للكاتبه فردوس عبد اللطيف
الجزء 4 والاخير
بعد ماتزوجت ابن خالى عشت وياهم اخوانه كلهم متزوجين ونسوان اخوته ويوميه مشكله راتبه يصرفه على نفسه بين كراوى وملابس وجكاير كان يدخن هوايه اسمه كامل وانى من احتاج شي ماعنده ينطينى بقيت بعوز اظطريت اشترى مكينه اخيط للنسوان بفلوس واجيب اقمشه طواله وابيع بالمتر صار عندى وارد واصرف على نفسي من شغلى بس المشاكل نفسهه اظطريت اروح لاخوى محمد واداعيه بحصتى بورث بيت امى انى تعبت ياخوى وذولى بس مشاكل واريد استقر اخوى هم ماعنده انطانى مبلغ بسيط اقل من حصتى رحت اشتريت قطعه زغيرة وبنيته من فلوس بيت امى وبعت ذهباتى وانى مجمعه مبلغ كملت البيت واثثته ورتبته بصراحه كامل مادفع ولافلس بالبناء ولا بمصرف البيت كله من شغلى مرت 3 سنوات على زواجنه وطبعا اراجع اطباء وهم ماصار عندى حمل وظل يتحجج كامل انى رجال واريد اطفال وشنو ذنبي ابقى ماعندى طفل يحمل اسمى والطبيبه دكلى مابيج شي وهو يوميه يسمعنى كلام يقهرنى ويعيرنى يكلى انتى عاقر وميصير عندج اطفال كتله شتريد تتزوج اشو هذا كيف انى هم مليت من ملحته اكو بنيه جيرانه صغيرة بعدهه وكلشي متعرف خطبتهه وزوجته من فلوسي وحبلت وجابت ولد سنو عمار وانوب التعب صار على شغل البيت والطفل والخياطه وكامل يوميه يسمعنى حجايه من القهر تمرضت صار عندى سكر وضغط وبديت اخذ علاج وتراجعت صحتى فوك هذا كله اجه كامل وفاجانى بكلامه اريدج تكتبين البيت باسمى اذامتى اخوتج يدخلون ورثه وياي انى انصدمت من تفكيرة وكلامه كتله انى البيت باسمى وانى الى اصرف عليكم وانت يوميه تقهرنى بحجايه وتتحجج على وتتعارك انوب البيت يصير باسمك حتى تطردنى بعدهه ظل يوميه عركه يوميه مشكله زين المن اروح وين بيت اخوى استحى حسيت الدنيا ضاكت بي تمنيت الموت ياخذنى اشو لاطفل اخاف عليه من بعدى يتبهذل وانى عايشه مثل الزهرة كنت والناس مثل الاشواك ماحصلت منهم غير الاذيه وهم لومتت لااحد راح ينقهر على الموت ارحم من العيشه مع الاشواك بقيت اضم قهرى بكلبي لا اكدر احجى والمن اشكى على الاقل رب العالمين رحيم بعباده تعبت من العرايك والمشاكل
فديوم برمضان اجوى يكعدون زكيه ماتكعد ولاصحت لكوهه ميته بفراشهه
ولحد الان محد عرف سبب وفاتهه هل هى اخذت علاج الضغط مرتين وناسيه او انقهرت قهرة قويه وتسببت بوفاتهه وهى نفسها ابيه وعزيزه وماتتحمل وتضاربت الاقاويل حول وفاة زكيه بس زوجه اخوها من اجتى شالتهه حتى يغسلوهه تغسيل الميت شافت اغراضها مبعثرة وحلقتها ومحبسها الذهب ماكو منزوع من ايدهه يعنى اكو احد مبعثر اغراضها يدور على فلوس ذهب
بعد كم شهر زوجهه كامل حول البيت باسمه وعاش بي ويه زوجته وابنه
واهلهه سكتو وماحجو وياه وتركو لعقوبه رب العالمين
عاشت مظلومه وماتت مظلومه ولكن هى الان عند مليك مقتدر وارحم الراحمين
انتهت ترقبونى بقصه جديده
الكاتبه فردوس عبد اللطيف
