புயல் பகைமை
அறிவீரோ கண்ணில்
பட்டதையெல்லாம் -
பறக்கவிடும் புயலை
அறிவீரோ...
தென்றல் - இனிமை பற்றி
தெரியுமா?
மேனியை உரசி மெய்
சிலிர்க்கச் செய்யும்
தென்றலைப்பற்றி தெரியுமா?
வெயில் - கடுமை அறிவீரோ
மண்ணில் பட்டதையும் -
படாததையும் ஆவியாக்கும்
வெயிலை அறிவீரோ ...?
நிழல் - பெருமைப்பற்றி
தெரியுமா? - வியர்வை
நானி ஓட, உயிர் உய்ய
கோடையின் - வேப்பமர
நிழல் பற்றி தெரியுமா?
பெருவெள்ளம் அறிவீரோ
தன்னில் உண்டதெல்லாம்
தரைமட்டமாக்கி - வரும்
வெள்ளச்சுழல் அறிவீரோ?
புனல் பாயும் - நதி
பற்றித் தெரியுமா?
சில்லென்று சிந்தை சிலிர்க்க
கரையோரம் கால்தொட்டு கடக்கும் நதிப்புனல்
பற்றித் தெரியுமா?
இவ்வளவும்
நீ அறிவாய்
திருமணமாகி.........
வீட்டினுள்ளே...........
மனைவி ?!
