بعدني اشتاكلك بس ما كلت مشتاك
رغــم فــراك وجهــك ادري بيه يشــل
حـل بطيحتـك كالـوا حبيبك صـــاح
سمعت اسم الله كلهم ما سمعت الحل
حتى الــما اهـــمهم كامـــوا يسلــمون
الله يســاعــــدك يمــكن مــفاركك خـــل
شيب ظلي بس ما شــاب امل ملــكاك
شتكــول ابقى انــاطر حتى ابــدل ظــل
بعــدهن عـالـجــفن نضــراتك مجلــبات
اخـاف افـتح أعيـوني ونضره نضره تـمـل
من اذب حسرة محـب عالكـبر تطلع روح
تكــعد الموتــه حسـرة محـب لو تنــزل
لويــت اذراع شمســك خضــرتلك ليــل
ما تخســر بعـد لـوردت تمشـي اتظــل
الرسملك واهس امة كبال سيفك ناي
ماتكد تذله العشك مابي ذل
طبعك ما صفة مثل اليحب بخوف
عايش لحظتة مثلك تشد وتفل
من جنت انت يمي الغيض ونسة ايصير
وافرح لون همك فوك كلبي يـجل
اكرها المايحب ماضاك طعم الليل
ولاتانه رسايل من محب يرسل
نبقة لياوكت مثل العراق نعيش
مثل من نحب يحب هم هو متعلعل
انا الصايم عليك من افطر الا وياك
اجذبة هلالهم ومصدكك ومتهل
وي صوتك خيال النفس جان يفوت
ما سامع كبل للنفس يوجد ظل
كبل لدور وجهك حجي الناس اندار
مفارك ناس صاحت ناس صاحت حل
مو كلهم شماته استغفر الله هواي
لذلك كمت احسن قله بيهه الكل
قساوة صوت غيرك بذني تكتب راح
يمته اكتب رجعلي وانسى حجي الغل
