#بروفيسري14
اسيل قالت لي سارة ارح نمشي نرقص هناك😍عااد اسيل م بتحب الرشاقهه حيوانه خلاص😒قولته ليها اسيل وقسما بالله تمشي ليهو م بخليك 😒ولا اشتغلت بي مشت شويه كدة هند قالت لي ارح نرقص😸قولته ليها ماشه ترقصي😒قالت لي ااي😒قولته ليها امشي طيب😒جادة هي زاتها لحقتهم الحيوانه 😂 بقيت بعاين للناس بس فجأة اشوف ليك اسيل بتسلم على دكتوور غساان 😳عرفتها حتقول ليهو انها جات معي😂طوالي غطيت وشي بالتوب شايفاها بتوصف ليهو ومادة اصبعها بإتجاهي 😒بعدها هي كملت رقيص مع ساره وهند شويه كدة شايفه دكتوور غسان جاي علي طوالي غطيت وشي وفتحتهه تلفوني😂جا وقف قال لي السلام عليكم❤طبعا عملته نفسي مخلووعهه قولته ليهو اهلين دكتوور غسان 😳ضحك قال لي حتفضلي مغطيه وشك كدة كتييير زي الهاربهه من زول😂😂قولته ليهو لا والله م كدة😂فتحتهه وشي قال لي اهااا شنوو طيب وهو بعاااين لي قال لي ممكن اقعد معاك اذا م عندك مانع طبعا😸؟قولته ليهو اتفضل ي برووف😊قال لي لا يااخ م بلاش بروف دي هنا في الصاله 💔طبعا بقيت بصلح في التوووب 😂وكل م ارفع عيني بلقاهو بعاين لي وانا زاتي بقيت مره اعاين ليهو ومره انزل راسي 💔قال لي م قولتي لي انتي من اهل العرووس ولا العريس😂قولته ليهو والله ولا واحد من الاتنين انا جيت مع بت جيرانا بس لانو العروس صحبتها💕قال هههه تمام يعني مرافقهه😂😂المهم انا العريس دة دفعتي💕فضلتهه انا بس في الدفعهه م عرستهه لكن قريب انشاءالله😂قولته ليهو هههه خاطب يعني طيب حلوو💕قال لي م خاطب مبدئيا كدة لكن الاقتراحات متوفرة والفكره في بس ربنا يسهل ؟طبعا بقيت اضغط على اصابعي مقلقهه طبعا😂لاحظ لي متوترة قال لي انتي خايفه؟😂قولته ليهو لأ ماف شي بخووف💔قال لي طيب زوجك كيف لسسه م نزل السودان ولا شنوو؟قولته ليهو اممممممم كويس الحمدلله والله 💕قال لي طيب عن ازنك ماشي على الشباب ديل💕قولته ليهو اتفضل 💕بعد مشى بقيت اعاين ليهو وهو ماشي وهو مشى وقف مع اصحابو وعااين لي عملته روحي ماسكه التلفون💔جات اسيل قالت لي دكتوور غساان كان خالطك شايفاهو🙊🙊🙊قولته ليها سجم تفكيرك م يمشي لي بعيد اتونس معي بث😒سارة قالت لي اسي بتكلم زينا كدة😔😔قولته ليها لالا بتكلم كوخااازي😒بعد الحفله خلصت ورجعنا البيت 😂اسيل وساره وهند كلهن شغالات يتكلمن عنو دكتور غسان دكتور غسان😒مزن قالت ليهم مش اللابس بدله كحليه دة؟اسيل قالت ليها اي💋💋قالت ليها ياخ دة كسسرنا كلنا الحفله كلنا بنتكلم عنوو لكن بري دة نضيييف شديد والله الحتعرسو ولا الحتحبو حتجيها نفسيات بس😂😂😂رجعنا البيت خلاص طفينا الانوار وعايزة انوووم فجأة بقيت افكر فيهو وفي كلامو معااي 💕
