مسألة انتقام

الجزء 5

الجزء الخامس :

وصلت لدار "مراد بنعثمان" و بديت كندق و من الزهر جا هو لحل الباب!!! غير شافني و هو يضربو الضو مفهم والو داخ و تلف و بقا حال فمو، و قال: شنو بغيتي اختي؟؟
بقيت كنشوف فيه دابا ملي حصل وليت اختو!! ،و أنا نقوليه : بغيت نهدر مع واليديك
و هو يجاوبني : علاش بغيتيهم؟؟
قلت ليه: بغيتهم باش نعاود ليهم داكشي لدرتي ليا انت و صحابك و يلقاو ليا شي حل! يالاه بغيت نبدا نتغاوت معاه و جا العساس ديال الحومة :مالكم؟ و جاوبو مراد : والو والو! و كيغمزني بدا كيبرد فيا و ولى ظريف ،قرب ليا و قاليا فوذني :انتفاهمو بلا شوهة عطيني نمرتك حتا نتصل بيك.
قلت ليه : لا والو اليوم غادي تدير معايا شي حل، صافي تزير و قاليا :سيري لراس الحومة انخرج طوموبيل و نجي لعندك.
مشيت تسنيتو و بعد جوج دقايق جا ركبت حداه ،و قال انمشيو دابا للبحر لشي بلاصة زوينة ناكلو ، و غير هدري معايا زوين انعطيك الفلوس و نتهلا فيك متكونيش باسلة و بلا ما تشوهينا؟ حسيت بيه خايف و غير كيرطب معايا ،قلت ليه انا مباغياش نمشي للبحر و مبغيتش الفلوس! و هو يقول و هو كيضحك: ياكما بغيتيني نتزوج بيك؟ بلا متحلمي بهاد القضية ! جرحاتني هاد الهدرة و مبينتش ليه و انا أصلا منقبلش نتزوج بمجرم موسخ ، قلت ليه: لا مبغيتش زواج انا غير عجبتيني و توحشتك و بغيت نجلس معاك فشي بلاصة بوحديتنا أو فالدار لكنا فيها.
صافي غير سمع الدار و هو يتحل و نشط عجبو الحال بزاف و قاليا: دابا عجبتيني ،اندوزو نتقداو الشراب و نمشيو قلت ليه صافي، وصلنا للدار فالليل دخلنا،
سد الباب و بدا كيحط الشراب و أنا نزرب عليه جبدت قرعة لانكول وورشيتها ليه فعينيه ، بدا كيغوت و كيحك فعينيه مبقا كيشوف والو و كيعاير ديك ساعة جبدت البنج درتو فالقطن و حطيتو ليه فوق نيفو،صافي و هو يغيب.
لبست ليگات طبية ،و شديتو حديت ليه حوايجو و جبت حبل ربطت ليه يديه و رجليه مزيان مع واحد السارية فوسط الدار.
وجدت تيليفون باش يسجل الصوت ، دازت مدة و هو يفيق لقا راسو مربوط بدا كيطلب فيا و كيبكي : غير طلقيني اختي و الله حتا نصلح الغلطة ديالي! ميكون غير خاطرك صافي غادي نتزوج بيك إلا بغيتي!
متسوقتش ليه و لطليب ديالو تفكرت ملي تكرفص عليا و و كان كيضحك و أنا كنبكي و كنطلب فيه و متسوقش ليا ،خذمت تسجيل تيليفون صافي جا وقت الحقيقة ا"مول النظاظر" خاصني نسجل گاع الهدرة لغادي يقول ماشي باش نعطي التسجيل للدرك او المحامي لا باش نعرف المعلومات على صحابو الي تكرفصو عليا .
قلت ليه عطيني سميات ديالهم و العناوين و بغا كيتلفني عطاني داكشي غالط، قلت ليه عاود عطيني سميات و عناوين و عطاني سميات ثانيين و انا نعرفو كيكذب ،جبدت الزيزوار و انا نقيسو فكرشو فيها جرحتو بيها و بدا الدم كيسيل و بدا كيغوت ، قلت ليه زيد غوت راه حتا واحد ماغادي يسمعنا نسيتي هاد الهدرة؟ بقيت كنجرح فيه و بدا كيعطيني سميات الحقيقية و عناوين و كيعاودهم اذن معلومات صحيحة! ملي خديت من عندو كلشي بدا كيغوت و كيتحلف عليا بغا يخلعني قاليا غادي ندير ليك اكثر من داكشي لداز إلا مطلقتينيش دابا!!! و انا كنشوف فيه تفكرت ملي اغتصبني هو الأول و من بعد بقا كيضربني و خلاني بالجوع و ملي لاحني من طوموبيل بدمي و وجهي كولو زرق آه مرحمنيش، شديت ليه عنقو دوزت عليه بزيزوار و خرجت بحالي......
#بنت_وزان
#كلكم_ظلمتوني
#إغتصاب_فتاة