His Greatest Fan [Greatly Accomplished!]

CHAPTER 21: Paparazzi

TANGHALI NA nang nagising si Kendra. Umabot kasi ng madaling-araw ang date nila ni Clyde kagabi.

Sa madaling salita, puyat siya. But, she can't strip that wonderful smile off of her face sa tuwing naaalala niya ang mga pangyayari kagabi.

She can't forget how many times she allowed him to kiss her hands, her forehead, her cheeks and, of course, her lips! Mabuti na lang at hindi nito naisip na lumampas sila sa limitasyon.

Inayos muna niya ang sarili at higaan bago lumabas ng silid para simulan ang trabaho niya. Naabutan niya ang Ninong Nestor niyang nanonood ng TV sa lobby.

"Good morning, 'Nong," bati niya rito. Pagkatapos ay dire-diretso siyang naglakad papunta sa glass door ng lobby na nagsisilbing main door at binuksan iyon.

Laking gulat niya nang nakitang napakaraming tao sa labas na parang may hinihintay. Nang makita siya ng mga ito ay pinagkukuhaan kaagad siya ng mga ito ng mga litrato.

"'Wag kang lalabas!" pigil ni Nestor sa kaniya. Hinila siya nito pabalik sa lobby. Pagkatapos ay ni-lock nito ang main door.

Kitang-kita niya ang pagsugod at pagkalampag ng mga ito sa salaming pinto na parang zombies na nakakita ng brains.

"Ano pong nangyayari, Ninong?" nahihintakutang tanong niya rito.

Pero, bago pa makasagot ang ninong niya ay nakita na niya ang sagot sa telebisyon. Isa-isang nag-flash sa screen ang mga litrato nilang dalawa ni Clyde kagabi.

Bakit hindi nila nahalatang may kumukuha pala ng mga larawan nila kagabi – of their intimate moments together!

"Ayon sa 'ting very reliable source," ulat ng showbiz reporter. "Ang babaeng kasama ni Clyde Song sa pictures na nakunan mula sa isang beach resort sa Baler kagabi'y nagngangalang Kendra Sanchez na s'yang stay-in maid ng C.U.P.I.D. sa dormitory nila. Kung matatandaan n'yo, s'ya rin ang rumored girlfriend at mysterious date ni Dave Castañeda nang nagdaang E.O.S. Ball. Pero, pa'no nangyari 'yon? 'Di ba't inanunsiyo lang ni President Song nang nakaraan ang engagement nina Clyde at Melody sa isa't isa? Ano kaya ang reaksyon ni Melody sa issue? Pakinggan natin ang mga pahayag n'ya." Lumingon ito sa gilid at pinakita si Melody na nakaupo sa tabi nito. "Hi, Melody! What can you say about those romantic photos of Clyde with this girl named Kendra which are circulating over the Internet right now? Do you know her?"

"Yeah," nakasimangot na sagot nito. Nakasuot ito ng malaking black aviators at namumula ang ilong na parang kagagaling lang mula sa pag-iyak. "We met at La Isla Esmeralda when we had our vacation there. Nang una pa lang ay nahalata ko nang may gusto s'ya kay Clyde. Kaso, nawala na lang ang pagdududa kong 'yon nang naging close sila ni Dave. 'Yon pala, cover lang 'yon para 'di ko s'ya paghinalaan sa masamang balak n'yang akitin si Clyde."

"Pa'no na nga pala ang engagement n'yo ni Clyde?" usisa ng reporter dito. "Nagkausap na ba kayong dalawa?"

"H-he called our engagement off yesterday," tugon nito sa garalgal na tinig. "'D-di ko nga alam kung bakit. S-si Kendra pala ang dahilan." Pagkatapos ay tuluyan na itong humagulgol.

Hinagod naman ng reporter ang likod ni Melody para patahanin ito. Pagkatapos ay tinuloy nito ang pagre-report. "Ngayon naman ay panoorin natin ang reaksyon ng fans at netizens tungkol sa issue."

Pagkatapos ay lumitaw ang mukha ni Bianca sa screen. "Pinsan ko ang Kendra na 'yan. Kaya nga pinalayas namin 'yan dito sa 'min dahil nilalandi n'ya lahat ng lalakeng kapitbahay namin. Napapa-away lang kami palagi dahil sa kan'ya!"

Sunod namang in-interview ang isang babaeng nagpakilalang leader ng isa sa pinakamalaking fans club ng C.U.P.I.D. "Ang kapal ng mukha ng babaeng 'yan! Anong gusto n'yang mangyari? Pag-awayan s'ya nina Clyde at Dave?!"