اليوم التاني في الجامعهه كان عندنا محاضرتين الاخيرة كانت مع دكتوور غساان واساسا دكتوور غسان بجي بس زمن المحاضرة 💔خلصنا المحاضرة الاولى 💕اسي كانت بتتونس مع مهند وشلتو وانا كنت قاعدة برااي شغاله بي تلفوني لما جا زمن المحاضرة التانيه اتصلت علي الحبشيهه حقتنا قالت لي حبوبهه في المستشفى 💔قولته ليها كيف يعني في المستشفى مالها 😱طبعا لمن مسكني هبووط المشكله انو هي بتتكلم وانا م فاهمهه منها شي 💔الشي الوحيد الفهمتو منها انهم في المستشفى💔قولته ليها ادي التلفون لي اي زوول جنبك يوريني انتو وين💔اتكلمتهه مع واحدة قالت لي في رويال كير💔💔ولا اتلفتهه شلتهه شنطتي وطلعتهه مستعجله من الجامعهه حتى اسيل م كلمتها💔طلعته مستعجلهه اتلاقيت مع دكتوور غسان قدام بوابه الجامعهه💔م اتكلمتهه معاهو💔قال لي شهد خييير ماشه وين؟ومالك بتبكي😳قولته ليهو حبوبتي في المستشفى وانا ماشه ليها😭قال لي خير حبوبتك مالها؟قولته ليهو م بعرف والله ي دوووب اتصلو علي وانا ماشه عليها😭قال لي طيب تعالي اوصلك تعالي مشينا ركبنا في العربيهه قال لي في اي مستشفى؟قولته ليهو قالو في رويال كير😭😭😭قال لي طيب م تبكي انشاءالله كلووو خييير دقيقه طلع تلفونو اتصل لي واحد قال ليهو ي ماازن كيفك انشاءالله تمام💕قال ليهو عليك الله في مريضه دخلوها ليكم ااسي المستشفى عايزك تطمني على حالتها بس انا جاي عليكم في الطريق💕قال لي حبوبتك اسمها منوو ؟قولته ليهو عائشه احمد💕قال ليهو اسم المريضه عائشه احمد عليك الله خلو بالكم منها لمن نصل تمام💕💕 💕وانا ببكي وهو بحاول يهدي فيني وسايق بأقصى سررعهه💔وصلنا المستشفى قولته للاستقبال عندي حبوبتي اسمها عائشه احمد اسي جابوها ليكم وين بلقاها؟وصفت لي غرفتها مشيت جري عليها دخلته الغرفهه لقيتها قااااعدة والصدمهه انها بتتونس ساااي مع الحبشيهه والممرضات💦😂طبعا دكتوور غسان جا داخل وراي لما شاف المنظر هو زاتو قعد يضحك😂قولته ليها حبوبه انتي كويسهه😳😳قالت لي اهلا اهلا ي بتي انا كوووويسهه انتي الكلمك منوو؟قولته ليها كلمتني امينهه😒مالك الحاصل عليك شنوو انا الصباح خليتككووويسهه😳الممرضهه قالت لي بس ضغطها ارتفع شوووويه يمكن عشان بتاكل ملح زايد لكن اسي اديناها درب والحمدللله نزل💕بس لازم تتابع مع دكتوور لمت ضغطها يتوزن طبيعي💕وطلعت خلتنا دكتوور سان سلم عليها قال ليها حبوبه كيفك؟انشاءالله انتي بخير؟قالت ليهو تمام ي ولدي انت منوو؟قولته ليها حبوبه دة دكتوري في الجامعهه😂المهم قعد يتونس معاها قال ليها اسي ي حبوبهه انتي لسسسه صغييييرة ضغط شنو ياخ المفرووض تخلي بالك من نفسك ولا شنوو😸😸قالت ليهو ي ولدي صغيره ويين والله الكبر دخل خلاث 😂قال ليها والله ي حبوبه انتي لسه شباب ياخ وقعد يونس فيها وهي تشيل وتحكي ليهو عن زمان نحن كنا بنعمل كدة وبنعمل كدة😂😂اتفقو مع بعض وحبوبه الزول لو م رادتو م بتتونس معاهو نهااائي😂😂قال ليها طيب ي حبوبه اهم حاجه صحتك عشان كدة تاابعي مع الدكاترة تمام ؟