#بروفيسري12
طلعنا مشييينا💔ابوووي قال لي عمتك وولدها ديل كلاب ياخ💔طبعا انا ببكي بس من الحصل دة كلوو💔قلبي كان واجعني بجد😭😭😭وصلنا البيت قفلته علي غرفتي وقعدتهه ابكي💔محتارة اعمل شنوو بس بجد بطني طمت من يوووسف ومن مواقفو معاي حاسه انو العيشهه معاهو حتكووون نكد في نكد وأوامر في اوامر بس😭الصباح ابوووي صحاني للجامعهه قولته ليهو مصدعهه م بقدر امشي الجامعهه💔ابووي قال لي شووفي ي بتي اول شي راجل بسمع محاريش وسواطات النسوان دة زاتو م رااجل✋💔من هسي بعمل معاك مشاكل وبهددك بالطلاق وبسمع كلام اموو تتوقعي منو شنوو لي قدام؟دة زول م متنوو مستقبل ولا شي💔اسي لما حصلت المشكله دي سألك الحصل شنو وحاول يفهم منك الحصل؟قولته ليهو لأ😔قال لي انتي لو دايراهو انا م عندي مشكلهه لكن انا خااايف عليكي من النكد الحتعيشي فيهو بعدين وانا متأكد عمتك دي والله حتفضل تنبح زي الكلب كدة وعمرها م حتتغير💔👋فكري انتي غايتو💕بعد م طلع قعدته افكر كدااا وبجد ابووي معاهو حق يوسف م عندي ولا زرة احتراااام عندو 💔ومن اسي بتشاكل معاي كدة وبقول لي اهلك صفتهم واهلك صفتهم 💔جاتني اسيل حكيت ليها الحصل قالت لي م قولته ليك الولد وامو اي واحد اتفه من التاني💔وبعدين يوسف شنوو وزفت شنوو 💔دة واحد شااافع وم بمسك بيت والراجل الاضانو خفيفهه حيفضل طوووووول عمرو كدة فهمتي ويوسف دة يختي م راجل مستقبل ولا تزعلي نفسك عليهو 👋قالت لي انا زاتي م ماشه الجاامعهه البوديني شنووو براي😞😂هند وسارة قالو هم زاتهم م ماشين😂قعدو اسيل غيرت ملابسها وقعدت💕قضينا اليووم نتونس 💔العصر كدة جا خالي عثمان قعد اتكلم معاي قال لي انا م بجبرك عليهو وم بشكر ليك يووسف لانو ولدي وعاارف طبااعو وم اكزب عليك يوسف دة ود امو اي نعم ولدي واي شي بس بسمع كلام امو💕وانتي بت اختي يعني حته مني وانا زاااااتي م برضى ليك الشينهه✋💔اها انتي دايرة شنووو؟سكته مساااااافهه وفكرته في كلام ابوووي 💔قولته ليهو الكلام القالو ابووي انا موافقهه عليهو ي خالي💔💔قال لي يعني موافقهه على الطلاق؟قولته ليهو اايوة😔قال لي طيب خييييير💔وطلع مشى💔المساء لقيت مكالمات كتيييييرة من يوسف قفلته تلفوني منو💔مشيت الجامعهه اليوم التاني بعد م خلصنا محاضرات وطلعنا لقينا راجل واقف جنب عربيتو وماسك راسو زي الرايحه ليهو حاجه كدة لانو بتلفت يمين وشمال💔قولته لي اسيل ولنا عمو الواقف دة م طبيعي 💔اسيل قالت لي مالك ومالو😒وقفنا مسافه جا مهند السنيييير وقف سلم علينا💕قال لي اسيل خليني اوصلكم لو مسافتكم قريبهه😸اسيل قالت ليهو ايييييييييك مسافتنا بعيدة ههه😄😄اثناء م نحن واقفين كدة الراجل جا سلم علينا 💕قال لينا ي بناتي المكان دة وين؟قولته ليهو دي جامعه الخرطوم كليه الطب انت ماشي وين ي عمو؟قال لي والله ي بتي انا زاتي م عارف نفسي ماشي وين💔اسيل قالت ليهو طيب جاي لمنوو؟قولته ليها لو عارف م كان سألك😒من كلامو عرفتو طاااشي💔وغريبه م كبيير في العمرر وماشاءالله لابس جلابيه بيضاء ولافي عمه زول عندو هيلبهه كدة😒قولته ليهو طيب ي عمو عندك تلفون؟هبش جيبو قال لي اااي عندي طلعو اداني ليهو💔لقيت رقم كاتبين عليهو ابنتي 💕شلتو اتصلته عليها قولته ليها السلام عليكم💕قالت لي اهلين💕قولته ليها معليش بس عندك ابوووك دة لقيناهو تايه هنا قدام المجمع بتاع طب الخرطووم هنا😊قالت لي شنوو ابوووي😱طيب اسي هو جنبك وكويس ؟