أنا كاتِب.

عادات { ٢ }

السلام عليكم!

و أخيرًا جزء جديد من الكتاب اللي بحبه جدًا و الله و بحسه لذيذ كدا😂💙

إنهاردة -بإذن الله- هكلمكوا عن عادات الكُتاب، و طبعًا العادات دي كتير جدًا و عشان كدا هتلاحظوا إن كل مرة أتكلم فيها عن عادة معينة هكتبه في جزء خاص بيه و جنبه رقم الجزء الخاص بالعادات زي ما انتوا شايفين كدا😂 -أتمنى تكونوا فهمتوني- .

هتكلم بالعامية نظرًا إلى إنها تبقى مفهومة للكل عشان لو في حد شايف إني بستخدم ألفاظ بالفصحى صعبة مثلًا!

نبدأ! -بسم الله-

الكاتب مننا عنده عالمه الخاص زي ما كُلنا عارفين، و بيحتاج إلى 'طُرُق' خاصة بيه أو 'وسائل' عشان يدخل العالم دا.

اللي أقصده: هو إن مش في أي لحظة الكاتب عايز يكتب حاجة أو ينتج فكرة جديدة بيكتب على طول! لازم يكون الجو كُله متهيأ تمامًا عشان يعرف يركِّز.

بالإضافة لكدا، بتختلف أجواء الكتابة أو التفكير بإختلاف الكُتاب، بمعنى: مش كل الكُتاب عندهم نفس الأجواء، يعني مثلًا مش كلهم بيحبوا يكتبوا بليل!

عن نفسي، أنا بحب أكتب جدًا في الوقت اللي بعد نص الليل و قبل الفجر، و في بعض الأحيان بكتب الصبح بدري و دايمًا لازم يكون معايا مشروب بحبه و أكلة بحبها!

و على فكرة، مش كل الكُتاب بيشربوا قهوة، على سبيل المثال أنا!😂 بحب الشاي و النيسكافيه و البيبسي دا حياتي حرفيًا بالرغم إنه مُضر جدًا و الله.
و من الحاجات الشائعة عنا إننا بنحب المواد الأدبية في المرحلة الثانوية و لو حد لقى غير كدا بيستغرب!

أقصد: إن مش عشان هو كاتب يبقى لازم بيحب دراسة المواد الأدبية، يعني ممكن يكون نفسه يبقى طبيب أو مُهندس.

طب أنا رغيت كتير معاكوا كفاية كدا -بتنهد-

أتمنى تكونوا إستمتعتوا❤

سؤال كُل جزء: بتحبوا أكل إيه؟

ج: أنا بعشق المكرونة بالبشاميل و المحشي و صدور الفراخ و الشاورما السوري ياربي أنا جوعت😭😂

أحبكم✨💙