قانون الحب

الحلقة الحادية والعشرون - مشاكل

سارة:اتفضل يا انكل

ابراهيم:يوسف من زمان نفسه يكون عيلة ويكون عنده اطفال فاعذريه لو هو مستعجل

سارة:عادى يا انكل انا مش مدايقة

نزل يوسف وقبل سارة من خدها وجلس بجانبهم على طاولة الطعام

يوسف:صباح الفل يا بابا

ابراهيم:صباح النور لو هشوفك مبسوط كدا لما تصحى هخلى سارة تصحيك كل يوم

يوسف:مش حببتي ومراتي يا حج

ابراهيم:اوعى تاخديه مني

سارة:لا خليه عند حضرتك انا مش عاوزاه

يوسف:بقا كدا انتى قد الكلام دا

سارة:انا مبقولش حاجة غير لما اكون قدها يا ابني

يوسف حاول زغزغتها فانتفضت سارة وجريت وجرى خلفها

سارة:بس يا يوسف بطل لعب العيال دا

يوسف:مش سيبك النهاردة

سارة:يوسف بطل قولتلك

يوسف(وقف):طيب خلاص مش هعملك حاجة

سارة:مش هتعمل حاجة

يوسف:اه خلاص يلا علشان متأخرين

تحركت سارة بهدوء فشدها يوسف اوقعها على الاريكة وظل يزغزغها

سارة:هههه خلاص مش قادرة كفاية

يوسف:اسحبي كلامك فور

سارة:سحبته خلاص

تركها يوسف ووقف

يوسف:ناس متجيش غير بالزغزغة

ابراهيم:والله انتو مسخرة ضحكتوني

سارة:والله يا انكل ابنك دا هيموتني في مرة

يوسف:مقدرش اصلا مش يلا ولا ايه

سارة:يلا عن اذنك يا انكل

خرجو سويا واتجهو للفيلا وعندما رأتها سارة وافقت عليها وذهب يوسف وقام بشراء الفيلا

يوسف:اتفضلي

سارة:انا مالى ما تخلى العقد معاك

يوسف:ليه اخليه معايا والعقد مش باسمي اصلا

سارة:مش فاهمة

يوسف:امسكيه وشوفي

امسكت سارة العقد وقرأته وصدمت ونظرت ليوسف

سارة:ايه اللى خلاك تعمل كدا يا يوسف

يوسف:انا افتكرتك هتفرحي لما اكتب الفيلا بأسمك وبعدين ديه هدية جوازنا

سارة:ميرسي يا حبيبي بس انا بدايق لما تبقي الهدية غالية اوي كدا

يوسف:متغلاش عليكي وبعدين انا قولت بقا البت هتفرح وتحضني وتبوسني يلا بقا