SAMPUNG HAKBANG PALAYO SA'YO

Untitled Part 1

  SAMPUNG HAKBANG PAPALAYO SA'YO

Hindi ko alam kung paano sisimulan ito 

Katulad ng kung sa paano nga ba nagsimula ang pagtingin ko sayo 

Pagtingin, patingin-tingin—pati­tig-titig 

Hanggang sa marining ko ang maganda mong tinig 

Nang simulan mong ibuka ang iyong labing kaibig-ibig 

Mga salita, mga ngiti, na bawat makikita ay nagdudulot ng kilig 

Teka—kilig? Bakit may kilig? Bakit ako kinikilig? 

Maaaring nakakatawa 

Maaaring ako'y magmukhang tanga 

Pinagsawalang bahala, binalewala. 

Baka sakaling kinabukasan e bigla nalang mawala 

Ngunit ako'y mali dahil tila nanatili ang pagtingin na akala ko maglalaho nalang bigla 

Pero bakit—bakit lalo pa atang lumalala 

Hanggang sa maging halata 

Kilos na kahina-hinala 

Tingin na hindi makawala 

Ngiting hindi maikatwa 

Sa tuwing makakasama o makakausap ka 

Ngunit agad ding mababawi sa t'wing maaalalang ako nga pala'y umaasa sa wala

UMAASA SA WALA 

Gusto kita—oo gusto kita 

Ano nga bang magagawa ko, gusto mo'y iba 

Idagdag pa ang katotohanang dapat saki'y ipamukha 

Hindi tayo pwede, Hindi tayo pwede 

Ang pag-asang magkaron ng ikaw at ako ay isang bagay na imposible 

Parang linya ng tulang hindi akma sa isang simpleng himig 

Hanggang bulong lamang na hindi pwede ipadinig 

Hanggang tula lang pwedeng iparating ang mensaheng magmumula dapat sa aking bibig 

Una palang binalaan na ang sarili 

Pero hindi ko rin masisi 

Kasalanan ba? Kasalanan bang gustohin ka? 

Kasalanan bang ikatuwa ang makita kang masaya 

Kahit na, kahit pa.

Kahit pa hinding hindi magiging ako ang dahilan ng iyong ikaliligaya 

Kasalanan bang humanga?

Ang alam ko hindi, ang kasalanan ko'y kung ako'y aasa 

Masasaktan ng walang kalaban-laban 

Masasaktan sa pagtinging hindi dapat pinagtuunan 

Tunay ngang mapaglaro itong kaibigan kong tadhana 

Mukhang ako'y itinulak nya sa maling tutok ng pana 

Tinamaan ng maling palaso 

Kaya aking nararamdama'y dapat na itago 

Dapat na itago.. dapat na rin ba akong lumayo? 

Teka, kailangan ko pa nga ba o titingnan nalang kitang lumalakad papalayo 

Isa.. dalawa.. tatlo.. 

Hindi ako pwedeng tumakbo 

Hindi akong pwedeng humabol, ni humagulhol