ناس بتحب العلاك المصدي

اشياء لا تحدث الا في رمضان

مرحبا *-*

كيفكم؟

رمضان كريم

في كتير اشياء بتصير لما ما بدنا انها تصير مثلا لما تكون الأصبع مجروحة و فجأة يصير لازم نعصر ليمون و نرش ملح و تجي فيها زاوية الورقة و الكل يمسك الأصبع برمضان نفس الشي بيصير

أولا: منكون متحمسين لرمضان و فرحانين و فجأة تصير درجة الحرارة عشوي 59 لا بالله لسا ما انشوينا صيري 100 تحس بقمة الجفاف

ثانيا:لما نمشي جنب براد المي و يبلش يطلع اصوات رنقنقنق بنقنبقن بتحس كأنو عم يلمح يعني ما رح تجي تشرب؟ المي باردة اه صح نسيت انك صايم بففففهاهاا

ثالثا:لما منكون عم نحط الأكل و كل اكل الدنيا يجي على ايدينا لدرجة انك بتحس حرام تغسل ايديك نعمة الله ، ليه بس كدا بس كدا بس ممكن لحسة من غير قصد ؟بعدين بتفلهم

رابعا: بهي اللحظة اللعينة يلي كل ما منمشي جنب التلفزيون تطلع دعاية ماكدونالد او كنتاكي لك حتى دعاية السمنة بتشهي بكون بهي اللحظة مستعدة اني اكل السمنة كأنها مهلبية او كاسترد

خامسا: فجأة تفتح البراد تلاقي مي و معرقة من البرد ليييش مين يلي حطها؟ المشكلة ما حدا بيعرف مين يلي حطها

سادسا: لما منصوم بالأيام العادية منفطر من غير قصد على عدد وجبات اليوم بس برمضان سوووبهاان الله مستحيل ننسى ياخي مرة وحدة

سابعا: لما منتحمم برمضان بطريقة ما المي كلها بتفوت بتمنا ياخي ما عم حمم تمي و الله

ثامنا: منكون فاتحين قناة على التلفزيون مشان الاذان منسمعو عم ياذن و نجي نشرب بعدين نتذكر انو هي قناة دبي و الفرق بينا و بين دبي بالتوقيت 4 دقايق و لسا ما ادن عنا :')

استنوني بالعيد XD

مع السلامة