ဖြူလွလွ လက်ချောင်းလေးများ၏ထိပ်တွင် အရောင်ခြယ်သထားခြင်းမရှိသော ပန်းနုရောင်လက်သည်းခွံများက မနာလိုစရာကောင်းစွာ တည်ရှိနေသည်။ စုတ်တံတစ်ချောင်းကို ကိုင်ကာ အသေးစိတ်ခြယ်မှုန်းနေသော ပန်းချီကားက ဆွဲသောလက်နှင့်အပြိုင် လှချင်တိုင်းလှနေလေသည်။
ဒါကိုပဲ ကြည့်ရင်း မေ တစ်ယောက် ဘုန်းထက့်် ကိုမနာလိုဖြစ်တယ်။
ယောကျာ်းတစ်ယောက်က ဒီလောက်လှနေဖို့လိုလို့လား။ မေ မိန်းမပီပီ သဝန်တိုနေတတ်တာလား ဟုမေးလျှင် မှန်သည် မေ ဘုန်းထက်ကို သဝန်တိုသည်။ မေ့လို မိန်းမမျိုးကို ဘုန်းထက်လိုယောကျာ်းမျိုးက သစ္စာရှိရှိချစ်ဖို့ဆိုတာ အရမ်းစိတ်ကူးယဉ်ဆန်တဲ့ အရာမျိုးလို့ မေ့ ဦးနှောက်က လာလာသတိပေးနေတာ ခက်သည်။ မေ ဘုန်းထက်ကို ဘယ်မိန်းမလက်ထဲမှ အပါမခံနိုင်။
အတ္တကြီးသည် ဆိုလည်းရှိပစေ မေ သာ မောင့်ရဲ့တစ်ဦးတည်းသောချစ်သူပင် ။စဉ်းစားရင်း ပြုံးနေသော မေ့ကို ဘုန်းထက် လှည့်ကြည့်ရင်း ပြုံးလိုက်သည်။ ဒီကောင်မလေးကို ဘုန်းထက် ဖြစ်နိုင်လျှင် နှလုံးသားထဲသော့ခတ်သိမ်းထားချင်သည်။ သူများတွေ မမြင်ပေမယ့် ဘုန်းထက်
ဝသုန် ရဲ့ စိတ်ကလေးကိုမြင်သည်။ ဒါကြောင့်ပဲ မေနှင်းဝသုန်ဆိုတဲ့ကောင်မလေးကို ဘုန်းထက် ချစ်မိသွားခဲ့သည်လေ။ သူ့လို ဝသုန့် စိတ်ကိုမြင်တဲ့ နောက်တစ်ဦးဆိုတာပေါ်ပေါက်လာခဲ့လျှင်.....
သူခေါင်းကို အလျင်အမြန် ခါရမ်းလိုက်သည်။ ဆွဲလက်စ ပန်းချီကို အနားသတ်မျဉ်းလေး တစ်ကြောင်းဆွဲရင်း အဆုံးသတ်လိုက်သည်။ဘေးကိုလှမ်းကြည့်တော့ မေ့ ခမျာ အိပ်မောကျနေပြီ။ စောင့်ရတာကြာတော့ ပင်ပန်းသည်ထင် အိပ်နေလိုက်တာ ဟောက်လို့။ ဘုန်းထက်
မေ့ ကိုအသာအယာမွေ့ချီကာ ကုတင်ပေါ်တင်ပေးလိုက်သည်။ သူကတော့ကားသော့ဆွဲကာ coffee shopလေးသို့ ထွက်လာခဲ့လိုက်သည်။