عند هند
تركها وهي تصارع طوفان من المشاعر الغريبه تلوم نفسها شلون ضعفت بين يدينه وتحس بحساس حلو تجهله قررت تهرب من افكارها وترجع للبيت تلطمت بشماغها وركبت فرسها ونفسيتها تحسنت كثير
جاسم راقبها وقلبه عندها اول ماشافها تحركت قرب من عندها وفتح دريشته / تدلين طريق الرجعه
نزلت اللثام على فمها وابتسمت ابتسامتها الي تذبح قلب جاسم بانت غميزاتها / تبي الصراحه لا قلت اجرب
جاسم وهو دايخ من ابتسامتها / اجل خليك وراي انا دليلك
هند بستسلام / امرنا لله
مبسوط من تجاوبها معه وتحسن نفسيتها
وصلو للبيت نزل جاسم فتح لها البوابه دخلت ورجعت للاسطبل نزلت من الفرس ودخلته
جاسم / بسوي لك طريق مابي احد يشوفك كذا
هند بعدم اهتمام / ما تفرق عندي
سبقها داخل شاف الصاله فاضيه جاسم / هند تعالي الجو امان
هند قربت منه / انا طالعه بغير لبسي وبحضر عزاء راشد
جاسم / عظم الله اجرك
هند / اجرنا واجرك لا تنسى يا جاسم المدرسه وصيتي لك لتركت الديره كل شي مجهز العمال موجودين خالد تفاهم معهم والباقي محمد مسئول عنه اذا خلص البناء اتصل عليه يسوي الي قلته له
جاسم بالم / الي تبينه بيصير ويمكن احسن
تركته وهو يفكر اذا تركت الديره وين بتروح نفسه يسالها لكن متاكده انها بتتهرب عن الاجابه
رجع للمجلس عند اخوه لقاه ينتظره
فيصل بعصبيه / وينك من اليوم
جاسم وهو ذايب / احلى يوم مر بحياتي اليوم
فيصل / وش فيك
جاسم / قال له كل شي
فيصل / يابختك بالعسل وانا بالقرف والبصل عقبالي يارب
جاسم بعصبيه / يحسدون الفقير على موتت الجمعه الي صار وداعيه وذكره حلوه انا للحين ماني مصدق استسلامها لي وبعد الي صار الوضع عندها عادي يمكنها تعطيني على قد عقلي ياليتها دايم كذا تبرد قلبي
فيصل بجديه / وش استفدت من الي صار قلبت عليك المواجع انت مثل الي عطشان ولقى قطرات ندى بيروي فيها عطشه لهو الي ارتوى وبقى عطشان واكثر من قبل
جاسم بوجع / اتركها على ربك منقهر انها بتترك الديره بعد العزا والي معذبني مدري وين بتروح
فيصل / اكيد بترجع لهلها
جاسم / لا طلبت مني شغلات اطلبها من محمد اخوها لو بترجع عندهم هي الي قالت له الي تبيه