قالت ليهو بري والله المستشفيات دي ولا بريدها ولا شي ولااا بمشيها زاتو 💔💔قال ليها كيف الكلام دة ي حبوبهه يعني م دايرة تتابعي؟قالت ليهو بري خلاص بقيت كويسهه تاني م بجي💔ضحك وهزة راسو قال ليها طيب ي حبوبهه انا كل فترة وفترة بجي اقيس ليك الضغط اها رايك شنوو؟عشان ادويه الضغط دي عايزة ياخدوها بإنتظام💔قالت ليهو هيي لكن انت دكتور ي ولدي؟جا دكتوور داخل علينا 💕دكتوور غسان قال ليهو دكتوور ماذن حبيبي والله سلم عليهو 💕قال ليها اها ي حبوبه بقيتي كيف؟قالت ليهو كووويسهه ي ولدي الحمدلله💦💕قال ليها كتبته ليك ادويه تصرفيها وتاخديها بإنتظام وتقابليني كلو يوم سبت💕💕سكتت مسافه قالت ليهو كويس سمح💕على كدة طلعنا قولته ليهو دكتوور غساان شكرا ليك ومعليش بسببي ضيعته محاااضرة💔💔قال لي العفوو ياخ عاادي💕قولته ليها امينه وقفي لينا بتاع امجاد يوصلنا البيت💕💕قال لي ليه بس اركبو انا بوصلكم💕💕حبوبه قالت ليهو ي ولدي بنمشي برااانا💕قال ليها ي حبوبه ليه لكن والعربيه في وبعدين انا زي ولدك ولا شنوو؟😂قالت ليهو كان كدي سمح طيب مشى فتح ليها الباب ركبت ونحنا ركبنا ورا 💔اثناء م نحن راجعين جا ولد صغير كدة راكب موووتر سايق بأقصى سرعه وجا قاطع قدام دكتور غسان💔💔طبعا دكتور غسان قرب يضربو💔حبوبه قالت ليهو ي ساااتر والله غااايتو شباب الزمن ديل م نافعين💔💔دكتور غسان قال ليها طايشين شديد😂قالت ليهو طايشين وم مسؤلين 💔💔قال ليها اي والله ي حبوبهه بس ربنا يدي العافيه 💔💔قالت ليهو والله ي ولدي ربنا يدي العافيه بس في الانا شايفاهو دة والله بيوت زاتو م اظن يمسكوها💔💔قال ليها هههه والله ي حبوبه الكلام في التربيهه بس 💔قالت ليهو والله صحي ي ولدي الكلام في التربيه لكن الامهات زاتهم بقو دايرات تربيه اسي عليك الله لو صحي بمسكو بيوت زي شهد بت ولدي دي بفكوها؟قال ليها كيف؟طبعا انا قلبي بقى يضرب عااد ي حبوبه بتبااالغي😣😣😣قالت ليهو شهد بت ولدي دي شوفتها عليك الله اسي بت زي دي بطلقوها ؟قال ليها كيف الكلام دة ي حبوبهه شهد مطلقهه يعني؟؟قالت ليهو والله عمتها قبيحهه الله ياخدها عملت ليها مشاكل لمن طلقتها من ولدها💔دكتور غسان بقى يعاين لي بالمرايه 💔بدت تحكي ليهو كدة بس قولته ليها حبوبه وصلنا خلاص😣وقف العربيه نزلنا وطوول م هو واقف بعاين لي وانا سرعه سرعه دخلته حبوبه قولته ليهو تسسلم كتيير ي دكتوور ومعليش حبوبه كلامها كتير حبتين💔💔قال لي عادي ولا يهمك 💔قولته ليهو اتفضل اشرب مويه💕قال لي لا والله ماشي المستشفى كمان. 💕عايزة ادخل البيت كدة قال لي شهد انتظري هاااك سجلي لي رقمك 💔اتردتته بقيت اعاين ليهو 😳قال لي عشان اتطمن على حبوبه وكدة 💔قولته ليهو طيب شلته تلفونو سجلته ليهو الرقم ودخلتهه💕طبعا قلبي بقى يضرب م عارفه ليه الموهم احساس غريب كدة 💔💔
#نتلاقى✋👋
