nag-mulat ng mata sa tunog ng alarma
dinampot ang telepono alarma ay pinatay na
tumingin sa oras at napasambit ng "putangina"
pumikit, nag-kumot at handang bumalik sa kawalan ng pagkakahimbing
lumipas ang ilang minuto alarma ay pumapalahaw nanaman
dinampot and telepono upang patayin ang alarma
tumingin sa oras at napasambit ng "putangina naman"
bumangon, nag-luto ng agahan at naghanda para sa isang araw na kailangan lumipas.
alarma ay pumapalahaw nanaman
hudyat na ako ay huli na sa akong hanapbuhay
kumilos at nag ayos na parang walang oras na tumatakbo
pumasok, naupo at tumutok sa compyuter sa buong mag-hapon.
oras ay kay bagal naman uwian ay napaka-tagal
alarma ay pumapalahaw ng muli
hudyat na ang trabaho ay tapos na at kalahati ng araw ay lumipas na
nag-ayos, umuwi at nag-handa ng makakain para sa hapunan
oras ay lumipas sa pakikipag-usap sa aking butihing ina
alarma ay pumalahaw ng muli
hudyat na oras na para sa hapunan
nakisalo, nakipag-huntahan at nagligpit ng pinagkainan
oras na para ako ay mahimbing
hudyat na ang araw ay patapos ng muli
isang araw lumipas ng walang buhay at walang saysay
nag-ayos, humiga at natulog habang umasang sa alarma ay hindi na magising.
