Nightfall

Nightfall 7: First Drop

"A drop of your blood will start it all..."

EURUS

"Lunch na," sabi ni Celine nang dumaan siya sa upuan ko. Sumimangot ako. Mukhang makikita ko na naman sina Eclipse at Yul. Wala sa sariling inayos ko ang mga gamit ko at tumayo.

"May problema ba?" kunot-noong tanong ni Celine sa 'kin. Umiling ako. Hindi ko maaaring sabihin na sina Yul at Eclipse ang problema ko. Her raven hair was in tied in her signature high ponytail and her blue eyes were staring at me intently. Tila hinuhulaan niya kung ano ang problema ko at kung ano ang nangyayari sa 'kin. I knew she found this unusual because I was diligent when it came to studies.

"Hindi mo na naabutan ang quiz kanina," napapailing na sabi ni Celine. "It's unusual for you to go to class late. Nasaan pala ang kotse mo?"

"Nasa talyer," nakangusong sagot ko.

"Anong sira?" takang tanong ni Celine. Naglalakad na kami papunta sa cafeteria.

"'Yong trunk," sagot ko.

"Anong nangyari?"

"Mahabang kwento. Huwag mo ng itanong. Mahirap ipaliwanag." Nang pumasok kami sa cafeteria, natanaw ko sina Alys at Bess. Nakalugay ang itim at kulot na buhok ni Alys. We were all wearing our uniforms today. Tuwing Lunes, Miyerkules at Biyernes lang kami maaaring magsuot ng casual attire.

We all wore our white collar, black long sleeves blouse with white ribbon necktie. This outfit matched our black pleated above-the-knee skirts and white knee-high socks. There was a VU gold letter pin on the left side of our uniform which stood for Vaire University. My black shoes were flat, making it easy to run.

For the guys, they also had white collar, black long sleeves uniforms. Their pants were pure black. I couldn't believe the taste of this university. It looked like we were all gathering for a funeral, but I was glad that the students wore these uniforms in a classy way not in a gloomy way.

Bess was checking her lipstick. Napansin kong nasa kabilang table lang ang tropa ni Yul. Malapit lang din sa table namin ang pack ni Eclipse.

Pinilit kong iiwas ang paningin sa kanila. Hindi ko pa nakakalimutan ang ginawa ni Yul sa 'kin kaninang umaga. Kapag nakakita ako ng pagkakataon, ibabalik ko ang pabor sa kanya.

Maingay sa loob ng cafeteria. Dumiretso agad kami kina Bess at Alys.

"Musta? Bukas na ang pasahan ng initial draft ng thesis," bungad sa 'min ni Bess.

"Sa tingin ko naman, matatapos na natin mamaya. Chapters one to three pa lang naman ang ipapasa," kibit-balikat na sabi ko.

"I-send namin sa email mo ang mga nagawa namin para ma-consolidate mo na," sabi naman ni Alys. Sinusuklay niya ang kulot na buhok gamit ang mga daliri. Iniikot pa niya minsan sa daliri ang mga buhok niya para maging mas maayos ang kulot.

"Sige. Ipa-print na lang natin mamaya," sabi ko. Kumakalam na ang sikmura ko. "Bumili na tayo ng pagkain," pagyayaya ko sa kanila. Tumango naman sila at sumunod sa 'kin. I checked my purse while walking. Hindi inaasahang may nabangga ako kaya muntik na akong matumba. Mabuti na lang naalalayan niya ako kaagad.

"Careful." Magaan ang tinig niya. Nang tingnan ko siya nang mabuti, kumunot ang noo ko. He looked familiar. Maging siya ay napakunot-noo. Namilog ang mga mata niya na tila naalala ako. Maging ako ay napasinghap.

"Eurus."

"Kuya L-Lexus."

Pareho kaming hindi makapaniwala sa nakikita. Nakagat ni Kuya Lexus ang kanyang labi. It had been nine years, but it was impossible for me to forget his face. Bumundol ang kaba sa dibdib ko. Hindi ko alam kung ano ang sasabihin. His green eyes turned distant. Umigting ang mga panga niya at agad akong binitawan. His ash brown hair was cut short in a clean way. Matangos ang ilong niya at mapupula ang maninipis na labi.