-- At Jasmine's House😉
1. Chale I sana come again oo😂.. The shoddy nu erh??😢. She say she see as bra Kwaku give am the standing ovation nu... As she tok nu Wey I send am this emoji "😐"... Boy, I no fit tok😢
2. She reply say "Don't worry, I liked what I saw😊" herh! You liked di3b3n?... S33na the shoddy spoil forkin🐒. She spoil pass egg e rot😆. So she biz me say I be virgin aaa wey I say naarhh meanwhile I no chop before😢( I dey wan do hard guy tins)
3. So I flow am say I dey go shower wey she biz me say she fit join anaa... I fly the Sobolo I dey zuk sef. Wey I say yieee🙆🙆. She dey try initiate dirty talk that. I no ketch house sef ... Ridee I start dey sweat for the road top..
4. Wey I say "Umm sure"... There norr bra Kwaku dey try give salute again... The way I slap am eh😒 road top too he dey wan tear cadet tins😌. I stop am one time😆
5. The way I run go house eh?? I sure say I fit cut Usain Bolt for the track top sef😆😆. I ketch house go drop ma nibiz Wey I go lie ma bed top start the chat again...Den I tire pass but boy, sake of shoddy😅
6. I see some notification bi from am. I go spy the message aa.... She say "haha!.. Just kidding yh" Herh! The way I bore eh?😒. She make I fly my Sobolo for nothing😢. Ma last ghc1😫.
7. So we start dey vibe normal flow....She biz say I get woman aaa, wey I say narhhh.(Ebe true mmom😇) she say she break-up plus Ein boy no ch33 biaaa wey she bom Ein name...that Niqqa I knorr am.. He dey the Leg der....the way he borr💪 eh??😐
8. We tok small naarh wey she divert the tin.... she biz say how I dey see sex?? 😐. Wey I say Ebe normal steeze.(Meanwhile I no do some before oo..😢). The highest I go be phone sex🐒
9. She start dey flow bunch stuff say she dey enjoy sex waa buh she no dey like boys dem no fit go long periods wey she say the way she dey see me nu, I go force for bed inside waaaa(Satan parhnn this??🙆) herh!!
10. We vibe make enaq like the 12:30 inside wey I flow am say I dey go bed.... She say sure buh make I dream about am...(Sia! How I fit dream about satan??😆) I say "sure" ... É no ch33 biaa Wey I bed.
11. The Saturday morning nu, I tinop like 10:00 inside. Den she send some plenty messages bi.... She say make I come ein der like the 1 inside buh she dey stay the rooftop estates inside so I raise taxi ketch keep-fit aa make I holler am.....
12. Me?? Taxi?? As troski dey? Why Ebe airport I dey go?😆. Ma guy....I go raise troski kwraaa... She Gyimi sef aaa I go gally go🐒.... So I reply am say "aye, imma let you know when I get there".
13. So chale I come start dey prepare....oboizy for boff😺. I go ma wardrobe inside go search ma dope shadas some iron attaché. I go brush wey I go Amelia Ein der go buy some waakye bi kwraa come chop sake of then I dey hung pass
14. Sake of I tinop late that morning nu, poppie lef go work so he lef ghc20 for the microwave top gimme make I take chop... As enaq like 12:15 nu wey I go boff shada(I for be on time 😌)
15.I do everything fini den enaq 12:40. I dey lef house nu wey I Kai say dem share some condoms bi give we for wanna hall week nu.... I get three...so I just jie one chook ma wallet inside just incase😐(Dwen Hw3 Kan--Botwe ein motto✌️)😆😆
16. I lef house like the 12:40 inside wey I raise troski sake of then I no dey wan sweat plenty😌. As I ketch roundabout nu, wey I gally go keep-fit.I ketch Wey I bell am. E no beep sef wey she pick the call.(Ei! This shoddy..s33na she dey wedge ma call😺)
17. She say she dey lef house come so make I wedge am.... 2minutes no ketch sef wey some taxi bi pull over.... Ei🙆🙆. This girl go kill me... She make fine pass the previous day sef😚
