- الغربه طولت يا اخويا مش هنعاود ؟
= كله فى وقته يا يوسف كله فى وقته .
- انا نفسى اعرف وقته ده امتى يا عسكر خلاص عملنا اللى انت عاوزه عايز ايه تانى ؟!
= احنا عملنا ايه يا يوسف ! احنا معملناش حاجه من اللى احنا جينا هنا علشانها .
- ياسمين وجتلك راكعه وانت اللى رفضتها وعزت وقتلته بأيدك والسوق كله بقى تحت ايدينا وبتقولى معملناش حاجه !
= بص يا يوسف عايز تكمل معايا للاخر ماشى مش عاوز ارجع انت وقولى دلوقتى رأيك علشان اعرف انت معايا ولا عليا !
- معاك يا عسكر انت عارف اننا دايما معاك وفى ضهرك بس الدائره كبرت اوى وبدل العدو الواحد بقوا ميه ، الف من ليه طار عندنا يا عسكر .
= ايه يا واد قلبك ضعف ولا ايه ؟! من اول ما بدأنا واحنا عارفين ان الدم هيطولنا فى يوم من الايام بس ده مش هيحصل غير لما نفترق وانا متأكد انك مش هتغدر بيا فى يوم من الايام .
- عايزين نكتر التأمينات اليومين دول والرجاله يبقوا ورانا فى كل حته .
= الجيش اللى احنا بنبنيه بقالنا سنين جه الوقت انه يتحرك !
- قصدك ايه يا عسكر ؟
= قصدى ان حق يوسف المسلمى اللى اتأخد من سنين جه وقت انه يرجع وبعد كده نرجع تانى لاصلنا .
- انهارده يا اخويا ؟!
= اه يا يوسف عايزك تجهز الرجاله احنا راجعين سيناء انهارده .
ظهرت سعاده كبيره على وجه يوسف وبادر بالرد قائلا اعتبر الرجاله جاهزه يا عسكر ، وخرج بسرعه من غرفه المكتب .
جلس عسكر ينظر لصوره والده المعلقه على الحائط وبدأ يحدث نفسه ..
حق عيله المسلمى هيرجع انهارده يا ابوى ، ولاد المحمدى استغلوا موتك وسفرى وطردوا اخويا من بيته بس زى ما انت علمتنى ان اللى اتأخد بالقوه ميرجعش الا بالقوه وانا هرجع حق يوسف بالقوه !
عايز تطمن على امى ؟ امى بخير يا ابا كل اللى ناقصها انك تكون جمبها ، وحشتنى اوى يا ابو يوسف !
*فى فجر هذا اليوم*
وصل يوسف وعسكر ورجالهم امام بيتهم القديم ونزل عسكر من السياره ورفع سلاحه واطلق عده طلقات فى الهواء وبدأ يصرخ يا اولاد المحمدى ! لو فيكوا راجل يظهر ويحط عينه فى عينى ، خالفتوا العهد وخنتوا الامانه .
بدأ اطلاق النار من رجال عائله المحمدى على رجال عائله المسلمى ....
حتى خرج من القصر الثلاث اخوه عامر وسعد وحسن اولاد المحمدى وناد عامر وقال وقف الضرب يا ابن المسلمى مش عايزين دم !
امر عسكر رجاله بوقف الضرب وخرج من بوابه القصر عامر وخلف ضهره اخوته وبدأ الحديث بينهم .....
عامر : ايه اللى رجعك يا عسكر مش كنتوا خلاص دخلتوا جحركم ؟!
عسكر : اتكلم بأدب يا عامر والا الرصاص هو اللى هيرد !'
عامر : متنساش ان انت جى هنا لوحدك فين اخوك يوسف ولا مقدرش يجى علشان عينه مكسوره !
فى ظل تكلم عامر مع عسكر كان اقتحم يوسف القصر من الخلف وبكاتم الصوت الذى تركب فى جميع اسلحه رجال يوسف قدروا على الانتهاء من رجال عامر وصدر يوسف سلاحه على رأس حسن وقال مين اللى مكسوره عينه يا عامر انت متعرفش ان عيله المسلمى طول عمرها راسها فوق ولا ايه !
قال عسكر : الرد وصلك يا عامر ، ولاد المسلمى عمر ما حد كسر عينهم ، انا مش هقتلك انا هقتل اخواتك وهعيشك طول العمر عاجز ومعرفتش تدافع عنهم !
واطلق يوسف رصاصه فى رأس حسن وكذالك عسكر فى رأس سعد .......
وقع عامر على ركبتيه وهو يصرخ اخواتى !! اخواتى يا ولاد الكلب !!
وقام احد رجال عسكر بضربه فى ظهره ليقع على الارض ورأسه على التراب ويرفع يوسف قدمه ويضعها فوق رأسها ويصرخ عامر ورحمه اخواتى لوريكم يا ولاد المسلمى والله لوريكم يا ولاد المسلمى !!
ودخل عسكر ويوسف القصر وخرجت نساء عائله المحمدى والصراخات تتعالى منهم اكثر واكثر وبدأ رجال عسكر بحمل الجثث وتنظيف القصر ، واذا بعده سيارات شرطه تقتحم القصر وبدأت اطلاق النار مره اخرى وكأن هذه الليله لن تنتهى ...
جرى عسكر على اخوه يوسف وقائلا اهرب انت يا يوسف !
يوسف : مينفعش اهرب واسيبك لوحدك يا عسكر !
عسكر : لو احنا الاتنين اتمسكنا عامر مش هيسكت وهيببى كأنك يا ابوزيد ما غزيت ، لازم يبقى حد فينا بره ومتنساش تأخد سلاحك معاك علشان ميبقاش ليك بصمات .
يوسف : لا يا عسكر انا هفضل معاك مش هسيبك ابدا !
عسكر : اللى اقوله يتنفذ يلا بسرعه اعمل اللى قولتلك عليه واخرج من الباب اللى ورا .
يوسف : حاضر يا اخويا ربنا معاك .
جرى يوسف وركب سيارته وهرب من الباب الخلفى وترك عسكر ليلقى نصيبه وقدره ..............
تفتكر ايه اللى هيحصل ؟!
يتبع ...............................
