Ito ay isang pagpapaalam na hindi kayang gawin ng harap-harapan.
Pagpapaalam na alam kong na dapat mong malaman
Ngunit patawad mahal dahil ako ay isang duwag.
Hindi kayang sambitin ng mga labi ang mga salitang iyong dapat marinig.
Isang pagpapaalam sa pag-ibig na pilit mong inaalagaan.
Pagpapaalam sa taong lubos kong pinahahalagahan.
Saan ka nga ba nagkulang?
Saan nga ba ako nagkulang?
Mga tanong na hindi na kayang bigyan ng kasagutan.
Pagmamahalan kailanman ay hindi na kaya ipaglaban.
