الله شكد حلو المنظر الكدامي اتمنى اظل هنا طول عمري طبعا الجزيرة كلش كلش حلوة همزين سمعت كلام ميس واجيت هنا البحر كدامي صافي ولون المي ازرك مثل لون السمة والساحل ابيض احس السالحل انضف من وجهي اني كاعدة داسترخي كدام البحر بس شو عطشت مديت ايدي وشلت هذا الكلاص اللي محطوط على الطاولة اللي بصفي لا والله مو كلاص حتى هو فد شي جنة بطيخة وبيهة كصبة وشمسية مثل اللي نشوفة بلافلام
المهم شلتة وباوعت بيه بس لايطلع عصير بطيخ اني احب البطيخ بس اكره من يسووه عصير لو علج هيج اتقزز من عندة باوعت بلبطيخة شفت عصير لونة برتقالي وبيه قطع ثلج اشتميت ريحتة الحمد الله ريحتة مو بطيخ شربت العصير الله بارد همزين انقذني لان الدنيا حارة كلش صدك بما انه الدنيا حارة ليش ما انزل للبحر باوعت على نفسي اي زين هسة اذب الروب وانزل للبحر بلبكيني وكفت ونزعت القبعة اللي جنت لابستهة باوعت ماكو احد هنا همزين يعني اكدر انزل للبحر بديت امشي باتجاه البحر بس لمحت واحد يركض خر ب هسة شون حنزل للبحر لازم انتظر هذا يوخر يلة بقيت واكفة انتظرة شوكت يجي ويوخر منا
من بدة يتقدم باوعت عليه زين عزة بعيني هذا شكد حلو يعني من اللي شفتة حاليا اكدر اكول عليه حات ادري هو بعيد بعدة بس باعوا هو ديركض بلشورت بس ومطلع عضلاتة عزة بعيني شنو هاي العضلات بشرتة هيج حنطاوية على سمار شعرة شوي طويل يعني يوصل لركبتة وسرح كلش انوب لونة شون حلو هيج بني ولابس نظارة شمسية بس مادري احس شكلة موغريب كل ميتقدم اكثر احس شكلة مالوف اكثر لا لا ممعقولة معقولة اللي ابالي صحيح خاف الشمس اثرت بية وصارت بية ضربة شمس وداشوفة هوة لا عزة بعيني اذا هاي ضربة شمس راح تكون احلة ضربة شمس اكلهة بحياتي وكل يوم حظل واكفة بلشمس علمود اخذ هيج ضربة خلي اروح اتاكد بديت اركض باتجاهة واصيح
الاء:توم توم
بدة يقترب من عندي وياشر بايدة عزة شافني يالله يالله اهدي بنتي اهدي شبيج اثكلي عادي يعني اول مرة تشوفين توم كروز مو انتي مكضية حياتج تباعين افلامة
عزة بس هذا مو فلم هاي حقيقية عزززة اجة يمة كلبي وكف عززة حموت
سجل عندك ياتاريخ حالة وفاة بسبب مرور كتلة جمالية اسمهة توم كروز
اخخخ مداكدر اي اجة يمة فدوة هسة يحبني ونصير مثل بلافلام اوووي اوووي شسمي جهالنة ادم اني احب اسم ادم زين اذا بنية شسميهة
الاء:اخخخ هاي شنو
حطيت ايدي على وجهي
بسكت؟؟
منو شمر علية بسكت شنو هلمكان الغريب يشمرون على العالم بسكت
الاء:اخخخخخ هلي شنو دتمطر بسكت هنا هاي اكيد وحدة من الحاقدات تريد تاخذ تومي تومي
تومي ليش هيج صغير
باوعت على الطفل اللي ديباوع علية طفل عيونة عسلي وشعرة بني نازل على عيونة باوع علية وضحك
ادم:ماما تباح الخير
الاء:لاااااااااااا ليش كعدتني من الحلم ها ليش
باوعلي وعيونة دتدمع اووووي يودة علية
ادم:ماما مخيفة
كمت من السرير وعدلت نفسي شوية
الاء:هسة صرت مخيفة مجنت مخيفة قبل شوي وعفتني اكمل الحلم
كلتها بصوت ناصي علمود ميسمعني ويبجي
اقتربت منة وحضنتة
الاء:اني مخيفة
حضني بايدة الصغيرة اوووووي اريد اعضهن
ادم:ماما حلوة
الاء:لك فديت اني وين اختك ام المصايب
ادم:ميار مخيفة
باوعت عليه شكد مصلحجي العالم اللي متعجبة كبل يسويهم مخيفين داريد اكوم جان اباوع على الفراش هاي شنو
الفراششش كلة بسكت لا يالله هذا الجرجف جبتة من تركيا مو منا ولونة فاتح وكيوووووت كلش
باوعت على ادم ومتاكدة اكو دخان ديطلع من فوك راسي حاليا مثل بافلام الكارتون
ادم باوعلي بكل برائة
ادم:اوووبس
ونزل من على الجرباية يركض
الاء:اوببس يا ابن الفرنسية تعال ولك اليوم كتلتك تصير عمل شعبي