قولته ليها ايوة جنبي وبخييير💕قالت لي عليك الله م تخليهو براهو انا اسي بجي عليكم دقايق بس💕الله يخليك م تمشي تخليهو براهو وخلي بالك منو 😭قولته ليها حاضر م حأخليهو والله 💕اسيل قالت لي شهد ي حنينهه حتأخرينا😣😣 قولته ليها اخليهو براهو كدة يعني ربنا حيسألني منوو😒😒😒وقفنا شويه كدة💕اسيل قالت لي خلينا ندخل كافتريا الجامعهه ونسوقو معانا💕دخلنا قعدنا تقريبا ساااعهه بعدها جاتني مكالمه رديت عليها قالت لي انا قدام الجامعه بس م شايفاكم؟قولته ليها ثواني ونطلع ليك💕قالت لي واقفه لابسه طرحه بنيه جنب الباب💕قولته ليهو عمي ارح نطلع عشان بتك منتظرانا بره 💕طلعنا لقيناها واقفه اول م شافتو جات جاريه علينا مسكتو قالت ليهو ابووي ليه طلعته براااك ي ابووي انا مش قولته ليك م تمشي مسافات بعيدة براااك😣😣😣قولته ليها الحمدلله عدت على خييير 💕قالت لي تسسلمو كتييييير شباب م قصررتو معاي والله💕💕قولته ليها العفوو يااخ دة الواجب وبعدين انتو بس خلو بااالكم منوو😊😊قالت لي انشاءالله 💕قولته ليهو عمو يلا سلااام 💕قال لينا ربنا يديكم العافيه ي بناااتي ويوفقكم انشاءالله ي رب💕ودعناهم ومشينا على كدة💕💕💕
بعد اسبوعين من الحصل المسا جا خالي عثمان قعدو مع ابووي في الهوول شويه كدة خالي مشى💕ابووي ناداني قال لي اسي خالك كان معااي هنا وجاااب لي القسيييييمهه بتاعتك وكدة💕 طبعا اتخنققتهه شديد 💕حبوبه قالت لي ولا يهمك والله ي بتي بلا وربنا ريحك منوو💔ابوي قال ليها يهمها في شنووو؟والله تعيش معززة مكرمهه في بيت ابوها وماف شي بنقصها 💕💕تكمل دراستها عليها👌👌👌👌👌🔪🔪🔪فااااهمه ي بتي ؟قولته ليهو حاااضر💕💕😔حبوبه قالت وبعدين انتي لسسه صغييرة ي بتي والف واحد بتمناك ولا تزعلي نفسك💕💕
دخلته غرفتي بكيت كدااا طلعته شريحتي كسرتها 💔هند بت خالتي قالت لي ي بت انتي المفرووض تفرحي 💕💕ساره قالت لي بركه الربنا طلعك من عمتك الفقريه دي بسسس عليها👌👌👌👌👌🔪🔪🔪
اليوم دة كان الخميس يوم الجمعهه صحيت السااعهه 12صباحا 💕💕صحيت بصوت اسيل وهي بتصررخ اخيرا اخيرا😍قولته ليها بسم الله 😳قالت لي اخييير ربنا ريحك من الفقر والمعولق الاسمو يووووووسف دة💔💔اخخخخخخخخخ الحمدللله ي رب😍قولته ليها دة شي بفرح يعني😒😒قالت لي والله بفرح يااخ عشان الموتخلف الاسمو يوسف دة😒😒😒😒الموووووووهم الحمدلله بعد كدة حنعيش في استكاانهه من غيييير شرووط ومن غيير افعلي داك واتركي دااك 🔫💦ربنا خلصك من مونفسن السعوديه دة🔫💦😒😒قالت لي الموووهم جيت اعمل استشوار لي شعري💃💃واظبط حواجبي💃هند قالت ليها بالله ظبطي لي معاك شعري ياخ😍😍😍حيوانات خلاص وقلوبهم باااردة😂😒😒😒مشيت فطرتهه وقعدته اتونستهه مع حبوبه وجيت راجعهه لقيتهم لسسه بعملو في شعرهم😒😒😒اسيل قالت لي تعالي اقعدي اظبطك💋💋قولته ليها م عايزة ياخ😒قالت لي ي مملهه الراحه في التغيير ابدي غيري من نفسسك شوويه تعالي اترزعي ي سجم😸قعدته ظبت لي شعري ووشي بعد م خلصنا اتمكيجنا قله ادب سااي😂😂اسيل قالت لينا تعالو نتسووولف قعدنا نتصوور💕بوووي جا داخل جاااب لينا شوكلاتهه جابتها لينا الحبشيه في الغرفهه💕💕اسي قالت لي ي سلام ي سلام على الزوق ياخ شهد عرسي لي ابوووك دة😆😆😆مع انو كووز كبير في الحكوومهه وانا م بطييق الكيزان لكن ابووك دة رااقي ياخ وبفهم وزول شبااابي كدة وحساس 🙊😍قولته ليها انتي بتتغزلي في ابووي ولا بتشتمي فيهو😒😒😒😒سارة قالت لي دة البغولو عليهو مدح بما يشيه الذم😂😂😂😂😂😂اسيل قالت ليهم ارح نغني ياخ يلا شيلو ورااي (شوفتو اخدر قياافهه حبيبي ي ناس👏👏ومسكتني الرجااافهه حبيبي ي ناس👏👏👏💃💃💃💃( هند قالت ليهو ايوووووويووووي 🙊💃💃💃ساره قالت ليها الصفقه في بيت الصفقه زغروتهه عاد تمام جب جرب👏👏👏🙊🙊💃💃💃قولته ليهم ابووي لو سمعكم الليله😒😒وانتي ي اسيل عاد الرجاافهه التكهربك💋😒😒😂
#نتلاقى👋✋
