عشقت مجنون

ابو البلاوي ....ام البلاوي

م//راح تكون طريقة السرد مرة بالعراقي ومرة بالفصحى و بس اتخلص الروايه راح اعدلها وغلسوا على الاخطاء الاملائية

"دعني على دقات قلبك اطبع رمز حبي لك"

(( للدكتورة يقين))

**************

قمر♥

لزمني من شعري وبدا يسب ويهدد دفعني على الكاع باوعلي بنظرة تخوف لاول مرة اشوفه بهيج حالة

آسر//لج اني مااقبل اخلي امثالج ببيتي من هل دقيقة تجمعين ملابسج وتطلعين بسرعة من الببت افتهمتي ولج

وليد//الله يطيح حظك اني واكف كدامك وتطرد بكيفك من بيتي تفووو قمر مراح تطلع وهسه تفهمني شصار .....

قاطعه بعصببة //هه لكيتها تحجي وي ولد من الشباك والمصيبة جانت مامحجبة اوووف والله اذا ماطلعت من الببت اسوي جريمة

وكفت وكلت بصوت عالي//اني احسن منك ومن اخلاقك يادكتور يامحترم لو بيك خير الزم خطيبتك الكاضيتها حضن وبوسات و.......

صفعتني عمتي و عيونها مدمعة //حراااام عليج تسوين هيج تضيعين ثقتي وثقت ابوج علمود واحد تافه لج كتلج الف مرة تركيه اتركيييييه للاسف ماتوقعتج هيج قمر انتي مستحيل بنتي الرببتها

دمعت عيوني بقهر ليش دائما اني مظلومة ومن كل شيء بالحياة وكوله بسبب آسر بس بسيطة ياآسر هل مرة مراح اتركك بحالك

باوعتلي عمتي بنظرة خيبة وبعدين التفتت الوليد وآسر //اسفة على كل شيء وليد واسفة ابني آسر مااعرف شكول بس......

قاطعها آسر//لا انتي راح تبقين هنا وتبقين زوجة ابويه واني احترمج بس هاي الوكحة لازم تطلع من البيت اني مراح ابقى ببيت واحد وياها

وليد بحدة //آسر كافي كلام مامنه نفع وقمر حتبقى بالبيت وانته حتبقى همين ومااريد كلمة ثانية

آسر بسخرية//هه على فكرة اريد اكولك شيء انته ومنار وبعدين انته احكم اذا تريدها تبقى او لا ...قبل كم يوم شفتها همين وي ولد ويتحرش بيها هه واني نقذتها باللحظة الأخيرة هاي البنت ما مؤدبة ولازم تتربى من اول و جديد

منار بصدمة//لج صدك هذا الكلام لو لا لج لا تجذبين علي احجي انطقي

اخفضت نظري للاسفل // يي صح كل شي كاله بس..