ميار:مام ماما يوم يمة مام مامي ماميتا ماما ماما ماما
الاء:ولج وخري وخري البطل حيعترفلهة
ميار :يعني شنو يعترفلهة
الاء:ومسويتيلي بيهة ملعبة وفاهمة الدنيا صح ومتعرفين شنو يعترفلهة يعني يموت روحة من الزحف لا هاي سوالف ولد الكلية وهذا تركي لا يعني يصفن عليهة نص ساعة علمود يكللهة ان هوة معجب بيهة وبعدين تصير كارثة وميلحك يكللهة
الاء:يعني ...ويت شنو هلاسئلة وانتوا شعليكم ادبسزية اهتموا بالعابكم
ميار:مام احنة جوعانين شوكت راح نتعشة
الاء:ورة ماخلص المسلسل
ميار:هاي لان بابا سافر متسويلنة عشة من بابا جان موجود من العصر تسووويلة عشة
باوعلتهة واني فاكة حلكي بنتي شكد واطية يعني من صدك واطية
الاء:وابوج يرجع من برة بلتسعة وراهة نتعشة
ميار:بس المهم اكو ريحة اكل بلمطبخ واحد يدخل يبوكلة اكل ويطلع
الاء:هسة عرفت ليش من احط الاكل على السفرة حجمة يتقلص
ادم:ميار افشت السر
الاء:حتة انتة يا مثقف عود اني الي جنت معتبرتك كلاس طلعت تبوك اكل
ادم:اني مو سارق
الاء:حشاك ابني انتة نشال اكل بس
ادم:شنو نشال
الاء:كلمة فرنسية مراح تفهمهة
ميار:لتغلسين شحتسوين عشة
الاء:والله ظلعة حدزلكم فلافل من فالح ابو العمبة
ميار:ماحب العمبة
الاء:طبعا لو ابوج يحبهة جان دهنتي نفسج عمبة
ميار:بابا يحب الصاص
الاء:اللهم طولج ياروحا
ادم:مامي اني جائع
الاء:لو بس تبطل الفصحى مالتك حنكون بخير حكوم اسويلكم معكرونة بلبشاميل
ميار:دكولي هيج من البداية وفضينة
الاء:بنتي حبيبتي لمي لسانج ترة حتجيج دفرة
هوة هم المسلسل خلص وهذا البطل المعفن لساه معترفلهة سويت العشة ووكلت الجهال وبلدفرات يلة خليتهم ينامون رحت لغرفتي وحضرت نفسي علمود انام جيت دانام طفيت الضوة وبقيت بس الضوة اليم راسي بس حسيت اني خايفة اعوذو بالله شنو خايفة شكبرج تصيرن عاد بنتي انتي ام حاليا فزيت على صوت التلفون خاف اني ناقصة فوك الرعب الاني عايشة بيه هسة شلت التلفون باوعت وهنا ارتسمت الابتسامة مالتي من الاذن للاذن وبعدين بنتي ثكلي شنو هلطلطة هاي صارلنة شكم سنة متزوجين وكل مرة يدك علية الاكي نفسي ابتسم مثل العار ومادري ليش اعدل نفسي زين يعني هوة مراح يشوفني شكو اعدل كعدتي وشعري بعد ماعرف هوة هيج المهم احم احم
الاء:الو
اجاني صوتة وكلعادة ابتسمت اللهم طولج ياروح وية حركات المراهقة هاي :هلو حبي
ولك فديتك وفديت لسانك العسل
الاء:هيلاوووووو شلونك
اخذ نفس عميق وكال:مشتاقلج هوااااااي
الاء:اووووووي واني همين بيبي شوكت ترجع عاد مداكدر انام
سمعتة يضحك ويكلي :حبيبتي ميصير تظلين تخافين هيج ماكو شي راح يطلعلج والله
الاء:ماعرف تعرفني اخاف انام ابحدي وهسة انتة ماكو شلون
جاوبني:حبي روحي يم ادم وميار نامي يمهم او جيبيهم همة يمج
الاء:لا والله الوحش احن علينة من جهالك ماثق بيهم يجوز ياكلوني اني ونايمة
سمعتة يضحك ضحكتة القوية شكد احبهة هيج كبل تخليني ابتسم هاي الضحكة :حبيبتي هذولي اطفالج وانتي امهم مراح ياكلوج
الاء:ماثق بيهم مادام ينافسوني عليك
جاوبني:تستاهلين علمود تحسين بشعوري شوي
الاء:ليش ومنو منافسك علية
اخذ نفس عميق وجاوبني:كل واحد تجي عينة عليج
هنا حرفيا دفنت راسي بلمخدة اووي اوووي مداكدر
ورة شوي سمعتة يكول:حبيبتي طلعي راسج من المخدة
الاء:ماشي بس انتة راح تظل كاعد وياية اليوم لحد ماغفة بدون ماحس
جاوبني:ماشي شجنتي مفكرة تسوين قبل ماتصل عليج
الاء:داقرة الدفتر مال ذكريات مالتي
حسيت بيه ديبتسم وكلي :وين وصلتي
الاء:لليوم اللي شفتك بيه
سمعتة يضحك:لعد يلة كملي اريد اعرف شنو شعورج بهذاك اليوم
جبت المفكرة مالتي وابتسمت ورجعت كملت من وين موكفت .
