Ang apat na elemento ng buhay
Ay mayroon lamang dalawang katangian
At iisang beses lamang itong pamimilian
Ng indibidwal man o isang samahan
Na tanging orasan lamang ang maglalaan
Kaibigan, kaibigan huwag ka ng magalinlangan
Huwag mong pansinin ang kalat sa iyong harapan
Bagkos tumingal at ito’y huwag titigan
Magpatuloy sa paglalakad sa bahaging kanan
At doon sa silangan kaliwanaga’y matatagpuan
Kaibigan ang mundo’y puno ng pagsubok
Kawangis ng hangin ang kasalanan sa pagbulusok
Sa mga mangyayari’y iwasang magpakapusok
Upang di makalikha ng anumang maitim na usok
At iyong masamyo ang nakasusulasok
Sa pagdipa mo’y wangis ang krus na pinasan
At binitbit sa bundok ng kamatayan
Na nagtiis sa hagupit ng kalupitan
Ng nilalang na nagligtas ng sanlibutan
Huwag na nating dagdagan ang bigat ng pasan kaibigan
Pakatandaan ang ating kasunduan
Ang lahat sa ati’y sa kanya ilaan
Upang maging handa espirito mat laman
At walang madarama ni anumang kahihiyan
sa oras ng pagdalaw ni kamatayan
Ngunit sa paglabag dito aking kaibigan
Tyak na mortal ang magiging kasalanan
At ungot ng espirito’y mapakikinggan
Sa dagat na apoy na puno kalungkutan
At si satanas iyo’y magiging kaibigan
