"وبين الف ذكرى وذكرى "
"أصبحت رماد"
( للدكتورة يقين)
ENJOY
********************
جوري♥
دخلت للبيت تعبانة كولش وكلش ضايجة من الشغل لان هواي شباب يحجون عليه ويجرحوني بالكلام ...همه مايدرون انو اني اعاني كل يوم بسبب خالي ومرته همه يخلوني ابيع كتب بالشارع ويعرفون انو الشباب يتحرشون بيه وينطوني ارقامهم
....عبالهم اني رخيصة لان فقيرة بس كلشي بيد الله ....اخخ اشتاقيت لامي وابوي جانت مدلله عندهم بس الله يرحمهم ..........سمعت مرت خالي القبيحة تصيحني
سهاد//لج جوري ...جوررررري
جوري//هاااا شصاير خاله
سهاد بتهكم وامسكت شعر جوري بقوة وهي تصرخ//لج اني مو كتلج لا تتأخرين بالشغل وتجين من وكت تنظفين البيت عود صايرة قوية بسيطة *صفعتها وصرخت عليها*اليوم تنظفين البيت كله وماكو اكل اليوم
نزلت دموعها بقهر الى متى سوف تبقى كالعبدة عندهم .....اين ومتى سوف يأتي اميرها وينقذها من هذا العذاب
********************
بعد اسبوع♥
احمد♥
اوووف ياربي هاي البنيه حلوة وبريئة ياريت تصير الي بس اكيد آسر وابوي ميقبلون لان بعدني صغير بنظرهم بس اني عمري 17 اوووف بس ليش هذا الرجال يضربها ويهينها مستحيل انو يكون ابوها ....ضليت اراقب بيها وهيه حست بنظراتي بس ماانطتني اهتمام ...بعدين اجى ولد ولزم ايدها هيه ابتعدت عنه بس هو ضل يتحرش بيها .....
لكن فجاءة اجى خالها وبعد الولد وجمع الكتب وسحبها من ايدها بقوة .....اوووف اريد اعرف منو هيه وهذا منو اليعنفهة دائما .......
***********************
رجعت للبيت ولكيت ام كرش قمر كاعدة تاكل دومها تاكل ...صحت عليها بحيث طفرت من مكانها
احمد //هيييي ولج كومي شكد تاكلين وليش متلبسين حجاب يعني متعرفين انو اكو ولد بالبيت
قاطعته بشبه صراخ:/يلا كافي لغوة واصلا انته لو تعرف الاصول جان دكيت الباب قبل ماتدخل هيج جنك حرامي
احمد بحقد//اشش تدرين انتي نفس اخلاق عمتج النصبت على ابوي واخذته ودخلت البيتنه وخربت كولشي بيه حتى اخذت ابوي من امي وابوي بسببها حتى ماعنده وقت يسأل علينا اني وآسر وانتي تسرحين وتمرحين على كيفج بالبيت.وعلى فكرة انتي وعمتج على يوم راح اطردجن من البيت واذكري كلامي يا عديمة الاخلاق
أنت تقرأ
عشقت مجنون
Roman d'amourحب نشأ بين قلبين......هي احبته ببرءاة طفلة وهو احبها بهوس مجنون ////////////////// ...................................... حبيبتي ابتسامتها كنور الشمس المضاءة لكنها قمر واحتار فكري بينها وبين الشمس ايعقل ان يكون القمر هو الشمس بذاته...
