالغصص ذني
‏*** ‏
يامن جنت شمعة زاهية بداري
وياوجه البراءة العاش بأفكاري
أحن إعليك يبني ليلي ونهاري
وحتى الفاكدات أجزعن من حني
‏*** ‏
من بعدك أقضي بالحزن يومي
يجيني الليل وأتوسد على همومي‏
كل لحظة أفز مرعوبة من نومي
جنك مامتت آنه المتت جني
‏*** ‏
رحت وبقلبي كم لوعة حزن خليت
ومثل ون الحمامة الفركتك ونيت
جنت أتمنى تحظر دفنتي ياريت
وبيدك ياشريك الروح تدفني

يوم الاربعاء الموافق 2/10/2013

كان ابي قد خرج لعمله...وانا وامي في غرفتنا هي ترتب الملابس وانا اشاهد قناة طه...
كنت احب مشاهدتها وبالاخص انشودة طه يانبينا...

وانشودة شمل يحلو

طرق باب غرفتنا....

انفال: منووو

فرح:عمه اجتي امج جوة بالاستقبال

انفال: هسه اجي فروحه

نزلنا انا وامي لاستقبال جدتي ام امجد...

انفال: هلا وميه هلا شلونج

ام امجد: فدوة لقلبج يايمه الحمد لله انتي شلونج

انفال: الحمدلله اسأل عليكم

ام امجد: تسأل عليكم العافيه بعد قلبي
يمه جمانه حبيبه بيبي تعاي
ركضت لاحتضان جدتي يمه يمه فدوة تروحلج بيبي

انفال: اسم الله عليكم عمرج طويل ان شاء الله
لعد شعجب ايات ماكو وياج

ام امجد:اتوسلت بيها اني وابوج شو ماقبلت تكول مابيه حيل
يمه ترحين وياي للسوك

انفال: والله اني اريد اروح اريد اشتري ملابس لجمانه لان بعد اسبوع لعيد الاضحى

ام امجد: امشي وياي انروح سوة

انفال: صدام طالع وماكايلتله خليها يجوز باجر اروح

ام امجد: براحتج يمه

مرت ساعتين على وجود جدتي خلال هذة الساعتين لعبت معها كانت تغطي وجهها بالوشاح وتنام وانا اسحبه من على وجهها لتقول لي تيييييي
وانا اضحك....