ناس بتحب العلاك المصدي

طابور صباح العصر XD

مرحبااااا

كيف حالكم؟

دغوونيااااه

اول موضوع رح ابدا فيه و اكتر موضوع مستفز و فكرة الكتاب بسببه و هو طابور المدرسة

ياخي طابور الصباح هو رياضة و علاك مصدي بس ترا مدرستي بتبدأ الساعة 4 العصر يعني طابور الصباح صار العصر بس هنن مصرين انو الصبح :/

وبتجي المس من ورانا و الصفيرة (الصفارة مدري XD) ما بتفارق تمها بتصفر بأدنينا بتلعن ابوهن ولا كمان بتهشنا مثل الغنم (يلا على طابور الصبح) أمرنا لـ الله منوقف بالطابور منتخانق مشان نوقف ورا بتلاقو الكل واقف ورا و بتجي بتدفشنا مشان الغباء غصب عنا و رجلنا فوق راسنا و ما بكيفنا (تاخد نفس XD) #خرج_الوضع_عن_السيطرة 

منوقف بتجي المس و بتطلع على المسرح يلي الله يجعلو مسرح 6 بنات يوقفوا جنب بعض بكون خلص و بتبلش تحكي كلام مو مفهوم (مدرسة صفا انتباه) اتحداكم تعرفو شو المعنى (ملاحظة اسم مدرستي مو صفا XD )

كلو كوم و الرياضة كوم تاني يلي فات حمادة و يلي جاي حمادة تاني خاااالص الرياضة الأولى يلي الله يجعلها تضربوا رجليكون و تصفقو تراني طبيعية بس جننوني اضرب نفسي و اصفق :') و الرياضة الثانية تضربو رجليكم بالأرض حتى يطلع تراب لسبب مجهول ترا حيصيبني شلل :') و اذا ما عملنا صح بتعاقبنا  

بعدين بيبدأ النشيد الوطني بنات بنهاية النشيد و بنات بالبداية و بنات مو عرفانين وين الله حاططهون وبعدين بتجي هي قال يعني بدها تحسن الوضع بتحكي جملة بتفطسنا من الضحك ( عاااااش اتيييحاااادووو ايماااااراااتنااا) ترا النشيد مو هيك XD لا قال واذا عملنا كل شي صح في مكافئة و هي السباعية خفي علينا يا زلمة ترا فيني صفق بالبيت السباعية هي عبارة عن صفقة مالها علاقة بالرقم 7 أبدا ، بهي النغمة ( تتتن تتتن تتتتتتتتن تتتن تتتن تتتتتتتتن تن تن تن)
وبعدين الإذاعة :') المقدمة اطول مني (معلماتي ومعلمي و زميلاتي و مديرتي المحترمة اقدم لكم باقة عطرة فواحة برائحة الزنجبيل المعطر و العصفور صو صو صو شاف القطة قلها بس بس قالتلو مياو مياو... إلخ) ما في شي طبيعي الا القرآن يلي بيقرأوا وبس

بعدين بتجي فقرة هل تعلم (مع النغمة المعتادة: هل تعلم هل تعلم ان ننننن هل تعلم هل تعلم ان نننن إلخ) بعدين فقرة الأسئلة بيسألو سؤال بتلاقو الكل متحمس حتى المعلمات بدهم يجاوبوا و الجائزة مصاصة من يلي اول ما بتحطوها بتمكم بتختفي XDXD بعدين وطننا من المحيط الى الخليج املنا امة عربية واحدة ترا هاد الأمل متل أملي اني روح على كوريا جمع درهم على اساس بيكترو و بسافر بعدين روح اشتري فيه كيس شيبس

شي مستفز و علاك مصدي صح؟

#ناس_بتحب_العلاك_المصدي

وبس سلاااام

تجاهلوا الأخطاء الإملائية اذا في XD