عند هند
كانت بالصاله موجعه من حال جاسم ماتوقعت انه يحبها هالكثر ندمانه انه سبب معاناته
دخل عليها عبدالرحمن
وقفت له حضنها بحب / مبروك ياهند الله يسعدك ويفرحني واشوف عيالك
هند بحب / الله يبارك فيك
ابتسم / وينها غاده
هند بابتسامه / ماصدقت طلعت مع خالتي لسوق
عبد الرحمن بحنان / ليش يابوك مارحتي اشتريتي اغراضك بكره زواجك
هند بابتسامه / خالتي مبسوطه متكفله بكل شي
خالد قرب من هند وضمها / مبروك ياهند وربي مراح تندمين جاسم يحبك
هند بابتسامه / الله يبارك فيك
دخل محمد وهو يبتسم / الف مبروك اخيرا رحمتي جاسم تلاقينه للحين مو مصدق
هند بفرح / الله يبارك فيك
عند جاسم
ركب مع فيصل مايقدر يسوق
جاسم بعدم تصديق / فيصل الحين انا تزوجت هند
فيصل بصدمه / جاسم انا الحين زوج غاده
جاسم بجديه / شكل يبي لنا مطوع يقرا علينا من الخرعه
فيصل بشك / قريت اسم هند عدل انها الزوجه اخاف بيبدلونها لك بكره مشكلتي ماتاكدت من اسم العروس غاده
يخوفي بكره القى جنيتها الي اليوم جايه معها بدالها
جاسم بخوف / طيب احنا ماجينهم وخطبنا هم الي جونا معاد اقوى على الصدمات
فيصل بخوف / مدري قلبي قارصني ولا من متى بنات الفهد يتنازلن ويخطبن
جاسم بجديه / طيب نقول لامي ولا مانقول اخاف بكره تنجلط لصارت مصيبه
فيصل بجديه / والله مدري بنقول لها الي صار علشان لو كانت مكيده تكون معنا مو علينا
جاسم / ياخبر اليوم بفلوس نشوفه بكره ببلاش
دخلو لقوا لجوهره بالصاله لحالها
سلمو عليها وجلسو
فيصل/ وينهم امي وجداتي
الجوهره / عند الجيران
فيصل / تدري انا ملكنا
الجوهره / شنوووووووو
جاسم / والله ماندري بعلم ولا بحلم
الجوهره بعصبية / قولو شكلكم مايبشر بخير
فيصل / قال كل الي صار
الجوهره مصدومه / بقول لامي لا تقولون لها اخاف ماتصدقكم
طلعو لغرفتهم انسدحو على سريرهم
جاسم بحماس / فيصل متى يمدينا نتجهز ونفصل لنا ثياب ونشتري لنا بشوت
فيصل بجديه / عندي كم ثوب جديده لي كم يوم مطلعهم ومقاساتنا متقاربه اذا فيه تعديل بكره الصباح والبشوت عندنا بشوتنا الاوليه