ركضت وراه شفت خيالة كدام الغرفة مال ملابس مالتي دخلت للغرفة وهنا كانت الصدمة بكد هنا انكسر قلبي مليون قطعة مكياجي الماركة اللي اشتريتة من لبنان ودفعت بيه دم كلبي صاير طحين باليت الشدو متفرغ عليه الكونسيلر البلشر مطحون وصاير تراب الحمر المات مالتي مفتحات ومشمورات بلكع على الزولية البيضة مالتي واخيرا وليس اخرا فرش الدمج مغطسات بلفاونديشن والصبغ اظافر
باوعت على الجوكر الصغير اللي لابس الكعب مالتي اللي اجاني هدية من امريكا واللي حاليا صاير جلد نمر ملون من الصبغ اظافر المحطوط عليه
الاء:ليلتك سودة لا يابت المخبلة ولج شمسوية بغراضي
باوعتلي ليفوك وحطت ايديهة على خصرهة فوكاهة تتخصرلي هاي الاوزعة
ميار:داتمكيج
الاء:وفوكاهة تكوليهة بوجي بعدج بكد نفاضة الجكاير وتتمكيجين ولج اني من جنت بكدج جانت اكبر طموحي اغسل بشامبو دوف مال اختي هاي اقصى طموحي بلجمال ومرة لكفوني داشتم الشامبو بوكتهة خالتج زينب فضحتني بلبيت عبالك مسوية فعل فاضح
ميار:زمانة تغير
الاء:ايباااااااه ولج يا زمان هاي مال اول ابتدائي
ميار:اني مو طفلة اني صرت جبيرة
الاء:لا والله ومن تصيرين جبيرة تخمطين مكياجي
ميار:اصلا هذا من فلوس ابوية
الاء:الله الله صار بيهة فلوس ابوج اللي هوة رجلي باي ذة وي
ميار:اني حكول لبابا يجيبلي ام جديدة تطيني مكياجهة
الاء:تريدين ابوج يتزوج علية مو مغزر بيج الممية االي جنت اسويلجياهة بل٢بليل وسفة
ميار:قصدج اللي ابوية جان يسويليها
الاء:هوة شحصلنة من ابوج غير الفضايح
ميار:لتحجين على بابا حبيبي
الاء:حبيبي الي مو الج
ميار:لا هوة حبيبي اني من جيت للدنيا لحد الان
الاء:وهذا الشي صار ورة متزوجت ابوج يعني هوة حبيبي الي قبلج
ميار:لا اني
الاء:اني
ميار:لا اني
اجة ادم يركض وهوة يكول
ادم:بابا هذولي مخيفات اخذني وياك
انداريت عليه
الاء:هاي وية منو دتحجي
ادم:وية بابا اللطيف
الاء:دجيب انتة اللاخ هم صايرلي منافس جديد
اخذت الموبايل منة
الاء:ليش تكول لبنتك ان انتة حبيبهة ها ها ياخاين
سمعت صوتة يضحك ويكول:حبيبتي حاطة عقلج وية الجاهلة
الاء:لتكولي حبيبتي خلي هية تصير حبيبتك هاي فوك معايفني هنا وحدي يم هذولي الوحوش ورايح دتونس ابحدك والله يعلم جم وحدة مسويتك حبيبهة هسة
زاد صوت ضحكه وكلي:شلون اني وية حبيبي اللي يغار وثانيا حبيبتي هذولي جهالج ليش محسستني همة اعدائج
الاء:لان مكعديني من حلمي الجميل عزززة كل ماذكر منظر توم كروز وهوة ديركض يالله جنت راح اخذ بوسة على الاقل انا نفسي اتباس يكدعان
اجاني صوتة:متلمي نفسك يولية شبيج صارلي يوم عفتج خنتيني بلحلم يعني شلون اكنك على الحلم مالتج علمود من تريدين تنباسين متروح لشخص غريب
الاء:والله مشكلتك محد كلك تعوفني وتسافر
جاوبني:الله يستر بعدنة باول يوم وردتي تبوسين بلحم يجوز من ارجع الاكي ٣جهال بلبيت
الاء:والله بعد مشكلتك اذا تريد تطول
جاوبني:شوف الولية المعفنة وتكولهة بوجي ماشي اني اليوم حستضيف انجلينا جولي بحلمي
الاء:علمود اولع بيك وبجهالك المعفنين دول
باوعتلي ميار ورفعتلي حاجب
الاء:واول شي حبدي بيه حاجب بنتك هذا
ميار:بابا حبيبي ميقبل
الاء:لتكولين عليه حبيبي
ميار:حبيييييييييبيييييييي
الاء:حولع فيكي
جاوبني:الاء حبيبتي اني لازم اروح عدنة اجتماع ورة شوية
الاء:روح عيني بس وديني اذا سمعت او شميت خبر ان انتة نازع التيشيرت مالتك على البحر مو ليلتك سودة حياتك سودة
سمعت صوتة يضحك بصوت عالي واني مثل العار كبل ابتسمت هاي شبيه هيج ملطلطة جاوبني:ماشي يكبيرة حكعدلهم بلدشداشة
الاء:اي هيج زين
خلصت المكالمة وياه وبديت انضف القنبلة النوووية اللي صايرة بلبيت واللي اسمهة ميار وادم
خلصت تنظيف وغديت الجهال ونيتمهم سويت الكهوة مالتي وكعدت لزمت المفكرة مالتي وداقرة لحد موصلت
